Keçid linkləri

2017, 17 Avqust, Cümə axşamı, Bakı vaxtı 10:08

Bu ilin birinci rübündə Azərbaycana gətirilən mallar dəyər ifadəsilə 17 faiz azalıb. Bununla belə, gömrük ödəmələrindən büdcəyə daxilolmalar 37 faizədək artıb.

Dövlət Gömrük Komitəsinin (DGK-nın) məlumatına görə, yanvar-mart aylarında xarici ticarət əməliyyatlarının iştirakçıları dövlət büdcəsinə 571 milyon manat gömrük rüsumu və vergi ödəyiblər. Ötən ilin eyni dövrü ilə müqayisədə ödənişlərin məbləğı 154,1 milyon manat - 37 faizədək artıb.

Buna da bax:​ Divar kağızı deyib keçməyin, söhbət 117 milyon dollardan gedir

Ödəmələrin əsas hissəsi əlavə dəyər vergisinin (393,8 milyon manat, artım – 33,7 faiz) və gömrük rüsumlarının (153,6 milyon manat, artım – 43 faiz) payına düşür. Aksiz və yol vergisinin yığımında da artım var.

Sahibkar da itirir, istehlakçı da

Gömrük ödənişləri manatın ABŞ dollarına olan rəsmi məzənnəsinə uyğun ödənilir. Bu səbəbdən manatın alış və satış məzənnələri arasındakı kəskin fərq (hazırda bu göstərici hər 100 manatda 7 manata yaxındır) sahibkarlara əlverişli deyil. Gömrük vergi və rüsumları Mərkəzi Bankın rəsmi məzənnəsi ilə ödənilir, sonradan xarici valyutaya tələbat yaranarsa, iş adamları onu yüksək məzənnə ilə almağa məcbur qalırlar. Manatın möhkəmlənməsi fonunda istehlak bazarında qiymətlərin aşağı düşməməsi həm də bu amillə əsaslandırılır.

Buna da bax:​ İdxal azalıb, ixrac artıb – Gömrük Komitəsi

Günün bütün mövzuları

XS
SM
MD
LG