Keçid linkləri

Təcili xəbərlər
2020, 30 Oktyabr, Cümə, Bakı vaxtı 04:56

Karantin noyabrın 2-nə kimi uzadıldı


Bakıda karantin yoxlamaları

Baş nazir Əli Əsədov noyabrın 28-də "Azərbaycan Respublikasının ərazisində xüsusi karantin rejiminin müddətinin uzadılması barədə" Qərar imzalayıb.

Qərara əsasən, koronavirus (COVID-19) infeksiyasının ölkə ərazisində yayılmasının, onun törədə biləcəyi fəsadların qarşısının alınması məqsədilə xüsusi karantin rejiminin müddəti 2020-ci il 2 noyabr saat 06:00-dək uzadılıb.

Bundan başqa, bu il 3 oktyabr saat 00:00-dan 5 oktyabr saat 06:00-dək, 10 oktyabr saat 00:00-dan 12 oktyabr saat 06:00-dək, 17 oktyabr saat 00:00-dan 19 oktyabr saat 06:00-dək, 24 oktyabr saat 00:00-dan 26 oktyabr saat 06:00-dək, 31 oktyabr saat

00:00-dan 2 noyabr saat 06:00-dək ictimai nəqliyyatın və Bakı Metropoliteninin fəaliyyəti dayandırılır.

Azərbaycanda bu il martın 24-dən karantin rejimidir.

Xatırlatma

2019-cu ilin sonlarında dünyada yeni koronavirus aşkar edilib. Bu il martın 11-də Dünya Səhiyyə Təşkilatı (DST) koronavirusu pandemiya elan edib. Dünyada sürətlə yayılan bu virusa indiyə qədər 33 milyon 342 mindən çox şəxsin yoluxduğu bildirilir. Onlardan da 1 milyondan çox şəxsin vəfat etdiyi açıqlanıb.

Azərbaycanda isə indiyə kimi ümumilikdə 40 min 61 nəfərin koronavirus infeksiyasına yoluxması faktının müəyyən edildiyi, onlardan da 588 nəfərin vəfat etdiyi açıqlanıb.

Multimedia

XS
SM
MD
LG