Azərbaycanlı kişilər Özgəcan üçün yubka geyindilər- Fotolar
Türkiyədə qətlə yetirilən Özgəcan üçün sosial medianın azərbaycanlı kişi fəalları yeni aksiyaya başlayıblar.
Onlar yubkalı fotolarını facebookda #ozgecanicinminietekgiy haştaqı ilə paylaşaraq qadınlara qarşı zorakılığa etiraz ediblər.
Türkiyə prezidenti Recep Tayyip Erdoğan qadınlara qarşı zorakılığı ölkənin "qanayan yarası" adlandırıb. 20 yaşlı Özgecan Aslan-ın onu zorlamağa çalışan kişi tərəfindən bıçaqlanıb öldürülməsi ölkədə etirazlara səbəb olub.
Diqqətə görə təşəkkürlər!
AzadliqLive fevralın 17-da başa çatdı. Bizi izlədiyinə görə minnətdarlığımızı qəbul et. Fevralın 18-də işimizi yenidən bərpa edəcəyik. Hansı mövzular haqda reportaj və müzakirələr eşitmək istərdin? AzadliqLive yaz, bizə mövzu təklif elə, maraqlı hadisə haqda xəbər ver.
Azadlıqda qal!!!
MARİUPOLDA VƏ DEBALTSEVODA QANLI DÖYÜŞLƏR
Debaltsevoda "Reuters" agentliyinin müxbirləri çarpaz atəş altına düşüblər. Çətin vəziyyətdə olduqlarına baxmayaraq kameranı söndürməyiblər və qaz borusunun partlamasını qeydə ala biliblər. Hər iki tərəf edir ki, şəhərə nəzarə edir. Fevralın 17-də Azov dənizi sahillərindəki Mariupol ətrafında da ağır döyüşlərin getdiyi bildirilir
ŞEYX HAYBERİ: «YER KÜRƏSİ FIRLANMIR»
Son günlər mediada və sosial şəbəkələrdə Səudiyyə imamının fikri geniş müzakirə olunur.
İmam Şeyx Bendər Əl Hayberi yerin fırlanmadığını deyib.
Sələfilərin lideri Hacı Qamət Süleymanov «Qafqazinfo»ya açıqlamasında bu fikrə münasibət bildirib.
Q.Süleymanov da Səudiyyə imamının fikrini təsdiqləyib:
“Yer kürəsinin fırlanması haqda İslam alimləri deyib ki, fırlanmır. Onlar da Qurandakı bir neçə ayəyə istinad edib. Məsələn, “Yer üzü sabitdir”, “Göydə nə varsa, hamısı üzür” ayələrini misal çəkmək olar. Amma Yer üzünün fırlanması haqda heç nə deyilməyib. Alimlər burdan nəticə çıxarıblar ki, Yer üzü sabitdir və fırlanmır. Məsələn, Bakıdan təyyarəyə minib Amerikaya gedirsən. Təyyarə havada dayananda, Amerika özü sənin yanına gələcək. Amma Amerika sənin yanına gəlmir. Məcbur olursan ki, Amerikaya 7-8 saat uçasan. Əgər bu fırlanırsa, çıxaq yuxarıda dayanaq, hansı ölkəni istəyiriksə, bir neçə saata özü gələcək. Alimlərin gəldiyi nəticə budur”.
Q.Süleymanov Yerin fırlanıb-fırlanmadığı haqda özünün dəqiq bir fikri olmadığı deyib.