Keçid linkləri

Təcili xəbərlər
2018, 25 Fevral, bazar, Bakı vaxtı 00:21

Aksiz markaları niyə Litvada sifariş verilib?


Ukraine -- Sevastopol Wines plant "Inkerman" with Russian excise stamps, 29 October 2014

Maliyyə Nazirliyi köhnə tərəfdaşına – Litvanın «Qarsu Pasaulis» şirkətinə tütün məmulatı, spirt və alkoqollu içkilərə tətbiq olunan aksiz markalarının çapına görə 6 milyon 291 min 976 manat ödəyib.

Ötənilki tenderin nəticələri bu həftə açıqlanıb. Əvvəlki illərdə nazirlik məhz bu məqsədlə təşkil olunan tenderlərin nəticələrini ictimaiyyətə açıqlamayıb.

Əsas hissə siqaret qutusuna vurulacaq

Şirkət istər ölkədə istehsal olunan, istərsə Azərbaycana gətirilən mallardan ötrü aksiz markaları çap edir. Söhbət 1 milyard 122 milyon ədəd halloqramlı markadan gedir. Bunun yarıdan çoxu (700 milyon ədəd) idxal olunan tütün məmulatı üçündür. Yerli siqaret istehsalçılarına 200 milyon, pivə istehsalçılarına 150 milyon ədəd aksiz markası sifariş verilib.

Buna da bax:​ 'Nazirliyin 'get filan saytları blokla' demək hüququ yoxdur'

Nazirliyin tenderinin həmişə bir qalibi olub

Maliyyə Nazirliyinin Litva şirkəti ilə əməkdaşlığı, ən azı, 2006-cı ilə gedib çıxır. O zaman da aksiz markalarının çapına tələb olunan vəsait 50 min manatı aşdığından, tender keçirilmiş, Almaniyanın «Qizike and Devrient» və Estoniyanın «Vaba-Maa» şirkətlərini ən ucuz qiymətlə geridə qoyan «Qarsu Pasaulis» QSC qalib elan olunmuşdu. Eyni nəticə 2009-cu ildə də qeydə alınmışdı.

2011-ci ildə blankların (38,6 min manat), qayıdış şəhadətnaməsi blanklarının (84,4 min manat) və viza blanklarının (474,2 min manat) çapı da Litvanın bu mətbəəsinə tapşırılmışdı.

Maliyyə Nazirliyi daha öncə xüsusi mühafizə keyfiyyətləri olan çap məhsullarının satın alınmasını 2014-cü ildə təşkil etmişdi. Elə o zaman da bir başqası deyil, məhz «Qarsu Pasaulis» QSC qalib çıxmışdı. Tərəflər arasında bağlanan müqavilənin qiyməti 434 min 158 manat olmuşdu. Builki müqavilə ictimaiyyətə məlum olan ən yüksək dəyərdədir.

Buna da bax: Rusiyada son etirazlara 'Yandex' də müdaxilə edib

Büdcəyə gələn pul azalır

Aksiz markalarının çapı və satışını Maliyyə Nazirliyi təşkil edir. Satışdan əldə olunan vəsait dövlət büdcəsinə daxil olur. Bu il də, əvvəlki illərdə olduğu kimi, satışdan 5 milyon manatın gələcəyi proqnozlaşdırılır. Amma dövlət büdcəsinin icrası haqqında qanunlardan görünür ki, bu, elə də asan məsələ deyil: 2015-ci ildə aksiz markalarının satışından 3 milyon manat əldə olunub. Bu, 2013-2014-cü illərdəkindən təxminən 800-900 min manat azdır.

Günün bütün mövzuları

XS
SM
MD
LG