Keçid linkləri

2017, 18 Noyabr, şənbə, Bakı vaxtı 01:07

Azadliq.info-nun əməkdaşı atasının təhqir olunduğunu bildirir


Təzəxan Mirələmli

Azadliq.info saytının əməkdaşı Təzəxan Mirələmlinin atası Məhərrəm Mirələmovun saxlandığı 2 Saylı Cəzaçəkmə Müəssisəsində təhqir olunduğu bildirilir.

Bu haqda T.Mirələmli özü bildirib. Onun deməsinə görə, atası öz işiylə bağlı nəzarətçiyə nəyi isə bildirmək istəyib:

«Amma bunun əvəzində 65 yaşlı şəxsi dustaqların önündə təhqir ediblər. Hesab edirəm ki, bu, təsadüfi deyil, bunun özü də mənə təzyiq vasitəsidir. İşdən çıxarılası bir kəsim qalmayıb, 2011-ci ildə oğlum həbs edilib, bundan 6 ay sonra atam narkotik satışı adı ilə şərlənərək həbsə alınıb. Odur ki, indi onlara həbsdə hər hansı təzyiq ilə mənə təsir etmək istəyirlər».

T.Mirələmli deyir ki, Milli Şuranın oktyabrın 28-də keçirilən mitinqi öncəsi ona müxtəlif telefonlardan zənglər olub. Amma bu zənglərə cavab verməyib.

T.Mirələmli hesab edir ki, azadliq.info saytında fəaliyyətinə görə həbsdəki yaxınlarına təzyiq göstərirlər. O, 2008-2015-ci illərdə AXCP Cəlilabad rayon təşkilatının sədri olub.

2011-ci ildə onun 7 saylı Cəlilabad şəhər məktəbində 8-ci sinifdə oxuyan oğlu Vasif Mirələmov bir məktəblini bıçaqla qətlə yetirib. O, təxribata çəkildiyini, bu əməli atasının siyasi əqidəsinə görə təhqir edilməsinə cavab olaraq törətdiyini açıqlamışdı. V.Mirələmov 2012-ci ilin fevralında Lənkəran Ağır Cinayətlər Məhkəməsinin qərarı ilə 8 il müddətinə azadlıqdan məhrum edilib .

2011-ci ilin oktyabrında isə T.Mirələmlinin atası Məhərrəm Mirələmov külli miqdarda narkotik satışı adı ilə həbs edilib. 2012-ci ilin sentyabrında Lənkəran Ağır Cinayətlər Məhkəməsinin qərarı ilə 13 il yarım müddətinə azadlıqdan məhrum olunub.

T.Mirələmlinin həbsdəki atasının təhqir olunması ilə bağlı dediklərinə hələlik Penitensiar Xidmətdən münasibət almaq mümkün olmayıb.

Günün bütün mövzuları

XS
SM
MD
LG