Keçid linkləri

2024, 28 Mart, Cümə axşamı, Bakı vaxtı 23:34

Evin içində bir otaq, otağın içində bir şeir


Vasif Əlihüseyn
Vasif Əlihüseyn

- Vasif Əlihüseyn

ÇAYIMI STƏKANDA

DƏMLƏMƏKDƏN BAŞLAR UNUTMAQLAR

Sızğa yağışlar yağar küçəmizdə,

külək əsər, evlərin üstünü

götürüb aparmaq üçün.

Başını

pəncərədən bayıra çıxarmaz qonşular,

görməzlər getməyini -

acıxlanmazlar arxanca.

Hər şey kiçilər sən gedən gün,

Çayımı stəkanda dəmləməkdən

başlar ayrılıq.

Qoşa şəklimizin altında,

hələ tək yatmaqlar.

Hər axşam,

evə gec qayıtmaqlar var,

Hər axşam,

“Kilki” yemək var, səndən sonra.

Evimin içində bir otaq,

otağın içində bir şeir olar

arxanca yazılmış.

Belə,

arxanca danışmaq kimi çıxmasın,

səni öpmədiyim günlərin

qəzaları qalıb dodaqlarımda.

VİKTORİYA

Əvvəl

Çox tənha hiss etdim özümü

Sonra alışdım burda yaşamağa

Viktoriya!

Bilirsən,

Bu şəhərdə bizimkilərdən çoxdu.

Gündüzlər bazarlarda meyvə satıb,

gecələr pul xərcləməyə yer tapan

atalar üçün

darıxar uşaqları.

Yaxşı yadımdadı

Evdən çıxmağım,

Viktoriya!

Arxamca ağlayan körpələrimin

çığırtısı qalıb qulağımda.

Heç nə vecinə deyil,

Viktoriya!

Soyuq pivəni

başına çəkməklə məşğulsan.

Mən isə

atasız qalan uşağının başını tumarlamaqla məşğulam.

hələ sünnət də etdirəcəm ona.

Bir də

atamı tutar polisləriniz,

Viktoriya!

Kabinetlərini sildirərlər ona.

Lənətə gəlsin polislərinizi!

Atam evimizin kişisidi

O, kabinet silməyib heç vaxt.

XS
SM
MD
LG