Keçid linkləri

2017, 29 May, Bazar ertəsi, Bakı vaxtı 19:20

Yeni qızıl yatağında qazma işləri yekunlaşıb


Qızıl yatağı (arxiv fotosu)

Azərbaycanda qızıl hasilatı ilə məşğul olan “Anglo Asian Mining Plc” şirkəti Gədəbəydəki “Uğur” yatağında ikinci faza aktiv zona üzrə qazma işlərini tamamlayıb.

Bu barədə şirkətin press-relizində bildirilir.

Şirkət işlərin tamamlanmasının 2017-ci ilin ikinci yarısında yataqdakı qızıl ehtiyatlarının qiymətləndirilməsinə imkan verəcəyini qeyd edib.

Şirkət hazırda qazma nümunələrinin ekspertizasının aparıldığını bildirir.

Buna da bax:​ Gədəbəy qızıl-filiz yatağından 2 tondan çox qızıl çıxarılıb

Ötən ilin sonunda «Anglo-Asian Mining Plc.» şirkəti Gədəbəydəki yeni “Uğur” yatağında qızıl ehtiyatı ilə bağlı kəşfiyyat aparmaq məqsədilə lisenziya almışdı.

Xatırlatma

Azərbaycanda qızıl və gümüş 1997-ci il avqustun 21-də imzalanmış PSA (Hasilatın Pay Bölgüsü) tipli müqavilə çərçivəsində hasil olunur.

Müqavilə 6 yatağın - Naxçıvanda 1, Gədəbəydə 2, hazırda Ermənistan silahlı qüvvələrinin nəzarət etdiyi Kəlbəcər və Zəngilanda 3 yatağın işlənməsini nəzərdə tutur.

Buna da bax: Prezident ailəsinin qızıl biznesində iflas - ziyanı vətəndaş ödəyir - [Araşdırma]

«Anglo-Asian Mining Plc.» şirkəti Azərbaycanın 6 qızıl yatağının işlənməsi layihəsinin operatorudur.

Azərbaycanda ilk qızıl hasilatına («Gədəbəy» yatağında) 2009-cu ildə başlanılıb.

Gədəbəy yatağında təqribən 22 ton qızıl, 192 ton gümüş, 37 min ton mis ehtiyatının olduğu güman edilir.

Son illər Azərbaycanda qızıl hasilatının azaldığı bildirilir.

Buna da bax:​ Qara metal ixracında 37,2, qızıl hasilatında 32 faiz azalma

2016-cı ilin yanvar-iyul aylarında Azərbaycanda qızıl hasilatı 1 min 115,9 kq təşkil edib. Bu da 2015-ci ilin analoji dövrünün göstəricisindən 15,8 faiz azdır.

Sənin fikrin

Şərhləri göstər

Günün bütün mövzuları

XS
SM
MD
LG