Keçid linkləri

Təcili xəbərlər
2021, 29 Noyabr, Bazar ertəsi, Bakı vaxtı 03:38

Azərbaycan xəbərləri

ABŞ-dan Azərbaycan prezidentinə zəng

C.Bolton

Dünən, yanvarın 29-da axşam ABŞ prezidentinin milli təhlükəsizlik məsələləri üzrə müşaviri Con Bolton Azərbaycan prezidenti İlham Əliyevə zəng edib.

Azərbaycan prezidentinin mətbuat xidməti bildirir ki, söhbət zamanı qarşılıqlı maraq doğuran bir sıra məsələlər, o cümlədən enerji təhlükəsizliyi, təhlükəsizlik sahəsində əməkdaşlıq və Ermənistan-Azərbaycan Dağlıq Qarabağ münaqişəsi ilə bağlı danışıqlar prosesi müzakirə edilib.

Ötən ilin oktyabrında C.Bolton Azərbaycana səfər etmişdi. O, prezident İlham Əliyev və xarici işlər naziri E.Məmmədyarovla görüşmüşdü.

O, səfərinin yekunları ilə bağlı keçirdiyi mətbuat konfransında demişdi ki, Vaşinqton terrorizmə qarşı tədbirlərdə, narkotiklərin və kütləvi qırğın silahlarının yayılması ilə mübarizədə fəal əməkdaşlığa ümid edir.

Xatırlatma

Qarabağ münaqişəsi 1988-ci ildə başlayıb. 1994-cü ildə gerçəkləşən atəşkəs razılaşmasına qədər Azərbaycanın Dağlıq Qarabağ bölgəsi və ona bitişik 7 rayon işğal edilib.

Dağlıq Qarabağ münaqişəsinin həlli ilə bağlı sülh danışıqları ATƏT-in Minsk qrupu həmsədrlərinin vasitəçiliyi ilə aparılır. ABŞ, Rusiya və Fransa həmsədr dövlətlərdir.

Bütün xəbərləri izləyin

Daxili Qoşunların iki hərbi qulluqçusu minaya düşüb

Minanın zərərsizləşdirilməsi, arxiv foto

Noyabrın 28-də Daxili Qoşunların iki hərbi qulluqçusu işğaldan azad olunmuş Füzuli rayonu ərazisində minaya düşüb.

Bu barədə Daxili İşlər Nazirliyinə istinadən APA məlumat yayıb. Nazirliyin mətbuat xidmətinin rəisi Ehsan Zahidovun verdiyi məlumata görə, hadisə rayonun Şukürbəyli kəndində qeydə alınıb.
Məlumata görə, N sayılı hərbi hissəsinin müddətdən artıq xidmətdə olan iki hərbi qulluqçusu iş başında olarkən piyada əleyhinə minaya düşüb.

Hər iki hərbi qulluqçu xəstəxanaya yerləşdirilib.

İndiyə qədər münaya düşənlər

Azərbaycanın rəsmi qurumlarının açıqlamasına görə, ötən il üçtərəfli bəyanatın imzalanmasından bəri 30 civarında vətəndaş işğaldan azad edilən ərazilərdə minaya düşmə səbəbindən həlak olub, 100-dən çoxu yaralanıb.

Onlar Ermənistan tərəfini minalanmış ərazilərin xəritələrini Azərbaycana verməməkdə günahlandırırlar. Hərçənd, bir neçə ay öncə Azərbaycanda tutulan Ermənistan hərbçilərindən bir neçə qrupunun təhvil verilməsi əvəzi bəzi rayonlara aid mina xəritələrinin geri alındığı açıqlanmışdı.

Amma sonradan Azərbaycan prezidenti həmin xəritələrin reallığı böyük ölçüdə əks etdirməməsi ilə bağlı narazılığını ifadə etmişdi.

Həmin narazılığa isə Ermənistanın rəsmi qurumlarından münasibət almaq mümkün olmayıb.

Xatırlatma

2020-ci ildə İkinci Qarabağ müharibəsi nəticəsində Azərbaycan Dağlıq Qarabağ bölgəsinin bir hissəsinə və ətraf 7 rayona nəzarəti bərpa edib.

Həmin ilin 10 noyabr razılaşmasına (Azərbaycan, Ermənistan və Rusiya arasında) əsasən, döyüşlər dayandırılıb, Laçın dəhlizində və qoşunların təmas xəttində Rusiya sülhməramlıları yerləşdirilib. Keçmiş Dağlıq Qarabağ Muxtar Vilayətinin çox hissəsinin tanınmayan qurumun və Rusiya sülhməramlılarının nəzarətində qaldığı bildirilir.

Qarabağ münaqişəsi 1988-ci ildə başlayıb.

Daha sonra Ermənistan və Azərbaycan arasında silahlı toqquşmalar başlayıb.

1994-cü ildə gerçəkləşən atəşkəs razılaşmasına qədər Azərbaycanın Dağlıq Qarabağ bölgəsi və ona bitişik 7 rayonu işğal edilmişdi.

1997 gündəlik yoluxma aşkarlanıb

COVID testi

Son gündə Azərbaycanda koronavirus (COVID-19) infeksiyasına 1 min 997 yeni yoluxma qeydə alınıb, virusa yoluxanlardan da 2 min 319 nəfər sağalıb.

Bu barədə Nazirlər Kabineti yanında Operativ Qərargahdan noyabrın 26-da məlumat verilib. Bildirildiyinə görə, COVID-19 üçün götürülən analiz nümunələri müsbət çıxan 31 nəfər də vəfat edib.

Qurumun məlumatına görə, indiyədək ölkədə ümumilikdə 582 min 504 nəfərin koronavirus infeksiyasına yoluxması faktı müəyyən edilib, onlardan 547 min 354-ü sağalıb, 7 min 767-si vəfat edib, aktiv xəstə sayı 27 min 383-ə düşüb.

Xatırlatma

2019-cu ilin sonlarında dünyada yeni koronavirus aşkar edilib. 2020-ci il martın 11-də Dünya Səhiyyə Təşkilatı koronavirusu pandemiya elan edib. Dünyada sürətlə yayılan bu virusdan indiyə qədər 5.1 milyondan çox şəxsin vəfat etdiyi açıqlanıb.

'Saleh Rüstəmov dediklərimi dərhal başa düşmürdü'

S.Rüstəmov

Bu gün, noyabrın 26-da vəkil Bəhruz Bayramov Gədəbəy rayonunun həbsdə olan keçmiş icra başçısı Saleh Rüstəmova baş çəkib.

Vəkil AzadlıqRadiosuna bildirib ki, S.Rüstəmovun vəziyyəti həddindən artıq ağır olaraq qalmaqdadır ( O, 21 gün öncə, noyabrın 5-də aclıq aksiyasına başladığını açıqlayıb): "Saleh Rüstəmovla şüşə arxasından görüşdük. O, çox zəifdir və güclə dayanırdı, ona görə çox az danışdıq".

B.Bayramovun sözlərinə görə, S.Rüstəmovun nitqi dolaşıq olub, dediklərini dərhal başa düşməyib: "Ailə üzvlərinin israrla aclığı dayandırmağı xahiş etdiklərini ona çatdırdım. Saleh etiraz etdi. Lakin sudan imtina etməmək xahişləri ilə razılaşdı".

Vəkil qeyd edib ki, həkimlər S.Rüstəmovun vəziyyətini həddindən artıq ağır qiymətləndirirlər və məcburi qidalandırmaya başlamaq məcburiyyətində olduqlarını deyirlər.

Bu deyilənlərə, hələlik, Penitensiar Xidmət, onun müalicə müəssisəsi və başqa rəsmi qurumlardan münasibət almaq mümkün olmayıb.

+++

Vəkil Bəhruz Bayramov bu gün, noyabrın 23-də Gədəbəy rayonunun hazırda həbsdə olan keçmiş icra başçısı Saleh Rüstəmovla görüşüb.

Bu barədə AzadlıqRadiosuna vəkil Bəhruz Bayramovun özü məlumat verib: "Şüşə arxasından cəmi 5-6 dəqiqə görüşdük".

Vəkil qeyd edib ki, S.Rüstəmovun vəziyyəti pisdir: "Güclə yeriyir, sözlərini unudur. Həkim vəziyyətinin pis olduğunu və müdaxilə etməyə məcbur olduqlarını dedi. Saleh Rüstəmov isə buna qəti etiraz bildirdi".

Saleh Rüstəmov 18 gün öncə, noyabrın 5-də aclıq aksiyasına başladığını açıqlayıb.

Bu deyilənlərə, hələlik, Penitensiar Xidmətindən, qurumun müalicə müəssisəsindən və başqa rəsmi qurumlardan münasibət öyrənmək mümkün olmayıb.

Vəkil Saleh Rüstəmovla danışıb

Gədəbəy rayonunun hazırda həbsdə olan keçmiş icra başçısı Saleh Rüstəmovun səhhətinin günlər keçdikcə ağırlaşdığı bildirilir.

Bu barədə AzadlıqRadiosuna onun ailə üzvləri məlumat verib. Onların sözlərinə görə, bu gün, noyabrın 22-də Penitensiar Xidmətinin Müalicə Müəssisəsində artıq 17-ci gündür aclıq aksiyası keçirən S.Rüstəmova vəkil Bəhruz Bayramov baş çəkib: "Onlar şüşə arxasından telefonla danışıblar. Saleh bəy son dərəcə halsız olub, qırıq-qırıq səslə, güclə danışıb. Cəmi 10 dəqiqə dayana bilib. Deyib ki, aclığı davam etdirəcək…".

Bu deyilənlərə, hələlik, Penitensiar Xidmətdən münasibət öyrənmək mümkün olmayıb.

Son günlər bir sıra hüquq müdafiəçiləri, vətəndaş cəmiyyətinin təmsilçiləri S.Rüstəmovun azadlığa buraxılması xahişi ilə Prezident İlham Əliyevə müraciət ediblər. Onlar qeyd ediblər ki, S.Rüstəmovun ölkənin müstəqilliyi və ərazi bütövlüyünün qorunmasında xidmətləri olub. Hələlik, bu müraciətlərə də Prezident Administrasiyasından hər hansı münasibət bildirilməyib.

Yaxınları Saleh Rüstəmovdan narahatdır

Gədəbəy rayonunun hazırda həbsdə olan keçmiş icra başçısı Saleh Rüstəmovun keçirdiyi aclıq aksiyasının artıq onun orqanizmində fəsadları verməyə başladığı bildirilir.

Bu barədə onun ailə üzvləri məlumat yayıb.

Onların sözlərinə görə, artıq 13 gündür aclıq aksiyasını davam etdirən S.Rüstəmovun qan təzyiqi aşağı düşüb, bədənində ağrılar var: "O, artıq 15 kilo çəki itirib, nəbzi yüksək sürətlə vurur, ağzı yara içindədir. Dünən, noyabrın 17-də qardaşları ilə görüş olub, artıq yanına gəlməməyi tapşırıb".

Bu deyilənlərə, hələlik, Penitensiar Xidmət və onun hazırda yerləşdirildiyi müalicə müəssisəsindən münasibət öyrənmək mümkün olmayıb.

+++

"Ombudsmanın tapşırığı əsasında Ombudsman Aparatının əməkdaşları Milli Preventiv Qrupunun həkim üzvlərinin iştirakı ilə noyabrın 14-də Saleh Rüstəmovla görüş keçirib".

Bunu "Turan"a Ombudsman Aparatının mətbuat xidmətindən deyiblər.

Məlumata görə, S.Rüstəmovun vəziyyəti diqqətdə saxlanılır, ailə üzvləri və vəkili ilə görüşləri təmin olunur.

Saleh Rüstəmovun yaxınları: 'Çox halsız idi, ağzı bütün yaradır…'

Gədəbəy rayonunun hazırda həbsdə olan keçmiş icra başçısı Saleh Rüstəmovun artıq 10 gündür aclıq aksiyası keçirdiyi bildirilir.

Bu barədə AzadlıqRadiosuna onun yaxınları məlumat verib.

Yaxınları noyabrın 14-ü və 15-də Penitensiar Xidmətin Müalicə Müəssisəsində onunla görüşüblər: "Dünən noyabrın 14-də vəziyyəti nisbətən stabil olsa da, bu gün çox pis idi. Çox halsız idi, çətinliklə danışırdı, ağzı bütün yaradır, bədənində şiddətli ağrılar əmələ gəlib ki, onlar da yatmağa qoymur".

Vəkil Bəhruz Bayramov isə deyib ki, S.Rüstəmov 10 kilodan artıq çəki itirib: "Dünən, noyabrın 14-də onunla görüşdüm. Hərəkət etməkdə çətinlik çəkir, nəbzi çox yüksəkdir, halsızdır".

S.Rüstəmovun yaxınları əlavə ediblər ki, görüşdə onu aclığı dayandırmağa razı sala bilməsələr də, bir xahişlərinə müsbət cavab alıblar: "Xahişlərimizi nəzərə alaraq, hələlik, quru aclığa keçmək fikrindən daşınıb".

Bu deyilənlərə, hələlik, Penitensiar Xidmətdən münasibət öyrənmək mümkün olmayıb.

Yaxınları bildirib ki, S.Rüstəmov aksiyaya səbəb kimi icrasına başlanan Amnistiya Aktına düşməməsi, qanunsuz olaraq üç ildən artıqdır həbsdə saxlanması və ailəsinin mülkünün müsadirəsini qeyd edib.

Azərbaycan Milli Məclisi noyabrın 5-də Amnistiya Aktı haqqında qərar qəbul edib. Aktın bütünlükdə 16 min civarında şəxsə şamil ediləcəyi, onlardan 3 minınin sırf həbsdən azadlığa buraxılacağı açıqlanıb.

Xatırlatma

S.Rüstəmov 2018-ci il mayın 8-də narkotik ittihamıyla tutulub. İki gün sonra onun qardaşı oğlu Vidadi Rüstəmli də eyni ittihamla saxlanıb. Sonra, mayın 25-dəAzərbaycan Xalq Cəbhəsi Partiyasının (AXCP) üç funksioneri (Aqil Məhərrəmov, Babək Həsənov və Ruslan Nəsirov) tutulub. Bundan sonra ittihamların dəyişdiyi bəlli olub. Onların saxlanılması ilə bağlı yayılan rəsmi açıqlamaya görə, AXCP funksionerləri və S.Rüstəmov çirkli pul vəsaitlərini leqallaşdırmaqda günahlandırılırlar.

AXCP ittihami yalanlamışdı. Bakı Ağır Cinayətlər Məhkəməsinin hökmü ilə S.Rüstəmov 7 il 3 ay, A.Məhərrəmov 4 il, B.Həsənov isə 3 il azadlıqdan məhrum edilib. V.Rüstəmli və R.Nəsirova şərti cəza verilib. Onların hamısı məhkəmədə ittihamları qəbul etməyiblər. B.Həsənov bu il martın 18-dəəfv sərəncamı ilə azadlığa buraxılıb.

İki nəfər Ermənistana qaytarılıb

Müharibədən sonra saxlanmış ermənilərlə bağlı iki fərqli mövqe
Gözlə

No media source currently available

0:00 0:04:00 0:00

Azərbaycan bu gün, noyabrın 26-da iki nəfər erməni əsilli şəxsi Ermənistan tərəfinə təhvil verib.

Bu barədə Azərbaycanın Əsir və itkin düşmüş, girov götürülmüş vətəndaşlarla əlaqədar Dövlət Komissiyasının yaydığı məlumatda bildirilir.

Məlumatda bu addım humanizm prinsipləri ilə izah edilir. Bildirildiyinə görə, sözügedən şəxslərdən biri 2021-ci il noyabrın 16-da dövlət sərhədində baş vermiş döyüş əməliyyatları zamanı yaralı vəziyyətdə saxlanılan 1993-cü il təvəllüdlü Arin Aramyandır.

Açıqlamaya görə, təhvil verilən digər şəxs -2000-ci il təvəllüdlü Mihran Musaelyan isə Ağdam rayonu istiqamətində Azərbaycan hərbi qulluqçularının xidmət etdiyi əraziyə daxil olarkən saxlanıb: "Aparılan ilkin araşdırmalar nəticəsində Musaelyan Mihranın mülki şəxs olduğu və yolu azaraq Azərbaycan hərbi qulluqçularının xidmət apardığı əraziyə daxil olduğu müəyyən edilib".

Ötən il 10 noyabr üçtərəfli razılaşmasından sonra istər Dağlıq Qarabağda, istərsə də Azərbaycan və Ermənistan sərhədində müxtəlif gərginliklər yaşanıb. Bütün bunların nəticəsində həlak olanlar, yaralananlar və əsir düşənlər olub.

Təkcə ötən ilin dekabrında Hadrut yaxınlığında 60 civarında Ermənistan hərbçisinin əsir düşdüyü açıqlanıb.

Bu məsələ iki ölkə arasında mübahisələrə səbəb olub. Ermənistan tərəfi hesab edir ki, onlar hərbi əsirlərdir və razılaşmaya uyğun qaytarılmalıdır. Azərbaycan rəsmiləri isə vurğulayırlar ki, onlar hərbi əsir yox, təxribat qrupunun üzvləridir və 10 noyabr razılaşmasından sonra saxlanıblar.

Həmin şəxslər Azərbaycan məhkəmələrində mühakimə ediliblər. İttihamları qəbul etməyiblər. Amma sonradan onlardan təqribən 30-nun minalanmış ərazilərin xəritələri əvəzi ölkələrinə qaytarıldığı açıqlanıb.

Düz 10 gün əvvəl isə iki ölkənin sərhədində baş verən toqquşmalarda 10-dan çox Ermənistan hərbi qulluqçusunun əsir götürüldüyü açıqlanmışdı. Azərbaycan isə həmin döyüşlərdi 7 hərbi qulluqçusunun həlak olduğunu, 10-nun isə yaralandığını bildirib. Ermənistan tərəfdən də ölən və yaralananlar olub. Tərəflər atəşkəsin pozulmasına görə bir-birlərini günahlandırıblar.

Xatırlatma

2020-ci ildə İkinci Qarabağ müharibəsi nəticəsində Azərbaycan Dağlıq Qarabağ bölgəsinin bir hissəsinə və ətraf 7 rayona nəzarəti bərpa edib. Həmin ilin 10 noyabr razılaşmasına (Azərbaycan, Ermənistan və Rusiya arasında) əsasən, döyüşlər dayandırılıb, Laçın dəhlizində və qoşunların təmas xəttində Rusiya sülhməramlıları yerləşdirilib. Keçmiş Dağlıq Qarabağ Muxtar Vilayətinin çox hissəsinin tanınmayan qurumun və Rusiya sülhməramlılarının nəzarətində qaldığı bildirilir.

Qarabağ münaqişəsi 1988-ci ildə başlayıb. Daha sonra Ermənistan və Azərbaycan arasında silahlı toqquşmalar başlayıb. 1994-cü ildə gerçəkləşən atəşkəs razılaşmasına qədər Azərbaycanın Dağlıq Qarabağ bölgəsi və ona bitişik 7 rayonu işğal edilmişdi.

Almaniyadan 43 mühacir qaytarılıb

Avropadakı siyasi mühacirlər axtarışa verildi
Gözlə

No media source currently available

0:00 0:02:33 0:00

43 nəfər Azərbaycan vətəndaşı Almaniyadan ölkəsinə geri qəbul edilib. Bu barədə bu gün, noyabrın 26-da Azərbaycan Dövlət Miqrasiya Xidməti məlumat yayıb.

Məlumata görə, bu, "Azərbaycan Respublikası ilə Avropa İttifaqı arasında icazəsiz yaşayan şəxslərin readmissiyası haqqında" Saziş çərçivəsində gerçəkləşib: "Geri qəbul prosesi Nazirlər Kabineti yanında Operativ Qərargahın pandemiya (koronavirusla bağlı) ilə əlaqədar müəyyən etdiyi qaydalar çərçivəsində həyata keçirilib".

Qeyd edilib ki, fəaliyyətini Dövlət Miqrasiya Xidmətinin əlaqələndirdiyi Reinteqrasiya üzrə İşçi Qrup readmissiya olunan Azərbaycan vətəndaşlarının üzləşdikləri çətinlik və problemlərin operativ həllini həyata keçirir.

Son illər Almaniyadan Azərbaycana yüzlərlə mühacirin qaytarıldığı açıqlanıb. 2014-cü ildə "Azərbaycan Respublikası ilə Avropa İttifaqı arasında icazəsiz yaşayan şəxslərin readmissiyası (geri qaytarılma) haqqında" Saziş imzalanıb. Azərbaycan hökuməti readmissiya olunan şəxslərin iş yerləri ilə təmin edilməsində, yaşayış yerinin olub-olmaması ilə bağlı problemlərin həllində və psixoloji yardım məsələlərində kömək etməlidir. Amma son vaxtlar bu qaydada Azərbaycana qaytarılan mühacirlərdən Röya Rəfili yerləşdirilmədə üzləşdiyi çətinliklərlə bağlı dəfələrlə sosial şəbəkələrdə şikayətini ifadə edib.

Üstəlik, Almaniyadan qaytarılanlardan iki nəfər fəal narkotik ittihamı ilə həbs edilib. Onlardan biri müxalifətdə olan Azərbaycan Xalq Cəbhəsi Partiyasının (AXCP) üzvü Mütəllim Orucov, digəri isə Malik Rzayevdir. Onların yaxınları ikisinin də saxlandıqdan sonra işgəncəyə məruz qaldıqlarını bildirdiklərini açıqlayıblar. Amma rəsmi qurumlar bu şikayəti təsdiq etməyiblər.

Bloqerin yaxınları səfirlik önündə aksiya keçirdi

Noyabrın 25-də Fransa Respublikasının Azərbaycandakı səfirliyinin qarşısında Cəlilabadda həbs olunmuş bloqer Saməddin Məmmədovun yaxınları etiraz aksiyası keçirib. Onlar S.Məmmədovun həbsini sifarişli adlandıraraq məsələ ilə bağlı prezident İlham Əliyevlə görüşmək istədiklərini, əks halda sığınacaq üçün səfirliyə müraciət edəcəklərini bildiriblər.

"Cənab prezidentin bir əmri ilə gedib vətənimizi qoruduq. İndi bizi ya özü, ya da köməkçisi qəbul etsin, dərdimizi deyək. Biz sadəcə olaraq prezidentlə görüş istəyirik, rayon rəhbərliyin sifarişi ilə həbs olunan atamın azadlığını istəyirik. Atam bir aydır qanunsuz həbsdədir. O, rayon xəstəxanasının önündən vəziyyəti işıqlandırırdı. Elə ona görə də həbs olundu. Dəfələrlə prezidentlə görüş üçün teleqram vurmuşuq, cavab yoxdur", - S.Məmmədovun oğlu bildirib.

Səfirlikdən aksiya iştirakçılarının yanına heç kəs çıxmadığına görə onlar oranı tərk edib.

Aksiyada səslənən fikirlərə, hələlik, rəsmi qurumlardan, o cümlədən Cəlilabad Rayon İcra Hakimiyyətindən münasibət almaq mümkün olmayıb. Amma bir müddət əvvəl S.Məmmədovla bağlı polisə şikayət edən Cəlilabad rayon sakini Elşən Cəfərov AzadlıqRadiosuna bildirmişdi ki, həmin şəxs və onun yaxınları ona xəsarət yetiriblər. Onun sözlərinə görə, sosial şəbəkələrə düzgün olmayan məlumatları ötürməsinə görə S.Məmmədovla fikir ayrılığı olub.

S.Məmmədov bu il oktyabrın 29-da saxlanıb. O, Cinayət Məcəlləsinin 127.2.3 (Qəsdən sağlamlığa az ağır zərər vurma) və 221.2.1 (Xuliqanlıq) maddələri ilə ittiham edilir. Bu ittihamla ona 5 il həbs cəzası verilə bilər.

Prezident Rusiya baş nazirinin müavinini qəbul edib

Görüş

Azərbaycan Prezidenti İlham Əliyev noyabrın 24-də Rusiya Federasiyasının Baş nazirinin müavini Aleksey Overçuku qəbul edib.

AZƏRTAC-ın xəbərinə görə, söhbət zamanı ikitərəfli münasibətlərin, o cümlədən iqtisadi sahədə əməkdaşlığın inkişafından məmnunluq ifadə edilib, bu il ticarət dövriyyəsinin artdığı qeyd olunub.

Bildirilib ki, görüş keçirildiyi vaxtda Azərbaycan-Rusiya işgüzar dairələri arasında da danışıqlar davam edir.

Məlumata görə, görüşdə Rusiya şirkətlərinin Azərbaycanın işğaldan azad edilmiş ərazilərində fəaliyyəti, ticarət dövriyyəsinin artırılması, qarşılıqlı sərmayə qoyuluşu məsələləri geniş müzakirə olunub.

Xəbərə görə, söhbət zamanı Rusiya-Azərbaycan-Ermənistan baş nazirlərinin müavinlərinin sədrliyi ilə üçtərəfli komissiyanın (Bu ilin əvvəlində yaradılıb) fəaliyyəti və gələcək planlar haqqında fikir mübadiləsi aparılıb.

Xatırlatma

2020-ci ildə İkinci Qarabağ müharibəsi nəticəsində Azərbaycan Dağlıq Qarabağ bölgəsinin bir hissəsinə və ətraf 7 rayona nəzarəti bərpa edib. Həmin ilin 10 noyabr razılaşmasına (Azərbaycan, Ermənistan və Rusiya arasında) əsasən, döyüşlər dayandırılıb, Laçın dəhlizində və qoşunların təmas xəttində Rusiya sülhməramlıları yerləşdirilib. Keçmiş Dağlıq Qarabağ Muxtar Vilayətinin çox hissəsinin tanınmayan qurumun və Rusiya sülhməramlılarının nəzarətində qaldığı bildirilir.

Qarabağ münaqişəsi 1988-ci ildə başlayıb. Daha sonra Ermənistan və Azərbaycan arasında silahlı toqquşmalar başlayıb. 1994-cü ildə gerçəkləşən atəşkəs razılaşmasına qədər Azərbaycanın Dağlıq Qarabağ bölgəsi və ona bitişik 7 rayonu işğal edilmişdi.

Azay Quliyevin yerinə Aygün Əliyeva gəldi

Azay Quliyev

Noyabrın 23-də Azərbaycan Qeyri-Hökumət Təşkilatlarına Dövlət Dəstəyi Agentliyinin Müşahidə Şurasının iclası keçirilib.

Agentlikdən AZƏRTAC-a bildiriblər ki, iclasda qurumun icraçı direktorunun təyinatı məsələsinə baxılıb və bu vəzifəyə Aygün Əliyevanın namizədliyi dəstəklənib.

Prezident İlham Əliyev bu ilin aprelində bu qurumun adını dəyişib. Bu, qeyri-hökumət təşkilatlarına dövlət dəstəyi sahəsində idarəetmənin təkmilləşdirilməsi məqsədi ilə izah edilib.

Ona qədər qurum Azərbaycan Prezidenti yanında Qeyri-Hökumət Təşkilatlarına Dövlət Dəstəyi Şurası adlanıb. Şuraya deputat Azay Quliyev rəhbərlik edib. Azərbaycanda hazırda dördüncü dəfə deputat olan A.Quliyev habelə ATƏT Parlament Assambleyasında sədr müavinidir.

Aygün Əliyeva 1988-ci il iyulun 29-da Bakıda doğulub. 2010-cu ildə Azərbaycan Dillər Universitetinin Regionşünaslıq və beynəlxalq münasibətlər, 2015-ci ildə Azərbaycan Dövlət İqtisad Universitetinin Beynəlxalq iqtisadi münasibətlər fakültəsini bitirib. 2012-2013-cü illərdə Yeni Azərbaycan Partiyasında baş təlimatçı, 2013-2020-ci illərdə Binəqədi Rayon İcra Hakimiyyəti başçısının müavini, 2020-ci ildən TƏBİB-də İctimaiyyətlə əlaqələr, kargüzarlıq və vətəndaş müraciətləri ilə iş departamentinin rəhbəri vəzifəsində işləyib.

Karantinə görə 45 nəfər həbs edilib

Polis

2020-ci ilin martından indiyə kimi Azərbaycanda karantin rejimini pozmaqla xəstəliklərin yayılması üçün real təhlükə yaratmaq ittihamı ilə 1 min 186 cinayət işi üzrə 605 nəfər məsuliyyətə cəlb olunub.

Bu barədə yayılan məlumatı Daxili İşlər Nazirliyindən "Turan"a da təsdiqləyiblər.

Bildirildiyinə görə, həmin cinayət işləri üzrə məhkəmələr 45 nəfəri həbs edib, 58 nəfər polisin nəzarəti altına verilib, qalan 502 nəfər barəsində digər qətimkan tədbirləri seçilib.

Xatırlatma

2019-cu ilin sonlarında dünyada yeni koronavirus aşkar edilib. 2020-ci il martın 11-də Dünya Səhiyyə Təşkilatı koronavirusu pandemiya elan edib. Dünyada sürətlə yayılan bu virusdan indiyə qədər 5.1 milyondan çox şəxsin vəfat etdiyi açıqlanıb. Koronavirusla bağlı ötən ilin martından Azərbaycanda da karantin rejimi hökm sürür. Açıqlamaya görə, bu gün, noyabrın 23-nə kimi ölkədə ümumilikdə 574 min 799 nəfərin koronavirus infeksiyasına yoluxması faktı müəyyən edilib, onlardan 539 min 494-ü sağalıb, 7 min 657-si vəfat edib, aktiv xəstə sayı 27 min 648-ə düşüb.

Ermənistan bir əsgərinin həlak olduğunu bildirir

Ermənistan əsgəri (Arxiv fotosu)

Ermənistan noyabrın 22-də Azərbaycan silahlı qüvvələrini Azərbaycan-Ermənistan sərhədində olan Norabak kəndi istiqamətində atəş açmaqda ittiham edib

Ermənistan noyabrın 22-də Azərbaycan silahlı qüvvələrini Azərbaycan-Ermənistan sərhədində olan Norabak kəndi istiqamətində atəş açmaqda ittiham edib.

Ermənistan Müdafiə Nazirliyi bunun nəticəsində 19 yaşlı bir əsgərinin həlak olduğunu bildirib.

Bundan əvvəl bu məlumatı AzadlıqRadiosunun Erməni xidməti Azatutyuna Geqarkunik vilayətinin qubernatoru Karen Sarkisyan vermişdi.

Azərbaycanın Müdafiə Nazirliyi Ermənistan tərəfinin ittihamını rədd edib və bildirib ki, Azərbaycan silahlı qüvvələri deyilən istiqamətdə atəş açmayıb.

Məlumatda bildirilir ki, Azərbaycan qüvvələrinin mövqelərində sakitlikdir və vəziyyət sabitdir.

Noyabrın 16-da Azərbaycan-Ermənsitan sərhədi boyunca ağır toqquşmalar baş vermişdi.

Bu, 44 günlük müharibədən sonra ən qanı döyüşlər idi.

Döyüş Rusiyanın vasitəçilyi ilə atəşkəs elan edildikdən sonra dayandırılmışdı.

Cəbhəçi polisin küçə ticarətinə mane olduğunu deyir

Tofiq Məmmədov

Azərbaycan Xalq Cəbhəsi Partiyasının (AXCP) üzvü Tofiq Məmmədov polis bölməsinə aparıldığını deyir. T.Məmmədovun sözlərinə görə, artıq dörd gündür ki, onun küçə ticarətlə məşğul olmasına maneə yaradılır: "Yasamal rayonunun ərazisində küçə ticarəti ilə məşğulam. Amma dörd gün əvvəl polislər gəlib mənə dedi ki, sən Saleh Rüstəmovun aclıq aksiyası keçirilməsi ilə bağlı sosial şəbəkələrdə yazıb dövlət başçısını tənqid edirsən, yazma. Mən də davam edəcəyimi deyəndən sonra küçə ticarəti ilə məşğul olmağıma imkan verilməyəcəyi söyləndi".

T.Məmmədov qeyd edib ki, bu gün, noyabrın 22-də buna və Saleh Rüstəmovun həbsinə etiraz olaraq ticarətlə məşğul olduğu yerdə divara qara boya ilə "Polisə istefa", "Siyasi məhbuslara azadlıq" yazıb: "Buna görə məni Yasamal rayon 29-cu polis bölməsinə apardılar. Amma rəhbərlik olmadığına görə məni sərbəst buraxıb sabah çağıracaqları ilə bağlı xəbərdarlıq verdilər".

Bu deyilənlərə, hələlik, Daxili İşlər Nazirliyindən münasibət öyrənmək mümkün olmayıb.

T.Məmmədov müxalifətin aksiyalarında yaxından iştirak edir. O, bundan əvvəl də siyasi baxışlarına görə küçə ticarətinə maneə yaradılması ilə bağlı iddialar səsləndirib. Amma belə şikayətlər rəsmən təsdiq edilməyib.

Xatırlatma

Gədəbəy rayonunun hazırda həbsdə olan keçmiş icra başçısı Saleh Rüstəmovun artıq 17 gündür aclıq aksiyası keçirdiyi bildirilir. Onun həbsinə etiraz etdiyi vurğulanır. S.Rüstəmov 2018-ci il mayın 8-də narkotik ittihamıyla tutulub. İki gün sonra onun qardaşı oğlu Vidadi Rüstəmli də eyni ittihamla saxlanıb. Sonra, mayın 25-də AXCP-nin üç funksioneri (Aqil Məhərrəmov, Babək Həsənov Ruslan Nəsirov) tutulub. Bundan sonra ittihamların dəyişdiyi bəlli olub. Onların saxlanılması ilə bağlı yayılan rəsmi açıqlamaya görə, AXCP funksionerləri və S.Rüstəmov çirkli pul vəsaitlərini leqallaşdırmaqda günahlandırılırlar. AXCP ittihami yalanlamışdı.

Bakı Ağır Cinayətlər Məhkəməsinin hökmü ilə S.Rüstəmov 7 il 3 ay, A.Məhərrəmov 4 il, B.Həsənov isə 3 il azadlıqdan məhrum edilib. V.Rüstəmli və R.Nəsirova şərti cəza verilib. Onların hamısı məhkəmədə ittihamları qəbul etməyiblər. B.Həsənov bu il martın 18-də əfv sərəncamı ilə azadlığa buraxılıb.

Azərbaycan Vatikanda səfirlik açır

Vatikan

Noyabrın 22-də Prezident İlham Əliyev "Azərbaycan Respublikasının Müqəddəs Taxt-Tacda səfirliyinin təsis edilməsi haqqında" Qanun imzalayıb.

Qanuna əsasən, Azərbaycan Müqəddəs Taxt-Tacda (Vatikan) səfirlik açır.

Azərbaycan Xarici İşlər Nazirliyinə səfirliyin strukturunu və ştat cədvəlini təsdiq etmək tapşırılıb.

Şamaxıda zəlzələ olub

Zəlzələnin qeydə alınması, ümumi

Noyabrın 20-də Pirqulu seysmoloji stansiyasından 20 kilometr cənubda - Şamaxı rayonu ərazisində zəlzələ baş verib.

Azərbaycan Milli Elmlər Akademiyası nəzdində Respublika Seysmoloji Xidmət Mərkəzindən Azərtac-a bildirilib ki, yeraltı təkanlar yerli vaxtla saat 16:46-da qeydə alınıb.

Məlumata görə, ocağı 42 kilometr dərinlikdə yerləşən zəlzələnin maqnitudası 5.1-ə bərabər olub. Yeraltı təkanlar episentrdə 5, ətraf rayonlarda 4-3 bala qədər hiss olunub.

Dağıntı və ya insan təlafatı haqqında hər hansı məlumat verilmir.

Azərbaycan nümayəndə heyəti İrana gedir

Tehran şəhəri , 30 dekabr 2020

Noyabrın 21-də Azərbaycan Respublikası Baş nazirinin müavini, Azərbaycanla İran arasında iqtisadi, ticarət və humanitar sahələr üzrə Dövlət Komissiyasının həmsədri Şahin Mustafayevin rəhbərlik etdiyi nümayəndə heyəti Tehrana səfər edəcək.

Rəsmi xəbər agentliyi Azərtac-ın noyabrın 20-də yaydığı məlumatda bildirilir ki, səfər çərçivəsində İranın yollar və şəhərsalma, neft nazirliklərində görüşlər keçiriləcək, qarşılıqlı faydalı əməkdaşlıq əlaqələrinin perspektivləri müzakirə olunacaq.

Məlumatda həmçinin vurğulanır ki, nümayəndə heyətinin İranın birinci vitse-prezidenti Məhəmməd Muxbir ilə görüşü də nəzərdə tutulub.

Azərbaycan İranın ittihamlarına cavab verib
Gözlə

No media source currently available

0:00 0:01:58 0:00

Sərhəddəki döyüşlərdən paylaşım edən hərbçilərin işi hüquq-mühafizə orqanlarına göndərilib

Azərbaycanın Müdafiə Naziri Zakir Həsənov. 2 avqust 2021

Həmin hərbi qulluqçuların ordu sıralarından tərxis edilməsi barədə qərar qəbul olunub.

Azərbaycanın Müdafiə Nazirliyində keçirilən xidməti müşavirədə bir neçə gün əvvəl sərhəddə gedən döyüş əməliyyatları ilə bağlı sosial şəbəkələrdə qeyri-rəsmi foto və videolar paylaşan hərbçilərlə bağlı məsələ müzakirə edilib.

Azərbaycan Müdafiə Nazirliyinin noyabrın 20-də yaydığı məlumatda deyilir ki, həmin hərbçilərin əməlləri ilə bağlı toplanan materiallar hüquq-mühafizə orqanlarına göndərilib.

"Azərbaycan Ordusunun komandanlığı tərəfindən həyata keçirilən tədbirlər nəticəsində məxfilik rejimini kobud şəkildə pozaraq bu kimi paylaşımları edən bir qrup hərbi qulluqçu müəyyən edilib. Həmin hərbi qulluqçuların ordu sıralarından tərxis edilməsi barədə qərar qəbul olunub, onların törətdiyi əməllərə hüquqi qiymətin verilməsi üçün toplanılan materiallar hüquq-mühafizə orqanlarına göndərilib".

Sərhəddə toqquşmalar: Bakı və Yerevandan ekspertlər durumu şərh edirlər
Gözlə

No media source currently available

0:00 0:03:02 0:00

Məlumatda bildirilir ki, nazir Zakir Həsənovun sədrliyi ilə keçirilən xidməti müşavirədə dövlət sərhədi və Rusiya sülhməramlı kontingentinin müvəqqəti yerləşdirildiyi ərazilərimizdə mövcud vəziyyət, xüsusilə dövlət sərhədinin Kəlbəcər və Laçın sahələrində qarşı tərəfin təxribatları nəticəsində baş verən döyüşlər təhlil edilib.

Bundan başqa Nazir dövlət sərhədində xidməti-döyüş fəaliyyətinin təkmilləşdirilməsi ilə bağlı müvafiq tapşırıqlar verib.

"Müdafiə naziri qoşunların döyüş qabiliyyətinin daim yüksək səviyyədə saxlanılması, şəxsi heyətin ayıq-sayıqlığının artırılması, təhlükəsizlik qaydalarına riayət edilməsi, həmçinin döyüş hazırlığı planlarının dəqiqləşdirilməsi barədə göstərişlər verib.
Azad edilən ərazilərdə dislokasiya olunan hərbi hissələrdə qoşun xidmətinin təşkili, ərazilərin mina və partlamamış döyüş sursatlarından təmizlənməsi, hərbi infrastrukturun təkmilləşdirilməsi, eləcə də dağlıq ərazilərdəki yollarının daim işlək vəziyyətdə saxlanılmasının vacibliyi vurğulanıb".-Müdafiə Nazirliyinin məlumatında deyilir.

Xatırlatma

Ötən il 44 günlük Qarabağ müharibəsindən sonra Azərbaycan Qarabağın bir hissəsi və ətraf 7 rayona nəzarətini bərpa edib. Qarabağda ermənilərin yaşadıqları ərazilərə Rusiya hərbçiləri yerləşdirilib. Azərbaycanla Ermənistan sərhədlərinin delimitasiyası ilə hələ başlamayıb.

2021-ci il noyabrın 16-da isə Azərbaycan sərhədinin Kəlbəcər və Laçın rayonları istiqamətində yenidən Azərbaycan və Ermənistan ordusu arasında döyüşlər olub. Hər iki tərəfdən itkilər olub. Rusiya müdafiə nazirinin tərəflər arasında apardığı telefon danışıqlarından sonra döyüşlər elə həmin gün dayandırılıb.

"Sərhəddəki vəziyyəti elə Putin özü yaradıb"- Siyasi şərhçi Azər Qasımlı
Gözlə

No media source currently available

0:00 0:15:05 0:00

Ceyhun Bayramov ABŞ dövlət katibinin köməkçisi ilə danışıb

Ceyhun Bayramov

Karen Donfrid Azərbaycan Ermənistan sərhədində yaşanan gərginlikdən narahatlığını ifadə edib, hər iki tərəfi deeskalasiyaya və fikir ayrılıqlarını sülh yolu ilə həll etməyə çağırıb

Bugün, noyabrın 18-də Azərbaycan xarici işlər naziri Ceyhun Bayramovun ABŞ dövlət katibinin Avropa və Avrasiya məsələləri üzrə köməkçisi Karen Donfridlə telefon danışığı olub.

Bu barədə Azərbaycan Xarici İşlər Nazirliyi (XİN) məlumat yayıb.

Məlumata görə, Karen Donfrid Azərbaycan Ermənistan sərhədində yaşanan gərginlikdən narahatlığını ifadə edib, hər iki tərəfi deeskalasiyaya və fikir ayrılıqlarını sülh yolu ilə həll etməyə çağırıb:

“Nazir Ceyhun Bayramov son günlərdə Ermənistan tərəfindən məqsədyönlü şəkildə törədilən silsilə təxribatçı addımlar barədə qarşı tərəfə ətraflı məlumat verib. Nazir bölgədə vəziyyətin gərginləşməsi məsuliyyətinin bilavasitə Ermənistanın hərbi-siyasi rəhbərliyinin üzərinə düşdüyünü vurğulayıb”

Məlumata görə, o, Azərbaycanın beynəlxalq hüququn prinsipləri əsasında Ermənistanla delimitasiya prosesinə başlamağa hazır olduğunu, lakin Ermənistan tərəfindən buna qarşılıq verilmədiyini qeyd edib.

Azərbaycan XİN bildirir ki, telefon danışığı zamanı tərəflər, həmçinin digər regional təhlükəsizlik məsələləri ərtafında da fikir mübadiləsi aparıblar.

Son günlər Azərbaycan Ermənistan sərhədindən atəşkəsin pozulması ilə bağlı həyacanlı xəbərlər gəlib.

Azərbaycan tərəfi bildirib ki, təkcə noyabrın 16-da döyüşlərdə 7 hərbi qulluqçusu həlak olub, 10-u isə yaralanıb.Ermənistan tərəfi də bununla bağlı açıqlamasında 1 hərbi qulluqçusunun həlak olduğunu, 10-dan çoxunun əsir götürüldüyünü, 20-dən çoxundan isə məlumat olmadığını bildirib.

Tərəflər atəşkəsin pozulmasına görə də , qarşılıqlı olaraq bir-birlərini günahlandırıblar.

Xatırlatma

2020-ci ildə İkinci Qarabağ müharibəsi nəticəsində Azərbaycan Dağlıq Qarabağ bölgəsinin bir hissəsinə və ətraf 7 rayona nəzarəti bərpa edib.

Həmin ilin 10 noyabr razılaşmasına (Azərbaycan, Ermənistan və Rusiya arasında) əsasən, döyüşlər dayandırılıb, Laçın dəhlizində və qoşunların təmas xəttində Rusiya sülhməramlıları yerləşdirilib.

Keçmiş Dağlıq Qarabağ Muxtar Vilayətinin çox hissəsinin tanınmayan qurumun və Rusiya sülhməramlılarının nəzarətində qaldığı bildirilir.

Qarabağ münaqişəsi 1988-ci ildə başlayıb. Daha sonra Ermənistan və Azərbaycan arasında silahlı toqquşmalar başlayıb.

1994-cü ildə gerçəkləşən atəşkəs razılaşmasına qədər Azərbaycanın Dağlıq Qarabağ bölgəsi və ona bitişik 7 rayonu işğal edilmişdi.

Dirçəlişin 33-cü ili...

Bakıda Lenin meydanında mitinq. 1989

Bu gün, noyabrın 17-si Azərbaycanda Milli Dirçəliş Günü kimi qeyd edilir. Düz 33 il öncə, 1988-ci il noyabrın 17-də Bakının Lenin, indiki Azadlıq meydanında Qarabağla bağlı Azərbaycana ərazi iddialarına və SSRİ rəhbərliyinin bunun qarşısını almamasına etiraz olaraq mitinqlər başlayıb.

Az vaxt ərzində yüz minlərlə insan hərəkata qoşulub. Fasiləsiz mitinqlər dekabrın 5-nə kimi davam edib və həmin gün sovet ordusunun zorakılığı ilə dağıdılıb. Nümayişlərin təşkilatçıları və fəalları istintaqa cəlb edilib, bir çoxu həbs edilib. Lakin həbslər uzun sürməyib.

1992-ci ildə Azərbaycan Xalq Cəbhəsinin sədri Əbülfəz Elçibəyin prezident seçilməsindən sonra həmin gün rəsmi qaydada qeyd edilməyə başlayıb. 1992-ci ildə noyabrın 17-si bayramlar sırasına salınıb və qeyri-iş günü elan edilib.

Bundan bir il əvvəl, 1991-ci ildə isə Azərbaycanda Dövlət Müstəqilliyi haqqında Konstitusiya Aktı qəbul edilmişdi.

Milli Dirçəliş Günü Azərbaycanda dövlət səviyyəsində qeyd olunsa da, 2006-cı ilin dekabrında qanunvericiliyə edilmiş dəyişikliklərə görə, artıq qeyri-iş günü deyil.

Nazir Şərq Tərəfdaşlığı iclasında çıxış edib

C.Bayramov

Noyabrın 15-də Azərbaycan Xarici İşlər naziri Ceyhun Bayramov Avropa Birliyi (AB) Şərq Tərəfdaşlığı ölkələrinin xarici işlər nazirlərinin görüşündə iştirak edib.

Azərbaycan Xarici İşlər Nazirliyinin məlumatına görə, o, iclasda çıxış da edib.

"Nazir münaqişə sonrası bölgədə yaranan yeni reallıqlar, o cümlədən Azərbaycanın ərazi bütövlüyünü təmin etməsi və bir milyondan çox azərbaycanlının fundamental hüquqlarının bərpa edilməsi barədə danışıb", - nazirliyin məlumatında yazılıb.

O, dayanıqlı sülh, inkişaf və tərəqqinin Azərbaycanın gələcək vizyonunun əsasını təşkil etdiyini, bu xüsusda üçtərəfli bəyanatların tam icrasının mühüm olduğunu vurğulayıb.

Məlumata görə, nazir bölgədə bütün kommunikasiyaların açılmasının da əhəmiyyətindən bəhs edib: "Yeni mərhələdə minadan təmizləmə, kommunikasiyaların açılışı, ölkələr arasında yaxşı qonşuluq münasibətlərinin yaradılması üçün etimad quruculuğu tədbirlərini özündə ehtiva edən postmünaqişə siyasi və maliyyə dəstəyinin AB-nin yardımçı ola biləcəyi sahələr sırasında olduğu qeyd edilib".

Azərbaycan Avropa Birliyi ilə Şərq Tərəfdaşlığı proqramı çərçivəsində əməkdaşlıq edir. Bu proqram 2009-cu ildə altı keçmiş sovet respublikasının (Azərbaycan, Ukrayna, Gürcüstan, Moldova, Ermənistan və Belarus) AB ilə daha sıx inteqrasiyası məqsədilə yaradılıb. Gürcüstan, Moldova və Ukrayna artıq AB ilə assosiasiya sazişlərini imzalayıb. 2017-ci ildə isə Ermənistanla tərəfdaşlıq sazişi imzalanıb. Həmin ildən Azərbaycanla da eyni danışıqlar başlasa da, bu sazişin nə vaxt imzalanacağı bilinmir. Belarusla isə əməkdaşlıq tam dayanıb.

Xatırlatma

Qarabağ münaqişəsi 1988-ci ildə başlayıb. Daha sonra Ermənistan və Azərbaycan arasında silahlı toqquşmalar başlayıb. 1994-cü ildə gerçəkləşən atəşkəs razılaşmasına qədər Azərbaycanın Dağlıq Qarabağ bölgəsi və ona bitişik 7 rayonu işğal edilmişdi.

2020-ci ildə 44 günlük İkinci Qarabağ müharibəsi nəticəsində Azərbaycan Dağlıq Qarabağ bölgəsinin bir hissəsinə və ətraf 7 rayona nəzarəti bərpa edib. Həmin ilin 10 noyabr razılaşmasına (Azərbaycan, Ermənistan və Rusiya arasında) əsasən, döyüşlər dayandırılıb, Laçın dəhlizində və qoşunların təmas xəttində Rusiya sülhməramlıları yerləşdirilib. Keçmiş Dağlıq Qarabağ Muxtar Vilayətinin çox hissəsinin tanınmayan qurumun və Rusiya sülhməramlılarının nəzarətində qaldığı bildirilir. Bu il yanvarın 11-də də Moskvada yeni üçtərəfli bəyanat imzalanıb. Həmin bəyanat isə, əsasən, regionda nəqliyyat infrastrukturunun, iqtisadi əlaqələrin bərpa və genişləndirilməsini nəzərdə tutur.

MN: 'Ermənistan Kəlbəcər istiqamətində təxribat törədib'

Yol işləri aparan traktor atəşə tutulub.

Azərbaycan Müdafiə Nazirliyi (AMN) bildirir ki, Ermənistan silahlı qüvvələri Kəlbəcər istiqamətində növbəti təxribat törədib.

Nazirliyin açıqlamasına görə, Ermənistan silahlı qüvvələrinin bölmələri noyabrın 15-i gecə saatlarından başlayaraq öz mövqelərindən Kəlbəcər rayonunun Zəylik və Yellicə yaşayış məntəqələrində yerləşən Azərbaycan ordusunun mövqelərini atəşə tutub: "Mövqelərimiz heç bir səbəb olmadan snayper tüfəngi və qumbaraatan da daxil olmaqla, müxtəlif çaplı atıcı silahlardan istifadə edən qarşı tərəfin intensiv atəşinə məruz qalıb. Bundan əlavə, bu istiqamətdə infrastrukturun bərpası məqsədilə yol işləri aparan traktorumuz və bölmələrimizə təminat daşıyan iki ədəd "KamAZ" markalı avtomobil də noyabrın 15-i səhər saatlarında Ermənistan hərbi bölmələri tərəfindən atəşə tutulub. Texnikaya zərər dəysə də, şəxsi heyət arasında xəsarət alan olmayıb".

Bu açıqlamaya, hələlik, Ermənistan Müdafiə Nazirliyinin münasibəti bəlli deyil.

Son günlər istər Azərbaycan-Ermənistan sərhədindən və istərsə də Dağlıq Qarabağdan atəşkəsin pozulmasına dair çoxsaylı məlumatlar gəlir. Hətta ölən və yaralananların da olduğu açıqlanıb. Tərəflər atəşkəs pozulmasına görə, bir qayda olaraq, bir-birlərini günahlandırırlar.

Xatırlatma

2020-ci ildə, 44 günlük İkinci Qarabağ müharibəsində Azərbaycan Dağlıq Qarabağ bölgəsinin bir hissəsinə və ətraf 7 rayona nəzarəti bərpa edib. Həmin ilin 10 noyabr razılaşmasına (Azərbaycan, Ermənistan və Rusiya arasında) əsasən, döyüşlər dayandırılıb, Laçın dəhlizində və qoşunların təmas xəttində Rusiya sülhməramlıları yerləşdirilib. Keçmiş Dağlıq Qarabağ Muxtar Vilayətinin çox hissəsinin tanınmayan qurumun və Rusiya sülhməramlılarının nəzarətində qaldığı bildirilir.

Qarabağ münaqişəsi müasir mərhələdə 1988-ci ildə yaranıb, Azərbaycan və Ermənistan arasında gərginlik, daha sonra da müharibə başlayıb. 1994-cü ildə gerçəkləşən atəşkəs razılaşmasına qədər Azərbaycanın Dağlıq Qarabağ bölgəsi və ona bitişik 7 rayonu işğal edilmişdi.

MN: Kəlbəcər və Şuşa ətrafındakı mövqelər atəşə tutulub

Azərbaycan əsgərləri işğaldan azad olunan Kəlbəcər rayonuna girərkən, 25 noyabr 2020

Azərbaycanın Müdafiə Nazirliyi yenidən Ermənistan silahlı qüvvələrinin Azərbaycan ərazilərini atəşə tutduğu barədə məlumat yayıb.

Laçın rayonu istiqamətində gərginlik

"Azərbaycan- Ermənistan dövlət sərhədinin Laçın rayonu sahəsində vəziyyəti gərginləşdirmək məqsədilə Ermənistan silahlı qüvvələrinin bölmələri növbəti təxribata cəhd göstərib."

Azərbaycan Müdafiə Nazirliyinin noyabrın 14-ündə yayddığı ikin xəbərdə belə deyilir.

"Noyabrın 14-ü səhər saatlarından başlayaraq Ermənistan silahlı qüvvələrinin bir qrup şəxsi heyətinin və texnikasının Laçın rayonunun sərhədi istiqamətində cəmləşdirilməsi, o cümlədən təxribata hazırlığı bölmələrimiz tərəfindən müşahidə edilib.
Ermənilərin növbəti təxribatının qarşısını almaq məqsədilə Azərbaycan Ordusunun bu istiqamətdə yerləşən bölmələri təxirəsalınmaz tədbirlər həyata keçirib. Əməliyyat şəraitinə uyğun olaraq Ordumuzun bölmələri tərəfindən əvvəlcədən müəyyən edilmiş plana əsasən zəruri fəaliyyətlər icra olunub. Nəticədə qarşı tərəfin hərbi qulluqçuları ərazidən çəkilməyə məcbur edilib. Hazırda əməliyyat şəraiti nəzarətimiz altındadır." Müdafiə Nazirliyinin açıqlamasında deyilir.

Məlumatda xatırladılır ki, "ötən həftə də Ermənistan tərəfi dövlət sərhədinin Laçın istiqamətində 60 nəfər şəxsi heyəti yerləşdirməklə təxribat törətməyə cəhd göstərmiş və iflasa uğramışdı".

Azərbaycanın Müdafiə Nazirliyi bildirir ki, "Ermənistanın hərbi-siyasi rəhbərliyi bu kimi hərbi avantüraya son qoymalıdır. Bütün bunlar bir daha onu göstərir ki, Ermənistan tərəfi iki ölkənin dövlət sərhədinin danışıqlar yolu ilə delimitasiyası və demarkasiyasında maraqlı deyildir"
Nazirlik hesab edir ki, "Ermənistan-Azərbaycan dövlət sərhədində yaradılan istənilən qarşıdurmanın nəticələrinə görə bütün məsuliyyət Ermənistanın hərbi-siyasi rəhbərliyinin üzərinə düşəcək".

Qarabağda gərginliyə görə Bakı ilə Yerevan bir-birini, təhlilçilər Rusiyanı ittiham edir
Gözlə

No media source currently available

0:00 0:04:00 0:00

Qarşı tərəfdən açıqlama

Ermənistanın Müdafiə Nazirliyi məlumat yayaraq yerli vaxtla saat 19:00-a vəziyyətin nisbətən sabitləşdiyini, atışma olmadığını bildirir. Nazirlik həm də Azərbaycana məxsus zirehli texnikanın Ermənistan ərazisinə daxil olması barədə sosial şəbəkələrdə yayılan məlumatların doğru olmadığını bildirir.

***

Bazar günü-noyabrın 14-də yayılan məlumatda qeyd olunur ki, Azərbaycan ordusunun Kəlbəcər rayonundakı mövqeləri müxtəlif növ silahlardan atəşə tutulub.

"Ermənistan silahlı qüvvələrinin bölmələri noyabrın 13-ü axşam saatlarından etibarən noyabrın 14-ü səhər saatlarınadək Basarkeçər rayonunun Yuxarı Şorca, Zərkənd, Əzizli və Cermuk yaşayış məntəqələrində yerləşən mövqelərindən Kəlbəcər rayonunun Zəylik, Yellicə və İstisu yaşayış məntəqələrində yerləşən Azərbaycan Ordusunun mövqelərini snayper tüfəngi, qumbaraatan və müxtəlif çaplı atıcı silahlardan istifadə etməklə heç bir səbəb olmadan fasilələrlə intensiv atəşə tutub".

Ermənistanın Müdafiə Nazirliyi: Rusiyanın vasitəçiliyi ilə...

Ermənistanın Müdafiə nazirliyi də öz növbəsində noyabrın 14-də məlumat yayayaraq Azərbaycanı ittiham edib.

Məlumatda bildirilir ki, yerli vaxtla saat 13:00 radələrində Azərbaycan Silahlı Qüvvələrinin bölmələri Ermənistan-Azərbaycan dövlət sərhədinin şərq istiqamətində mövqelərinin irəliləməsini təmin etməyə cəhd göstərib. Gərgin atışma başlayıb. Vurğulanır ki, Azərbaycan ordusunun mövqe tutmaq cəhdlərinin qarşısı alınıb. Məlumatda vəziyyətin gərgin olaraq qaldığını bildirilir.

"Hazırda Rusiya tərəfinin vasitəçiliyi ilə vəziyyətin tənzimlənməsi üçün danışıqlar aparılır "-Ermənistan Müdafiə Nazirliyi bildirir.

Sülməramlıların cavabdeh olduğu ərazilərdən də xəbər var

Bundan başqa nazirlik həmçinin Rusiya sülhməramlılarının müvəqqəti nəzarətində olan ərazilərdən də Azərbaycan ordusunun mövqelərinə atəş açıldığını bildirir.

"Rusiya sülhməramlılarının müvəqqəti yerləşdirildiyi Azərbaycan ərazisindəki qanunsuz erməni silahlı dəstələri Muxtarkənd yaşayış məntəqəsi tərəfdən bölmələrimizin mövqelərini müxtəlif çaplı silahlardan istifadə etməklə heç bir səbəb olmadan fasilələrlə intensiv atəşə tutub".

Məlumatda vurğulanır ki, "qarşı tərəfin təxribatlarının, həmçinin döyüş mövqelərinin gücləndirilməsi məqsədilə apardıqları mühəndis işlərinin qarşısını almaq məqsədilə Azərbaycan Ordusunun bölmələri tərəfindən adekvat tədbirlər görülüb".

Azərbaycan Ordusunun şəxsi heyəti və texnika baxımından itkisi yoxdur.
Əməliyyat şəraiti bölmələrimizin tam nəzarəti altındadır- MN xəbərində deyilir.

Bu və noyabrın 13-də Şuşa yaxınlığındakı Azərbaycan əsgərlərinə qumbara atılması ilə bağlı xəbərlərə bölgədə atəşkəsə cavabdeh olan Rusiya sülhməramlıları hər hansı bir mövqeyi səsləndirməyib.

Xatırlatma

2020-ci ildə, 44 günlük İkinci Qarabağ müharibəsində Azərbaycan Dağlıq Qarabağ bölgəsinin bir hissəsinə və ətraf 7 rayona nəzarəti ələ alıb.

Onda həmin ilin 10 noyabr razılaşmasına (Azərbaycan, Ermənistan və Rusiya rəhbərləri arasında) əsasən, döyüşlər dayandırılıb, Laçın dəhlizində və qoşunların təmas xəttində Rusiya sülhməramlıları yerləşdirilib.

Keçmiş Dağlıq Qarabağ Muxtar Vilayətinin çox hissəsinin tanınmayan qurumun və Rusiya sülhməramlılarının nəzarətində qaldığı bildirilir.

Qarabağ münaqişəsi Ermənistanın Azərbaycana ərazi iddiaları ilə 1988-ci ildə başlayıb. 1994-cü ildə gerçəkləşən atəşkəs razılaşmasına qədər Azərbaycanın Dağlıq Qarabağ bölgəsi və ona bitişik 7 rayonu işğal edilmişdi.

Nazirlik Ermənistanın Kəlbəcər istiqamətində təxribat törətdiyini və atışma getdiyini bildirir

Ermənistan əsgərləri sərhəddə, 17 may 2021.

Noyabrın 13-də Azərbaycanın Müdafiə Nazirliyi Ermənistanın silahlı birləşmələrinin Azərbaycanın mövqelərini atəşə tutması barədə məlumat yayıb.

Məlumatda bildirilir ki, "Ermənistan silahlı qüvvələrinin bölmələri noyabrın 13-ü günorta saatlarından başlayaraq Basarkeçər rayonunun Yuxarı Şorca yaşayış məntəqəsində yerləşən mövqelərindən Kəlbəcər rayonunun Zəylik yaşayış məntəqəsi istiqamətində yerləşən Azərbaycan Ordusunun mövqelərini müxtəlif çaplı atıcı silahlardan, snayper tüfəngi və qumbaraatanlardan da istifadə etməklə atəşə tutub".

Xəbərdə qeyd olunur ki, Azərbaycan Ordusunun bölmələri qarşı tərəfin təxribatının qarşısını almaq üçün adekvat tədbirlər görür və hazırda bu istiqamətdə atışma davam edir.
"Azərbaycan Ordusunun şəxsi heyəti arasında itki yoxdur. Əməliyyat şəraiti bölmələrimizin nəzarəti altındadır." nazirliyin məlumatında vurğulanır.

Hələki bu məlumatla bağlı Ermənistanın Müdafiə Nazirliyinin hər hansı bir açıqlaması yoxdur.

Azərbaycanın Müdafiə Nazirliyi noyabrın 9-da da Ermənistan silahlı qüvvələrinin Qaragöl istiqamətində təxribat törətmək istədiyi ilə bağlı məlumat yaymışdı.

Həmin məlumatda bildirilirdi ki, "Noyabrın 9-u günorta saatlarında Ermənistan silahlı qüvvələrinin 60-a yaxın şəxsi heyəti iki hərbi yük avtomobilində Laçın rayonunun Qaragöl gölü (Sevliç) istiqamətində hərəkət edərək Azərbaycan ordusunun mövqelərinə aparan yol üzərində yerləşiblər",

Məlumata görə, qəsdən hərbi qarşıdurma yaratmaq məqsədilə Ermənistan tərəfi metal konstruksiyalardan hazırlanmış səbətlərdən istifadə etməklə Azərbaycan ordusunun sərhədin həmin sahəsindəki mövqelərarası yolunu bağlayaraq ərazidə möhkəmlənməyə çalışıb:

"Görülmüş tədbirlər nəticəsində 60-a yaxın erməni hərbçisi mühasirəyə alınıb, onların bütün hərəkətləri məhdudlaşdırılıb və səhər saatlarında Rusiya tərəfinin xahişini nəzərə alaraq, Azərbaycan hərbçiləri onların geri dönməsinə şərait yaradıb".

Ermənistan Azərbaycanı günahlandırır

Rəsmi Ermənistan isə öz növbəsində sərhəddə atəş açılmasında Azərbaycan tərəfini günahlandırır. Ermənistan Müdafiə Nazirliyinin yaydığı məlumatda vurğulanır ki, Azərbaycan hərbi qüvvələri Qeqarkunik rayonu istiqamətinə atəş açıb.

Azərbaycan-Ermənistan sərhədində gərginlik: nə baş verir?
Gözlə

No media source currently available

0:00 0:15:06 0:00

Şuşa yaxınlığındakı postda Azərbaycan əsgərlərinə qumbara atılıb

Şuşa şəhəri yaxınlığında post, arxiv foto

Yayılan rəsmi məlumata görə, hadisə noyabrın 13-ü  səhər saatlarında Daşaltı kəndi yaxınlığında baş verib. Bildirilir ki, Ermənistan vətəndaşı Azərbaycn əsgərlərinin dayandığı posta əl qumbarası atıb.

Son məlumata görə, noyabrın 13-də Şuşa yaxınlığında Azərbaycan əsgərlərinə qumbara atan Norayr Mirzoyanı Rusiya sülhmərəmalıları Xankəndiyə təhvil veriblər.

***

Azərbaycanın Baş Prokuroluğu və Daxili İşlər Nazirliyinin birgə yaydığı bəyanatda bildirilir ki, Azərbaycan əsgərlərinin dayandığı posta səhər saat 07:12 radələrində qumbara atan Ermənistan vətəndaşı, 1975 təvəllüdlü Norayr Mirzoyan və bir qrup cinayətkar dəstə olub.

Məlumatda deyilir:

" 13 noyabr 2021-ci il tarixdə saat 07:12-də Azərbaycan Respublikasının Xankəndi şəhərindən Xankəndi-Laçın şosse yolu ilə 48-MN-048 ER dövlət qeydiyyat nişanlı “Mercedes Benz” markalı avtomobillə Laçın şəhəri istiqamətində hərəkətdə olan Ermənistan Respublikasının vətəndaşı, 1975-ci il təvəllüdlü Norayr Mirzoyan və qeyriləri cinayətkar birlik halında “RQD-5” markalı əl qumbarası və digər odlu silah, partlayıcı maddələr əldə edib gəzdirməklə Azərbaycan Respublikasının ərazisində terror aktı törətmək, habelə qəsdən adam öldürmək məqsədilə idarə etdiyi avtomobildən düşüb Şuşa şəhərinin Daşaltı kəndinin yaxınlığında xidmət aparan Azərbaycan Respublikasının Silahlı Qüvvələrinin N saylı hərbi hissəsinin və Rusiya Federasiyasının sülhməramlı kontingentinin hərbi qulluqçularının həyatını təhlükəyə atmaqla əl qumbarasını onların istiqamətində atmış, nəticədə müddətdən artıq həqiqi hərbi xidmət hərbi qulluqçusu, çavuş Hafiz Nəsibova və digərlərinə (cəmi üç nəfərə) müxtəlif dərəcəli bədən xəsarətləri yetirməklə milli düşmənçilik niyyətilə qəsdən öldürülmələrinə cəhd etmişdir".

Birgə məlumatda fakta görə Cinayət Məcəlləsinin bir neçə maddəsi ilə cinayət işi açıldığı bildirilir.

(CM 29, 120.2.1 (bir qrup şəxs, qabaqcadan əlbir olan bir qrup şəxs, mütəşəkkil dəstə və ya cinayətkar birlik (təşkilat) tərəfindən adam öldürməyə cəhd), 29, 120.2.3, (zərərçəkmiş şəxsin xidməti vəzifəsini və ya ictimai borcunu yerinə yetirməsi ilə əlaqədar onun özünü və ya yaxın qohumlarını öldürməyə cəhd), 29, 120.2.4 ( xüsusi amansızlıqla və ya ümumi təhlükəli üsulla adam öldürməyə cəhd), 214.2.3 (terrorçuluq-odlu silahdan və silah qismində istifadə olunan predmetlərdən istifadə etməklə törədildikdə), 228.3 (qanunsuz olaraq odlu silah, partlayıcı maddə əldə etmə, başqasına vermə, satma, saxlama, daşıma və gəzdirmə mütəşəkkil dəstə tərəfindən törədildikdə) və digər maddələri ilə)

Rəsmi xəbərdə vurğulanr ki, istintaqın aparılması Baş Prokurorluğun İstintaq idarəsinə həvalə edilib.

"Hazırda iş üzrə intensiv istintaq-əməliyyat tədbirləri aparılır" -məlumatda bildirilir.

Sosial şəbəkələrdə yayılan videolar...

Sosial şəbəkələrdə hadisə anının olduğu iddia edilən videolar yayılıb. Həmin videolardan birində görünür ki, Azərbaycan və Rusiya əsgərlərinin üzbəüz dayandığı posta qısa ara məsafəsi ilə bir minik, bir də yük avtomobili yaxınlaşır və bu zaman ikinci maşın əsgərlərin yanına yaxınlaşanda partlayış baş verir.

Videoda görünür ki, ağ rəngli minik avtomobilndən düşən şəxs Azərbaycan əsgərlərinə tərəf nə isə atır və bu zaman partlayış verir.

Yayılan digər videoda isə Rusiya sülməramlılarının bir nəfəri tutub apardığı və hərbi patrul maşınına saldıqları görünür.

Hadisəyə görə, Xankəndi-Laçın yolu bağlanıbmış

AzadlıqRadiosunun erməni xidməti baş verən hadisəyə görə Xankəndi-Laçın yolunun bir müddət bağlandığını və sonra açıldığını yazır.

Xatırlatma

2020-ci ildə, 44 günlük İkinci Qarabağ müharibəsində Azərbaycan Dağlıq Qarabağ bölgəsinin bir hissəsinə və ətraf 7 rayona nəzarəti ələ alıb.

Onda həmin ilin 10 noyabr razılaşmasına (Azərbaycan, Ermənistan və Rusiya rəhbərləri arasında) əsasən, döyüşlər dayandırılıb, Laçın dəhlizində və qoşunların təmas xəttində Rusiya sülhməramlıları yerləşdirilib.

Keçmiş Dağlıq Qarabağ Muxtar Vilayətinin çox hissəsinin tanınmayan qurumun və Rusiya sülhməramlılarının nəzarətində qaldığı bildirilir.

Qarabağ münaqişəsi Ermənistanın Azərbaycana ərazi iddiaları ilə 1988-ci ildə başlayıb. 1994-cü ildə gerçəkləşən atəşkəs razılaşmasına qədər Azərbaycanın Dağlıq Qarabağ bölgəsi və ona bitişik 7 rayonu işğal edilmişdi.

Bəxtiyar Hacıyev polisdə onunla söhbət aparıldığını deyir

Bəxtiyar Hacıyev

Bu barədə bugün, noyabrın 12-i axşam saatlarında Müdafiə Xətti hüquq müdafiə təşkilatı məlumat yayıb

İctimai fəal Bəxtiyar Hacıyev noyabrın 12-də gecə saatlarında Daxili İşlər Nazirliyinin (DİN) Baş Mütəşəkkil Cinayətkarlıqla Mübarizə İdarəsinə (BMCMİ) dəvət edilməsi ilə bağlı açıqlama yayıb.

Fəalın sözlərinə görə, BMCMİ-də onu idarənin rəisi Əbülfət Rzayev qəbul edib:

"DİN-dən olan narazılığımın, şikayətlərimin səbəbləri ilə maraqlandı. Mən də ətraflı məlumat verdim ki, hansı tarixlərdə hansı məsələlərlə bağlı şikayətlərim olub, onlar hansı bəhanələrlə araşdırılmayıb, hansılara ümumiyyətlə cavab verilməyib".

Onun sözlərinə görə, idarədə ona nazir Vilayət Eyvazovla bağlı yazılarına görə, etiraz bildirilib, lakin eyni zamanda müraciətlərinin araşdırılacağı deyilib:

"… Əbülfət müəllimin səmimi münasibətini nəzərə alaraq, heç bir təzyiq olmasa da, bu xoş mərama güvənərək, kiməsə qarşı əsassız qərəzim olmadığını göstərmək üçün nazir haqqında yazdığım postları bağlayıb, araşdırmalarının nəticəsini gözləyəcəm".

O, sabah, noyabrın 13-d təkrar həmin idarəyə gedəcəyini qeyd edib.

Hacıyevin bu açıqlamasına, hələlik, DİN-dən münasibət almaq mümkün olmayıb.

***

Bundan əvvəl ictimai fəal Bəxtiyar Hacıyevin Daxili İşlər Nazirliyinin (DİN) Baş Mütəşəkkil Cinayətkarlıqla Mübarizə İdarəsində olduğu bildirilirdi.

Bu barədə bugün, noyabrın 12-i axşam saatlarında Müdafiə Xətti hüquq müdafiə təşkilatı məlumat yayıb.

Məlumata görə, Bəxtiyar Hacıyev artıq bir neçə saatdır idarədədir, telefonu söndürülüb:

"Biz heç bir xəbər ala bilmirik, orada nələrin baş verməsindən məlumatsızıq".

Bu deyilənlərə, hələlik, Daxili İşlər Nazirliyindən münasibət öyrənmək mümkün olmayıb.

Bəxtiyar Hacıyev təqribən 1 ay əvvəl bildirirmişdi ki, polis onu Bakıda saxlayıb və o fiziki təzyiqə məruz qalıb.

O vurğulamışdı ki, prezident İlham Əliyevin keçəcəyi kortejlə əlaqəli bağlanmış boş yolu çəkdiyinə görə, polis əməkdaşı onu saxlayıb və daha sonra həmin olay yaşanıb.

Amma Daxili İşlər Nazirliyinin Mətbuat xidmətinin Kütləvi informasiya vasitələri və ictimaiyyətlə əlaqələr şöbəsinin rəisi Elşad Hacıyev onda bunu təkzib etmişdi.

O, bildirmişdi ki, fiziki təzyiqlə bağlı deyilənlər əsassızdır: "Bəxtiyar Hacıyevlə profilaktik söhbət aparılıb və o sərbəst buraxılıb".

Bəxtiyar Hacıyev 2 ay əvvəl isə Bakı şəhər Baş Polis İdarəsinin rəisinin onu hədələdiyini bildirmişdi.

Hacıyev onda da qeyd edirdi ki, onun polisə verdiyi şikayətinə baxılmadığına görə, daxili işlər naziri Vilayət Eyvazov barədə Facebook-da tənqidi rəy yazıb.

Fəalın dediyinə görə, sentyabrın 9-da onu həmin idarəyə aparıblar və idarə rəisi ona psixoloji təsir göstərmək istəyib. Daxili İşlər Nazirliyindən isə ictimai fəalın hədələnməsi barədə dediklərini "həqiqətə uyğun olmayan cəfəngiyyat" adlandırmışdılar.

Xatırlatma

Harvard Universiteti məzunu olan Bəxtiyar Hacıyev 2011-ci ilin martında həbs edilmişdi.

Ona hərbi xidmətdən yayınma ittihamı ilə 2 il müddətinə azadlıqdan məhrumetmə cəzası verilmişdi.

Hacıyev 2012-ci ildə Ali Məhkəmənin qərarı ilə vaxtından əvvəl şərti azadlığa çıxıb.

Ali Məhkəmədən Aslan İsmayılova yaşıl işıq

A.İsmayılov

Noyabrın 12-də Azərbaycan Ali Məhkəməsinin Plenumu Aslan İsmayılovun vəkillikdən uzaqlaşdırılması ilə bağlı yerli məhkəmələrin çıxardığı bütün qərarları ləğv edib.

Bu barədə AzadlıqRadiosuna hüquqşünas Xalid Ağalıyev məlumat verib.

Məlumata görə, buna səbəb Avropa İnsan Hüquqları Məhkəməsinin (AİHM) A.İsmayılovun şikayəti üzrə 2020-ci ilin martında qəbul etdiyi qərardır.

"Viza" Hüquq Firmasının rəhbəri A.İsmayılovun vəkillik fəaliyyətinə 2013-cü ildə xitam verilmişdi. Vəkillər Kollegiyasının İsmayılovun bu qurumdan çıxarılması tələbi ilə iddiasına Nərimanov Rayon Məhkəməsində baxılıb iddia təmin edilmişdi. Məhkəmə əsas göstərmişdi ki, A.İsmayılov qanunsuz şəkildə hakimlərin otağına daxil olub, təhqirə, təhdidə yol verib.

A.İsmayılov daxili müdafiə vasitələri tükəndikdən sonra yerli məhkəmələrin qərarlarından Avropa İnsan Hüquqları Məhkəməsinə şikayət edib. AİHM isə müvafiq qərarında A.İsmayılova münasibətdə ədalətli məhkəmə araşdırması hüququnun pozuntusunu tanıyıb.

Avropa Şurası Nazirlər Komitəsi…

Avropa Şurası Nazirlər Komitəsi (AŞNK) AİHM-in "Aslan İsmayılov Azərbaycana qarşı" qərarının icrasına Namazov Qrupu çərçivəsində nəzarət edir. Bu qrupa AİHM-in Azərbaycanla bağlı üç qərarı (Elçin Namazov, Xalid Bağırov, Aslan İsmayılov) daxil edilib. Hər üç qərar ərizəçilərin Vəkillər Kollegiyasından xaric edilmələri ilə bağlıdır. AİHM bu işlərin hamısında vəkillikdən kənarlaşdırılmalarından şikayət edən ərizəçilərin xeyrinə qərar vermişdi.

İki ay öncə AŞNK də hər üç şəxsin məsələsini qaldırmışdı. Hökumətdən hər üç ərizəçi ilə bağlı işlərə yenidən baxılması, qərar verilməsi istənilirdi.

Elçin Namazov 2011, Xalid Bağırov isə 2015-ci ildə kollegiyadan xaric edilib. Ali Məhkəmənin Plenumunun digər bu iki hüquqşünasla bağlı məsələyə, hələlik, baxmamasına isə onlardan münasibət almaq mümkün olmayıb.

Xatırlatma

Son illər Azərbaycan Vəkillər Kollegiyasından bir çox vəkil xaric edilib. Onlardan bir çoxunun müxalifətçilərin, araşdırmaçı jurnalistlərin vəkili olduğu qeyd edilir və bu qərar siyasi sifariş kimi yozulur.

Amma Azərbaycan Vəkillər Kollegiyası onların xaric edilməsini qanunvericiliyin tələblərini pozmaları ilə izah edib.

DSK və iqtisadçıdan fərqli rəqəmlər...

Dükan sahibi :'Nisyə dəftəri dolur, cavan-cavan oğlanlar xəcalətlənir'
Gözlə

No media source currently available

0:00 0:04:15 0:00

2021-ci ilin yanvar-oktyabr aylarında istehlak qiymətləri 2020-ci ilin eyni dövrünə nisbətən 5.7 faiz artıb.

Bu barədə bu gün, noyabrın 12-də Dövlət Statistika Komitəsi (DSK) məlumat yayıb.

Məlumata görə, ərzaq məhsulları, içkilər və tütün məmulatları 6.7, qeyri-ərzaq məhsulları 4.6, əhaliyə göstərilmiş ödənişli xidmətlər 5 faiz bahalaşıb.

Açıqlamaya görə, bu ilin oktyabrında istehlak qiymətləri əvvəlki aya nisbətən 1.6, ötən ilin oktyabrına nisbətən 10 faiz yüksəlib. Son bir ayda təkcə ərzağın 2.8 faiz bahalaşdığı qeyd edilib.

"Reallıqda isə..."

İqtisadçı Natiq Cəfərli isə AzadlıqRadiosuna bildirib ki, ərzaq məhsulları, içkilər və tütün məmulatları üzrə istehlak qiymətlərinin əvvəlki ayla müqayisədə təqribən 3 faiz bahalaşması əslində yüksək bir rəqəmdir: "Son beş ildə bir ayla o biri ayın arasında dəyişikliyin bu qədər olmasını xatırlamıram. Həmişə 0.2-0.3 faiz olub. İndi isə rəsmi rəqəmi 3 faizə yaxın elan ediblərsə, reallıq daha təhlükəlidir".

İqtisadçının fikrincə, reallıqda bəzi ərzaq mallarının qiymətində dəfələrlə çox bahalaşma var. O xatırladıb ki, son bir ildə ərzaq inflyasiyası, rəsmi rəqəmlərə görə, təqribən 10 faizdir: "Reallıqda isə elə gündəlik tələbat məhsulları var ki, onların qiymətlərində artım daha yüksəkdir. Hətta 30-35 faizlik artım müşahidə olunur".

Davamı

XS
SM
MD
LG