Keçid linkləri

Təcili xəbərlər
2019, 20 Avqust, çərşənbə axşamı, Bakı vaxtı 04:44

Planetlərdən birinə Nəsiminin adı verilib


Bakıda Nəsiminin heykəli

İmadəddin Nəsiminin 650 illiyi ilə əlaqədar Beynəlxalq Astronomiya İttifaqı (BAİ) kiçik planetlərdən birinə onun adının verilməsi barədə qərar qəbul edib.

Bu vəsatəti Azərbaycan astronomu, BAİ-nin üzvü, N.Tusi adına Şamaxı Astrofizika Rəsədxanasının baş elmi işçisi Əyyub Quliyev qaldırıb.

Bu barədə məlumatı bu gün, iyunun 3-də Azərbaycan Milli Elmlər Akademiyasının saytı yayıb.

«Nəsimi planetinin kataloq nömrəsi 32939, hərəkət zonası isə Mars və Yupiter planetlərinin arasındakı asteroid qurşağıdır. Bu planeti 1995-ci ilin oktyabrın 24-də Çexiya astronomları Klet rəsədxanasında aşkar ediblər və uzun müddət 1995 UN2 şərti ad daşıyıb. İndiyədək o, dünyanın müxtəlif rəsədxanalarında 807 dəfə müşahidə olunub», - açıqlamada yazılıb.

Xatırlatma

Prezident İlham Əliyev 2019-cu ili Azərbaycanda «Nəsimi ili» elan edib.

Azərbaycan tarixçilərinin iddiasına görə, İmadəddin Nəsimi (Seyid Əli Seyid Məhəmməd oğlu) 1369-cu ildə Şamaxıda (Azərbaycan paytaxtı Bakıdan 120 kilometr aralı) doğulub. 1417-ci ildə edam edildiyi vurğulanan şairin Hələbdə (Suriya) dəfn olunduğu bildirilir. Onun şeirləri dünyanın bir çox dillərində tərcümə edilib.

Günün bütün mövzuları

XS
SM
MD
LG