Keçid linkləri

2017, 23 Mart, Cümə axşamı, Bakı vaxtı 10:19

'Onu qapalı həbsxanaya göndərmək istəyirlər'


Vəkil Bəhruz Bayramov və Rüfət Səfərov, 07.09.2016

Vəkil Bəhruz Bayramov və Rüfət Səfərov, 07.09.2016

Həbsdə olan Zərdab rayon Prokurorluğunun keçmiş müstəntiqi Rüfət Səfərovun vəkili, ailə üzvləri və hüquq müdafiəçiləri martın 7-də onunla görüşə buraxılmayıb.

Bu barədə vəkil Bəhruz Bayramov bildirib.

Vəkil Rüfət Səfərovun martın 6-sı 3 gün müddətinə cərimə kamerasına (kars) salındığını deyib. Onun deməsinə görə, keçmiş müstəntiqə yeni “təxribat” hazırlanır. “Onu qapalı həbsxanaya göndərmək istəyirlər”, deyə o qeyd edib.

Buna da bax:​ Keçmiş müstəntiqin 'kars'a salındığı bildirilir

B. Bayramovun sözlərinə görə, Səfərovun saxlanıldığı 9 saylı Cəzaçəkmə Müəssisəsinin rəisi Baba Gülməmmədovun qəbul günü olmasına baxmayaraq, rəis, onları qəbul etməyib.

“Biz nəhayət Penitensiar Xidmətə gəldik. Orada 9 saylı Cəzaçəkmə Müəssisəsinin kuratoru dedi ki, bu məsələni araşdırıb cavab verəcək”, deyə o qeyd edib.

Rüfət Səfərovun kamera yoldaşı ilə mübahisə etdiyinə görə, “karsa” salındığı bildirilir.

Buna da bax: Keçmiş müstəntiq kassasiya şikayəti verib

Xatırlatma

R. Səfərov parlamentin keçmiş deputatı, hakim Yeni Azərbaycan Partiyasının yaradıcılarından biri Eldar Sabiroğlunun oğludur. E. Sabiroğlu 2015-ci ildə Prezident Administrasiyasının rəhbəri Ramiz Mehdiyevin ünvanına sərt çıxışlar edib. Həmin ilin dekabrında isə R.Səfərov hüquq-mühafizə orqanlarının işinə görə, hakimiyyəti açıq tənqid edib. O, prokurorluq orqanlarından istefa verdiyini bəyan edib.

Bundan sonra, 2016-cı ilin yanvarında R.Səfərov rüşvət almaq ittihamı ilə həbs olunub. Lakin yanvarın 22-də o, ev dustaqlığına buraxılıb.

Buna da bax:​ Vəkil: ‘Rüfət Səfərovun durumu yaxşıdır’

Keçmiş müstəntiq Lənkəran Ağır Cinayətlər Məhkəməsinin hökmü ilə 2016-c ilin sentyabrında 9 il azadlıqdan məhrum olunub və məhkəmə zalında həbs edilib.

Ötən il dekabrın 22-də Şirvan Apellyasiya Məhkəməsi Səfərovun şikayətini təmin etməyib.

Sənin fikrin

Şərhləri göstər

Günün bütün mövzuları

XS
SM
MD
LG