Bərdədə sahibkarlardan investisiya layihələrinin qəbulu başlanır

Sahibkarlığa Kömək Milli Fondu Bərdə rayonunda bəzi sahələr üzrə sahibkarlardan investisiya layihələrinin qəbuluna başlayır.

Bu barədə İqtisadi İnkişaf Nazirliyinin rəsmi saytında məlumat verilir.

Fond Bərdə rayonunda taxılçılıq, o cümlədən qarğıdalı, pambıqçılıq, bağçılıq, ətlik və südlük istiqamətli cins heyvandarlıq təsərrüfatlarının, meyvə-tərəvəz emalı, plastik qapı-pəncərə və tamet istehsalı müəssisələrinin yaradılmasını prioritet sahə kimi qiymətləndirib.

Fond bildirir ki, kiçik həcmli investisiya layihələrinin dəyərinin 100%-dək hissəsi dövlətin güzəştli kreditləri hesabına maliyyələşdirilə bilər.