Keçid linkləri

Təcili xəbərlər
2019, 13 Dekabr, Cümə, Bakı vaxtı 02:22

Trump seçki kampaniyasına belə başladı


Donald Trump və birinci ledi Melania Trump Orlandoda

ABŞ Prezidenti Donald Trump 2020-ci il seçki kampaniyasına rəsmi start verib. O, demokratlardan rəqiblərini “ölkəni dağıtmaq” istəməkdə suçlayıb, “saxta xəbər mediası”nı tənqid edib.

İyunun 18-də Florida ştatının Orlando şəhərində tərəfdarları qarşısında çıxış edən Trump AIDS-in kökünü kəsəcəyini, “xərçəng daxil bir çox xəstəliklər”in müalicəsini tapacağını deyib.

“Yeni tibbi hüdudları irəli aparacağıq. Bir çox problemlərin, bir çox xəstəliklərin, xərçəng daxil bir çox xəstəliklərin müalicəsini ortaya qoyacağıq və daim buna yaxınlaşırıq”, – Trump vurğulayıb.

“Amerikada AIDS-in kökünü birdəfəlik kəsəcəyik və buna çox yaxınıq”, – o, sözlərinə əlavə edib.

Joe Biden
Joe Biden

“Onlar ölkənin başında olarsa nə edəcəyini düşünün”

Florida ABŞ-da prezident seçkiləri zamanı tərəddüdlü mövqeyi ilə fərqlənib. 2016-cı ildə burada seçkini Trump udub, ancaq 2020-ci il seçkisiylə bağlı keçirilən bəzi rəy sorğuları onun Demokratların potensial namizədlərindən geri qaldığını göstərir.

Trump Respublikaçıların seçkidə favorit namizədi sayılır, ancaq indilik, onun demokratlardan rəqibinin kim olacağı bəlli deyil. 20-dən artıq namizəd seçkiyə gedəcəyini açıqlayıb. Keçmiş vitse-prezident Joe Biden rəy sorğularına başçılıq edir.

Prezident tərəfdarlarına deyib ki, “biz birlikdə pozuq siyasi isteblişmentə qalib gəldik, xalq üçün hökuməti bərpa elədik”.

Demokratlara hücum edən Trump deyib ki, “sadəcə bu qəzəbli sol qanad dəstənin bu ölkənin başında olarsa nə edəcəyini düşünün”. O əlavə edib ki, Demokratlar “ölkəmizi dağıtmaq istəyirlər və bunu bilirik”.

O, çıxışında dəfələrlə “saxta xəbər mediası”na toxunub və bu zaman onu çəkən televiziya kameralarını göstərib.

Günün bütün mövzuları

XS
SM
MD
LG