Keçid linkləri

2024, 29 Mart, Cümə, Bakı vaxtı 00:14

«Qarabağ münaqişəsi üzrə bir sıra məsələlər razılaşdırılıb»


Sabina Freyzer: «Hər iki tərəf hərbi nitqləri azaltmalıdır»
Sabina Freyzer: «Hər iki tərəf hərbi nitqləri azaltmalıdır»

Azərbaycan və Ermənistan demilitarizasiya, beynəlxalq sülhməramlıların yerləşdirilməsi, işğal edilmiş torpaqların, həmçinin qaçqınların öz yerlərinə qaytarılması məsələlərini razılaşdırıblar. Bu barədə «Trend»ə Beynəlxalq Böhran Qrupunun Avropa proqramlarının direktoru Sabina Freyzer məlumat verib:


«Tərəflər Dağlıq Qarabağı Ermənistanla birləşdirən dəhlizin eni və Dağlıq Qarabağda səsvermə mexanizmi kimi bəzi əsas aspektləri razılaşdıra bilmirlər» - Freyzer bildirib.


Böhran Qrupunun nümayəndəsi hesab edir ki, Azərbaycanda oktyabrda keçiriləcək prezident seçkilərindən sonra Dağlıq Qarabağ münaqişəsinin həlli haqqında danışmaq mümkün olacaq:


«Mümkündür ki, Ermənistanda yeni prezident seçildikdən və Azərbaycandakı prezident seçkilərindən sonra, tərəflər danışıqlar masası arxasına əyləşmək və Dağlıq Qarabağ münaqişəsini həll etmək vəziyyətində olacaqlar» - Freyzer bildirib.


Onun sözlərinə görə, Ermənistan və Azərbaycan addımlar atmalı, əhalini danışıqlar masasında olan detallar haqqında məlumatlandırmalı və onları kompromisin lazım olduğuna inandırmalıdırlar. «Hər iki tərəf hərbi nitqləri azaltmalıdır» - Freyzer hesab edir.


Azərbaycan torpaqlarının 20%-i, yəni Dağlıq Qarabağ və ona bitişik 7 rayon Ermənistan Silahlı Qüvvələrinin nəzarəti altındadır. 1994-cü ildə tərəflər atəşkəs rejiminə dair razılaşma əldə ediblər və o vaxtdan bəri ATƏT-in Minsk qrupunun vasitəçiliyi ilə davam edən sülh danışıqlarında bir nəticə alınmayıb.



AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG