Keçid linkləri

Təcili xəbərlər
2018, 24 Fevral, şənbə, Bakı vaxtı 06:32

Khamenei Səudiyyə liderlərinə 'səfeh' dedi


Ayatollah Ali Khamenei, 19 May, 2017

İranın ali dini lideri Səudiyyə Ərəbistanı liderlərini, Birləşmiş Ştatlarla müttəfiq olduqlarına görə “səfeh” və “dəyərsiz” adlandırıb. Ayatollah Ali Khamenei mayın 27-də deyib ki, bu siyasət sonucda onların “tam iflası”na aparacaq.

Səudiyyəliləri ABŞ-la 110 milyard dollarlıq müdafiə və silah sazişi bağladığına görə Khamenei onların “amerikalılardan ötrü sağmal inək” olduğunu vurğulayıb. Həmin saziş prezident Donald Trump-ın mayın 20-də Səudiyyəyə səfəri zamanı imzalanıb.

Buna da bax:​ Ayatollah Khamenei: 'Təhsilin əsasını Quran təşkil etməlidir'

“Ona görə səfehdirlər ki, İslamın düşmənlərini pulla əldə edəcəklərinə inanırlar”, – yarırəsmi Fars xəbər agentliyinin yazdığına görə, ali dini lider deyib.

“İslamın düşmənlərinə səmimi davranır, Bəhreyn və Yəmənin müsəlman əhalisinə isə bunun əksini göstərirlər”, – Khamenei Ramazan ayının başlanması münasibətiylə dini toplantıda söyləyib. Onun sözlərinə görə, “onlar mütləq iflas edəcəklər”.

Buna da bax:​ 'Ayatollah Putin' və Çeçenistan müftisinə brilyant hədiyyə

Elə həmin gün İranın yeni seçilmiş prezidenti Hassan Rohani Qətər əmirilə telefon söhbətində Fars Körfəzi ölkələriylə münasibətlərin yaxşılaşdırılmasına çağırıb.

Günün bütün mövzuları

XS
SM
MD
LG