Keçid linkləri

2024, 04 May, şənbə, Bakı vaxtı 22:59

Ramil Rahiboğlu. Bəxtiyar Hacıyevə


KATORQA
(Bəxtiyar Hacıyevə ithaf olunur)

Gah nəsə uğuldayar... uğuldayar...
Gah nəsə şaqqıldayar... şaqqıldayar...
Gah nəsə səpələnər... səpələnər...
Gah da zərif buz parçası
Şüşə kimi cingildəyər...

Gah nəsə şappıldayar... şappıldayar...
Gah nəsə taqqıldayar... taqqıldayar...
Gah nəsə fışıldayar... fışıldayar...
Gah da eyhamlı sükutlar
Ayaqları buxovlayar...

Gah nəsə xırtıldayar... xırtıldayar...
Gah nəsə pırtıldayar... pırtıldayar...
Gah nəsə cırıldayar... cırıldayar...
Gah da dustaq ayaqqabıları
Tappıldayar... tappıldayar...

Gah nəsə vıyıldayar... vıyıldayar...
Gah nəsə xışıldayar... xışıldayar...
Gah nəsə qıfıllanar... qıfıllanar...
Gah da yağış damlaları
Yarpaqlardan asılar...


TƏKADAMLIQ HƏYAT

Səsini kəsərdisə də quşların hamısı
yarpaqlar səs salardı əvəzində
Cavab verərdimsə də mən sənə
duyardın yalan danışdığımı...

Həqiqi göz yaşları süzülərdisə də yanaqlarından
mütəəssir olmazdım əvəzində
Eşidilərdisə də hönkürtün otaqda
eşitməməzliyə vurardım özümü...

Qopub düşməyərdisə də siqaretimin külü
titrəyib çat verərdi əvəzində
Külqabıya sarı aparardımsa da siqaretimi
əvəzində şalvarıma düşərdi külü...

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG