Keçid linkləri

Təcili xəbərlər
2023, 09 Fevral, Cümə axşamı, Bakı vaxtı 12:18

Dünya xəbərləri

Prezident komandası dağılan baş naziri müdafiə edir

Pakistan prezidenti Asi Əli Zardari koalisiya hökuməti dağılmaqda olan Baş nazir Yusuf Raza Gilanini müdafiə etdiyini bildirir. Bazar günü ölkənin ikinci böyük partiyası hökumət koalisiyasından çıxdığını bəyan etdikdən sonra Gilainin kabineti dağılmaq təhlükəsi ilə üzləşib. Çünki bu halda indiki koalisiya parlamentdə mandat çoxluğunu itirir. Bu partiya Pakistanda neft məhsullarının qiymətlərinin kəskin artırılmasına etiraz olaraq müxalifətə keçdiyini bəyan edib.

Prezident Zardarinin sözçüsü yanvarın 3-də yaydığı bəyantda dövlət başçısının Baş nazirin siyasətini müdafiə etdiyi qeyd olunur.

Yusuf Raza Gilani yanvarın 3-də yeni koalisiya formalaşdırmaq üçün başqa müxalifət partiyaları ilə danışıqlara başlayıb.

Bütün xəbərləri izləyin

İranda 'çoxlu sayda' məhbus əfv edilib, elə həmin gün jurnalist həbs olunub

Ayətullah Əli Xamenei , arxiv foto

İranın ali dini lideri Ayətullah Əli Xamenei təhlükəsizliklə bağlı ittihamlara görə hökumətə qarşı son etirazlarda həbs olunan çoxlu sayda məhbus da daxil olmaqla, “on minlərlə” məhbusu əfv edib.

Bu barədə fevralın 5-də dövlət mediasına istinadla Reuters məlumat yayıb.

Dövlət mediasının yaydığı məlumata görə, “xarici qurumlara casusluq, xarici agentlərlə birbaşa əlaqədə olmaq, qəsdən adam öldürmə və xəsarət yetirmə, dövlət əmlakının dağıdılması və yandırılması ittihamı irəli sürülməyən və ya onların işində şəxsi iddiaçısı olmayan məhbuslar əfv olunacaq”.

O da vurğulanır ki, bu bağışlama 1979-cu il İslam İnqilabının ildönümü şərəfinə elan edilib.

Əfv xəbərlərinin yayılmasından sonra yerli medianın yazdığına görə, İran hakimiyyəti islahatçı nəşrin jurnalistini saxlayıb. O da qeyd olunr ki, həmin jurnalistin bacısı da Məhsa Əmininin ölümü ilə bağlı xəbər yaydıqdan sonra saxlanılıb və hələ də həbsdədir.

Nilufər Həmidi və İlahə Məhəmmədi, iranlı jurnalistlər
Nilufər Həmidi və İlahə Məhəmmədi, iranlı jurnalistlər

Qeyd olunur ki, "Hammihan" qəzetinin müxbiri Elnaz Məhəmmədi Tehrandakı Evin prokurorluğuna "izahat vermək üçün" getdikdən sonra saxlanılıb.

Jurnalist prokurorluğa niyə çağırıldığı açıqlanmayıb. Onun bacısı İlahə Məhəmmədi sentyabrın 29-da Əmininin dəfn mərasimindən "Hammihan"a xəbər verdikdən sonra həbs edilib.

Ötən ilin sentyabrdan İranda etirazlar başlayıb. Bu kütləvi etirazlar hicab qaydasını pozma ittihamı ilə polis məntəqəsinə aparılan və daha sonra xəstəxanada vəfat edən 22 yaşlı Məhsa Əmininin ölümündən sonra başlayıb və hələ də səngimək bilmir.

İrandakı etirazlarla bağlı 20 min nəfərin həbs olunduğu, bunlardan 100-ü barəsində edamla nəticələnə biləcək hökmlərin çıxarıldığı xəbər verilir.

Osloda mənzillənmiş İran İnsan Haqları Təşkilatı isə bildirir ki, İranda ötən il edam edilənlərin sayı 500 nəfərdən çox olub.

İran etirazlarda iştirakla bağlı 4 nəfərin edam olunduğunu təsdiq edib.

Pakistanın keçmiş prezidenti Pərviz Müşərrəf vəfat edib

Pərviz Müşərrəf, arxiv foto

Pakistanın keçmiş prezidenti Pərviz Müşərrəf uzun sürən xəstəlikdən sonra Dubayda özəl klinikalardan birində vəfat edib. Müşərrəfin 79 yaşı var idi. O, 2001-2008-ci illərdə Pakistan prezidenti olub.

Müşərrəf Dehlidə diplomat ailəsində anadan olub. O, Pakistan Hərbi Akademiyasında, Böyük Britaniyanın Kral Müdafiə Elmləri Kolleci də daxil olmaqla bir sıra digər kolleclərdə təhsil alıb.

1999-cu ildə hərbi çevrilişlə hakimiyyətə gələn Müşərrəf əvvəlcə baş nazir vəzifəsini icra edib.

2001-ci ildə o, baş nazir və quru qoşunlarının qərargah rəisi postlarını saxlayaraq özünü prezident elan edib. 2002-ci ildə Müşərrəfin prezidentlik müddəti 5 il uzadılıb.

2007-ci ildə öz ətrafı və növbəti prezident seçkilərində iştirakının əleyhinə olan Ali Məhkəmə ilə münaqişəyə girən Müşərrəf elə həmin ilin oktyabrında yeni müddətə prezident seçilib.

Ali Məhkəmə səsvermənin nəticələrinin təsdiqini gecikdirdiyindən bu Pakistanda siyasi böhranın başlanmasına səbəb olub.

Ölkədə fövqəladə vəziyyət elan etdikdən və bir sıra vətəndaş azadlıqlarına məhdudiyyətlər qoyduqdan sonra o, prezident kimi and içib.

2008-ci ilin fevralında müxalifətin parlament seçkilərini qazanmasından sonra Müşərrəf impiçmentdən qaçmaq üçün həmin ilin avqustunda istefa verib və Londona gedib.

2013-cü ildə parlament seçkilərində iştirak etmək üçün Pakistana qayıtsa da bir neçə gün sonra ona keçmiş baş nazir Bənazir Bhuttonun öldürülməsi və dövlətə xəyanət ittihamları da daxil olmaqla bir neçə cinayət işi açılıb.

Müşərrəf həbs edilərək ev dustaqlığına buraxılıb.

2016-cı ilin martında müalicə üçün onun xaricə getməsinə icazə verilib, o, məhkəmə qarşısına çıxmaq üçün Pakistana qayıdacağına söz verib.

Üç il sonra Pakistan Xüsusi Məhkəməsi Müşərrəf barəsində ölüm hökmü çıxarıb. O, 2007-ci ildə fövqəladə vəziyyət tətbiq etdiyinə görə dövlətə xəyanətdə təqsirli bilinib.

Son illər Pərviş Müşərrəf Birləşmiş Ərəb Əmirliklərində yaşayırdı.

Musəvidən müraciət: İranda referendum keçirilsin, yeni konstitutsiya hazırlansın

Mirhüseyn Musəvi, arxiv foto

İranın müxalifət xadimi Mirhüseyn Musəvi İranda “azad” referendumun keçirilməsinə və yeni konstitutsiya layihəsinin hazırlanmasına çağırıb.

2011-ci ildən ev dustaqlığında olan Musəvi fevralın 4-də yaydığı bəyanatda bu çağırışla çıxış edib.

O bildirib ki, son zamanlar hakimiyyət əleyhinə etirazlar zamanı çoxlarının səsləndirdiyi “qadın, həyat, azadlıq” şüarı əsasında köklü dəyişiklik istəyirlər.

Musəvi qeyd edib ki, bu üç söz “zülm, yoxsulluq, təhqir və ayrı-seçkilikdən azad parlaq gələcəyin toxumlarıdır”.

Musəvi, onun universitet professoru olan həyat yoldaşı Zəhra Rəhnavard və islahatçı din xadimi Mehdi Kərrubi 2009-cu ildəki mübahisəli prezident seçkiləri ilə bağlı Ali Rəhbər Ayətullah Əli Xameneiyi və İranda insan haqlarının vəziyyətini tənqid etdikləri üçün 2011-ci ilin fevralından ev dustaqlığındadılar.

Ötən ilin sentyabrdan İranda etirazlar başlayıb. Bu kütləvi etirazlar hicab qaydasını pozma ittihamı ilə polis məntəqəsinə aparılan və daha sonra xəstəxanada vəfat edən 22 yaşlı Məhsa Əmininin ölümündən sonra başlayıb və hələ də səngimək bilmir.

Ölkədə etirazlarla bağlı 20 min nəfərin həbs olunduğu, bunlardan 100-ü barəsində edamla nəticələnə biləcək hökmlərin çıxarıldığı xəbər verilir.

Osloda mənzillənmiş İran İnsan Haqları Təşkilatı isə bildirir ki, İranda ötən il edam edilənlərin sayı 500 nəfərdən çox olub.

İran etirazlarda iştirakla bağlı 4 nəfərin edam olunduğunu təsdiq edib.

Medvedev Ukraynanı 'qisas zərbələri' ilə hədələyir

D. Medvedev, arxiv foto

Rusiya Təhlükəsizlik Şurasının sədr müavini Dmitri Medvedev növbəti dəfə dolayı yolla Ukraynanı nüvə zərbəsi ilə hədələyib. O deyib ki, Ukrayna Krıma və ya “Rusiyanın dərinliklərinə doğru” zərbə endirsə, “Rusiyanın cavabı hər şey ola bilər”.

"Biz özümüzə heç bir məhdudiyyət qoymuruq və təhdidlərin xarakterindən asılı olaraq, bütün növ silahlardan istifadə etməyə hazırıq..." Medvedev bildirib.

O, Krımda Rusiya obyektlərinə mümkün zərbələrin danışıqların başlamasına deyil, “qisas zərbələrinə” səbəb olacağı fikrini də ifadə edib:

“Kiyevin hakimiyyəti altında qalan bütün Ukrayna alovlanacaq”-Rusiya rəsmisi əlavə edib.

Ukrayna prezident aparatı rəhbərinin müşaviri Mixailo Podolyak tvitter hesabında bu hədələrə münasibət bildirib. O qeyd edib ki, Ukrayna beynəlxalq hüquqa uyğun olaraq öz ərazilərini, o cümlədən Krımı “istənilən vasitələrdən istifadə etməklə” azad edə bilər.

"Ona görə də Rusiya rəsmilərinin "cavab zərbələri" ilə bağlı hədələri yalnız qırğınlar törətmək niyyətinin təsbitidir və Rusiya Federasiyasının ənənəvi üslubunda qorxutmaq cəhdidir."

Ukraynaya Krımı vura bilən yeni silah verilə bilər
Gözlə

No media source currently available

0:00 0:02:02 0:00

Ukrayna mənbələrinin verdiyi məlumata görə, bazar günü, fevralın 5-də Xarkov şəhərinə yenidən raket atılıb. Raketin şəhərin mərkəzindəki yaşayış binasına və dağıdılmış universitet binasına düşdüyü bildirilir. Bir neçə nəfərin yaralanıb. Xarkov vilayət prokurorluğunun məlumatına görə, söhbət Belqorod vilayətindən atılan S-300 raketindən gedir.

Ukrayna prezidenti Volodomir Zelenski fevralın 4-də Rusiyanın döyüşə getdikcə daha çox qüvvə atdığı və ölkənin şərq bölgələrində cəbhə xəttində vəziyyətin getdikcə ağırlaşdığı barədə xəbərdarlıq edib.

"İşğalçı bizim müdafiəmizi dağıdmaq üçün getdikcə daha çox qüvvələrini atır" deyən Zelenski gecə saatlarındakı videomüraciətində Baxmut, Vuhledar, Lyman və digər ərazilərdə vəziyyətin "çox çətin" olduğunu bildirib.

Ukraynada müharibə başlayandan bəri Medvedev dəfələrlə Rusiyanın nüvə silahından istifadə edə biləcəyini bəyan edərək təkcə Kiyevi deyil, Qərb dövlətlərini də hədələyib.

Fevralın 2-də Rusiya prezidenti Vladimir Putin bildirib ki, Qərb ölkələrinin Ukraynaya zirehli texnika tədarükü Rusiya üçün təhlükə yaradarsa, Moskva cavab tədbirləri görəcək...”.

Rusiya 2022-ci il fevralın 24-də Ukraynaya hücum edib. Onlarla yaşayış məntəqələri dağıdılıb, minlərlə insan həlak olub, onminlərlə ukraynalı yaşayış yerlərini və ölkəni tərk etmək məcburiyyətində qalıb. Müharibə hələ də davam edir.

Moskva qonşu ölkəyə hücumu müharibə deyil, xüsusi hərbi əməliyyat adlandırır. Bunun əksini deyənlər və müharibəyə etiraz edənlər isə ölkə qanunlarına görə cəzalandırılır.

Türkiyənin sanksiyalardan yayınaraq Rusiyaya hərbi mallar satdığı iddia olunur

Türkiyənin ABŞ-ın ixrac nəzarəti və sanksiyalarını pozaraq Rusiyaya Amerika istehsalı olan elektronika, ehtiyat hissələri və digər mallar ixrac etdiyi iddia olunur.

Bu barədə Amerikanın “Wall Street Journal” nəşri ticarət məlumatlarına istinadən yazıb. O da qeyd olunr ki, çatdırılan malların bir hissəsi Rusiya silahlı qüvvələrinin təminatı üçün lazım olan mallardır.

Qəzetin məlumatına görə, təxminən 13 Türkiyə şirkəti Rusiya bazarına ən azı 18,5 milyon dollar dəyərində plastik, rezin məmulatları və nəqliyyat vasitələri çatdırıb.

O da vurğulanır ki, həmin məhsullar Ukraynaya hücumda iştirak etdiklərinə görə ABŞ-ın sanksiyaları altında olan ən azı 10 rus firması tərəfindən alınıb.

Məlumatda həmçinin bildirilir ki, Türkiyə şirkətləri ABŞ-ın ixrac nəzarətini pozaraq 2022-ci ilin mart ayından oktyabr ayına kimi Rusiyaya ABŞ istehsalı olan 15 milyon dollarlıq liftlər, elektrik generatorları, elektron lövhələr və digər ABŞ istehsalı mallar göndərib.

“Wall Street Journal” Türkiyə avadanlığı alan şirkətlər arasında Rusiya donanması üçün silah sistemləri istehsal edən Rusiyanın “Tactical Missiles” korporasiyasının törəmə müəssisəsini və tüfəng istehsal edən “Promtexnologiya” şirkətinin adını çəkir.

Hər iki şirkət ABŞ-ın məhdud siyahısındadır. Moskva və Ankara nəşrin bu dərcinə münasibət bildirməyib.

Bloomberg mənbələrinə görə, Vaşinqton daha əvvəl Türkiyə və Birləşmiş Ərəb Əmirliklərinin hakimiyyət orqanlarına xəbərdarlıq edib ki, onların Rusiya ilə iqtisadi və maliyyə əlaqələrini saxlaması Moskvaya təzyiq cəhdlərinə mane olur.

Freedom House: Gürcüstan hakimiyyəti Saakaşvilinin səhhətinə cavabdehdir

M. Saakaşvili

Beynəlxalq insan hüquqları təşkilatı olan Freedom House Gürcüstan hakimiyyətini ölkənin üçüncü prezidenti Mixeil Saakaşviliyə lazımi müalicə imkanını təmin etməyə çağırıb.

Təşkilat bu barədə özünün Tvitter səhifəsində məlumat paylaşıb.

“Gürcüstanın həbsdə olan keçmiş prezidenti Mixail Saakaşvili barəsində son xəbərlər və fotoşəkillər bizi narahat edir. Gürcüstan hökuməti Saakaşvilinin həbsdə olduğu müddətdə onun sağlamlığına və rifahına cavabdehdir. Biz hakimiyyəti onu təcili və tam tibbi yardımla təmin etməyə çağırırıq”-təşkilatın bəyanatında vurğulanır.

Gürcüstan hakimiyyəti Saakaşvilinin kritik vəziyyəti ilə bağlı söhbətləri piar kampaniyasının bir hissəsi sayır.
Tbilisi Şəhər Məhkəməsi vəkillərin Saakaşvilinin səhhətinə görə möhlət və azadlığa buraxılması ilə bağlı vəsatətinə baxır - növbəti proses gələn həftəyə təyin edilib.

Vəkillər tez bir zamanda qərar qəbul etmək üçün prosesdə gündəlik dinləmələrə nail olmağa çalışırlar və işin beynəlxalq məhkəməyə verilməsi üçün sənədlər hazırlayırlar.

2004-2013-cü illərdə Gürcüstanın prezidenti olmuş Mixeil Saakaşvili oktyabrın 1-də qəflətən mühacirətdən Gürcüstana qayıtdıqdan bəri həbsxanadadır.

O bundan əvvəl vəzifə səlahiyyətlərini aşmaq ittihamı ilə qiyabi olaraq 6 il müddətinə azadlıqdan məhrum edilmişdi.

Hazırkı məhkəmə prosesində ona qarşı 2007-ci ilin noyabrında antihökumət mitinqinin zorakılıqla dağıdılması və sərhədin qanunsuz keçilməsi ittihamları araşdırılır.

Saakaşvili özünə qarşı bütün ittihamları rədd edir və onları “qondarma” adlandırır.

Həkimləri və tərəfdarları bildirirlər ki, Saakaşvili həbsdə olduğu müddətdə iki dəfə aclıq aksiyası keçirdikdən sonra səhhəti son dərəcə pisləşib.

Almaniyanlı müstəntiqlər Ukraynada törədilən müharibə cinayətlərini məhkəməyə çıxarır

Ukrayna, Buça, 2022

ABŞ-ın Müharibənin Tədqiqi İnstitutunun gündəlik hesabatında Rusiya qoşunlarının Ukraynanın şərqində-Kremennaya bölgəsində getdikcə daha intensiv hücum əməliyyatları apardığı bildirilir.

Məlumatda Kremennaya və Svatovo Ukrayna qüvvələrinin yaxınlaşdığı Luqansk vilayətində Rusiya müdafiəsinin dayaq nöqtələrindən olduğu və Rusiya qoşunlarının bu bölgədə təşəbbüsü ələ keçirməyə çalışdığı vurğulanır.

Ukrayna Silahlı Qüvvələrinin Baş Qərargahı Rusiya qoşunlarının qeyd olunan bölgədə, eləcə də digər istiqamətlərdə ağır itkilərlə irəlilədiyini, amma bu hücumların dəf edildiyini iddia edir.

Ukrayna prezidenti Volodimir Zelenski fevralın 3-də etdiyi çıxışında "...biz bacardığımız qədər mübarizə aparacağıq. Baxmutu öz qalamız hesab edirik" deyib.

Zelenski, Rusiyanın Donetskdə aylarla davam edən döyüşünün mərkəz nöqtəsi olan Baxmutla bağlı mesajını çatdırarkən, Avropa sanksiyalarının Rusiyanın hərbi potensialını bərpa edə bilməməsini təmin etməli olduğunu deyib.

“Silah təchizatı sürətləndirilərsə, xüsusən də uzaq mənzilli silahlar, biz nəinki Baxmutu tərk etməyəcəyik, həm də işğalçıları Donbasdan çıxarmağa başlayacağıq” Ukrayna prezidenti deyib.

Bu arada Almaniya Rusiyanın Ukraynadakı hərbi cinayətlərinə dair çoxlu sübutlar topladığını bildirib.

Almaniyanın baş prokuroru Peter Frank "Welt am Sonntag" qəzetinə müsahibəsində sübutların “üç rəqəmdir” olduğunu deyib.

Baş prokurorun sözlərinə görə, hazırda müstəntiqlərin diqqəti Rusiya hərbçilərinin Kiyevətrafı Buçada törətdiyi qırğınlara və Rusiyanın Ukraynanın mülki infrastrukturuna endirilən zərbələrin öyrənilməsinə yönəlib.

Buça sakini: Oğlumu əvvəlcə boynundan, sonra isə ürəyindən güllələyiblər
Gözlə

No media source currently available

0:00 0:03:00 0:00

Almaniyalı müstəntiqlər 2022-ci ilin martında mümkün müharibə cinayətlərinə dair sübutlar toplamağa başlayıb.

Baş prokuror Almaniyada ya xarici tərəfdaşlarla, ya da beynəlxalq məhkəmədə mümkün məhkəmə hazırlıqlarından danışıb.

Onun sözlərinə görə, Rusiya dövlətinin rəhbərləri və onların qərarlarını ən yüksək hərbi səviyyədə həyata keçirənlər məsuliyyətə cəlb edilməlidir.

Ötən il Rusiyanı tərk edənlərin sayının 1 milyona çatdığı bildirilir

Gürcüstan-Rusiya sərhəddində "Yuxarı Lars" keçid məntəqəsi, arxiv foto

Rusiyadan çox sayda insan axının Ukraynadakı müharibyə cəlb olunması üçün elan edilən kütləvi səfərbərliklə bağlı olduğu bildirilir

2022-ci ildə Rusiyadan Özbəkistana, Qırğızıstana, Tacikistana, Monqolıstana və Ermənistana son 5 ildə rekord həddə Rusiya vətəndaşı gedib.

Rusiya sərhəd xidmətinin açıqladığı rəqəmlərdən belə görünür.

Ölkəni tərk etmənin pik həddi ilin üçüncü rübünə təsadüf edir. Bu miqrasiyanın sentyabrda Rusiyada səfərbərlik elan edilməsi ilə bağlı ola biləcəyi ehtimal edilir.

Beləki həmin dövrdə hərbi xidmətdən yayınmaq istəyən bir çox Rusiya vətəndaşları ölkəni tərk etdiblər.

Statistika yalnız sərhəd keçidlərinin sayını nəzərə alır ki, bunun da tam mütləq mənzərəni əhatə etmədiyi bildirilir. Bildirilir ki, bura istirahət, iş və şəxsi məqsədlər üçün səfərlər edib sonra geri dönənlər də daxildir.

Bununla belə, “Novaya qazeta” ekspertlərin fikirlərinə istinad edərək ötən ilki mühacirət dalğasının 400-800 min nəfər təşkil etdiyini yazır. Bəzi mənbələr Rusiyanı tərk edənlərin 1 milyona qədər yüksəldiyini bildirir.

O da qeyd edilir ki, 2022 -ci ildə Rusiyadan çıxanların 100 mindən çoxu Gürcüstanda, elə bir o qədəri Qazaxıstanda qalıb. 50-100 min Serbiyaya, 40 minə yaxın Ermənistana . Təxminən 35 min Rusiya vətəndaşının İsrail, Avropa İttifaqı ölkələrinə getdiyi bildirilir.

Rusiya 2022-ci ilin fevralında Ukraynaya hücüm edib və müharibə hələ də davam edir.

update

Pakistanda məsciddə ölənlərin sayı 88-ə çatıb

Yaralılar daşınır

Pakistanda məsciddə intiharçının bomba partlatması nəticəsində ölənlərin sayı 88-ə çatıb, 160 nəfər yaralanıb.

Ölənlərin çoxu polis əməkdaşlarıdır.

BMT-nin Baş katibi Antonio Quterreş partlayışı “mənfur” adlandırıb.

+++

Pakistanda məsciddə törədilmiş partlayışda azı 47 nəfər öldürülüb, 150 nəfər yaralanıb.

Şahidlər Pişavər şəhərində məscidin içərisində intiharçının bomba partlatdığını deyirlər.

Hücumda yaralananların gətirildiyi Pişavər xəstəxanası sözçüsünün dediyinə görə hücumda ölənlərin əksəriyyə polislərdir.

Şahidlər bildirirlər ki, intiharçı məscidin içərisində imamın arxasındakı birinci cərgədə dayanıbmış.

Bu da xəbər verilir ki, onlarca yaralı yaxınlıqdakı xəstəxanalara aparılıb.

Ölü sayının daha da artacağı gözlənilır. Həkimlər yaralılardan 10-15 nəfərinin ağır olduğunu deyirlər.

Məsuliyyəti üzərinə Təhrike-Taliban Pakistan götürüb

Bu hücuma görə məsuliyyəti üzərinə Təhrike-Taliban Pakistan (TTP) kimi tanınan Pakistan Talibanı götürüb.

Bu radikal qruplaşma son 15 ildə Pakistanda qiyam qaldırıb.

Baş nazir Nəvaz Şərif bomba hücumunu pisləyib və deyib ki, hücumun arxasında dayananlara qarşı ən sərt tədbirlər görüləcək.

AzadlıqRadiosunun yerli müxbirləri deyirlər ki, bu məscidə əsasən idarələri yaxınlıqda olan polislər və hökumət nümayəndələri gəlirlər.

Xilasedicilər ikimərtəbəli binanın uçqunu altında mümkün sağ qalanların axtarışını davam etdirirlər.

Pişavər Pakistanın Xeybər Paxtunkva vilayətinin mərkəzi şəhəridir və Əfqanıstanla sərhəddə yerləşir.

***

Pakistanda məsciddə partlayışda azı 32 nəfər öldürülüb, 120 nəfər yaralanıb. Şahidlər Pişavər şəhərində məscidin içərisində intiharçının bomba partlatdığını deyirlər.

Reuters agentliyi partlayışda 142 nəfərin yaralandığını və bunlardan çoxunun kritik vəziyyətdə olduğunu xəbər verir.

Bu gün – yanvarın 30-da Pakistanın şimal-qərbi Pişavər şəhərində məsciddə partlayışda 17 nəfər həlak olub, 80 nəfər yaralanıb. Xəbəri AzadlıqRadiosunun “Maşal” xidmətinin müxbiri Azmat Ali Şah xəstəxanadan verir.

“Reuters” partlayışda 19 dindarın öldürüldüyünü, onlarla şəxsin yaralandığını bildirir.

Məscid polis binasının yaxınlığında yerləşir. Partlayış baş verəndə məsciddə 260 nəfərin olduğu deyilir.

“Moizə vaxtı baş verib. İkimərtəbəli bina dağılıb”, – partlayış vaxtı məscid yaxınlığında olduğunu deyən bir şahid yerli Geo TV xəbər kanalına danışıb.

Yerli xəstəxananın sözçüsü 19 nəfərin öldüyünü, azı 90 nəfərin yaralandığını, “xeyli adamın kritik vəziyyətdə olduğunu” söyləyib.

Polis dağıntılar altında qalanların olduğunu bildirir. Polis rəsmisi deyib ki, binanın bir hissəsi dağılıb və onun altında adamların qaldığı güman edilir.

Əfqanıstanda soyuqdan ən azı 166 nəfər həlak olub

Əfqanıstan, Kabil, 5 yanvar 2022

Yanvarın 28-də Əfqanıstan ərazisində havanın kəskin soyuması nəticəsində ən azı 166 nəfər həlak olub.

Məlumatlarda qeyd olunur ki, həmin gün güclü yağan qar, şaxtalı küləklə yanaşı havanın temperaturu -33 dərəcəyə düşüb. Bu da insan təlafatının çoxalmasına səbəb olub.

Yardım agentlikləri soyuq havadan əvvəl xəbərdarlıq ediblər ki, Əfqanıstanın 38 milyon əhalisinin yarısından çoxu aclıqla, dörd milyona yaxın uşaq isə qida çatışmazlığından əziyyət çəkir.

Taliban 20 illik fasilədən sonra 2021-ci il avqustun 15-də Əfqanıstanda hakimiyyəti yenidən ələ keçirib.

Hakimiyyətin ələ keçirilməsindən sonra 3 ay sonra Talibanın baş naziri dünya ölkələrinə, hümanitar yardım təşkilatlarına müraciət edək yardımlarını əsirgəməməyə çağırıb.

Ölkədə artan inflyasiya, işsizlik və onsuz da kövrək olan iqtisadi böhran yaşandığını deyən nazir müraciətində taqətdən düşmüş xalqa yardım olunmasını istəyib.

Rusiya Baxmuta hücumda ağır itki verən 'Vaqner'i nizami ordu ilə əvəz edə bilər

Soledar yaxınlığı

Müharibəni Öyrənmə İnstitutunun amerikalı analitikləri hesab edirlər ki, Rusiya ordusunun nizami bölmələri, döyüşlərdə tükənmiş "Vaqner" qüvvələrini Baxmuta qarşı hücumda əvəz edəcək.

Analitiklər bunu Rusiya Müdafiə Nazirliyi hesabatlarındakı Rusiya qoşunlarının bir neçə aydır Baxmut bölgəsində hava-desant qüvvələrinin hərəkətlərinin artması ilə bağlı məlumatlarla əsaslandırırlar.

Qeyd olunur ki, xüsusən Rusiya həbsxanalarından döyüşlərə cəlb edilən "Vaqner" muzdluları Baxmut ətrafında döyüşlərdə, xüsusən də onun yaxınlığındakı Soledar şəhərinin tutulması zamanı ağır itkilər veriblər.

Ukrayna Silahlı Qüvvələrinin Baş Qərargahı gündəlik hesabatında Baxmut və əlavə olaraq Donetskin cənub-qərbindəki Vuhledar şəhərinə edilən hücumların dəf edildiyi vurğulanır.

Bu arada Ukrayna Prezidenti Volodimir Zelenski Qərb ölkələrindən daha uzun mənzilli raketlər istəyir.

O, xüsusən də Amerikanın ATACMS raketlərinə ehtiyac olduğunu bildirir. Ukrayna prezidentinin sözlərinə görə, bu, Ukrayna şəhərlərini atəşə tutanda Rusiyanın özünü cəzasız hiss etməməsi üçün lazımdır.

Zelenski danışarkən şənbə günü Donbassda Konstantinovka şəhərinin atəşə tutulmasını, 3 nəfərin ölümü və 14 nəfərin yaralanması ilə nəticələnən atəşi göstərib.

Ukrayna Silahlı Qüvvələri Baş Qərargahının şənbə günü axşam saatlarında yaydığı məlumatında Baxmut, Avdeevka və Novopavlovka istiqamətlərini Donbassda gedən döyüşlərin ən amansız yerləri adlandırıb.

Rusiya ötən ilin fevralında Ukraynaya hücum edib. Müharibə hələ də davam etməkdədir.

Iranın Qərbi Azərbaycan əyalətində zəlzələ, ölənlər və xəsarət alanlar var

İran, Xoyda zəlzələdən sonra dağılan ev, 28 yanvar 2023

Ən azı 3 nəfərin öldüyü, 816 nəfərin yaralandığı bildirilir

İranın şimal-qərbində yerləşən Qərbi Azərbaycan əyalətində baş vermiş zəlzələ nəticəsində azı 3 nəfərin həlak olduğu, 816 nəfər xəsarət aldığı bildirilir.

Bu barədə İRNA agentliyi vilayətin qubernatoru Məhəmməd Sadiq Motamedyana istinadən məlumat yayıb.

Onun sözlərinə görə, 124 nəfər xəstəxanalara yerləşdirilib. Bundan əvvəl hakimiyyət iki şəhər və 70 kənddə yaşayış binalarının 20%-dən 50%-ə qədərinin zədələndiyini bildirib.

Yanvarın 28-də İranın şimal-qərbində 5,9 bal gücündə zəlzələ baş verib. İRNA-nın məlumatına görə, zəlzələ vilayətin bir çox bölgəsində hiss olunub.

Həmin gün İrannın bir sıra hərbi obyektlərinə dron hücumlarınn olduğu bildirilir. Rəsmi qurumlar hücumlarla bağlı məlumatları təsdiqləyirlər.

Çexiyadakı prezident seçkilərində istefada olan general qalib gəlib

Petr Pavel həyat yoldaşı ilə seçki məntəqəsinin qarşısında, Praqa, 27 yanvar 2023-cü il

Çexiyada prezident seçkilərinin ikinci turunda da səsverməni istefada olan general Petr Pavel qazanıb.

O, səslərin 58 faizdən çoxunu, rəqibi Andrey Babiş isə 42 faizdən az səs toplayıb.

Baş nazir Petr Fiala , eləcə də Çexiya ilə qonşu olan bəzi dövlətlərin, xüsusilə Slovakiya və Avstriyanın başçıları Petr Paveli qələbə münasibətilə təbrik ediblər.

Petr Pavel səlahiyyətlərinin icrasına martın əvvəlində başlayacaq.

O, Praqa qalasında Miloş Zemanı əvəz edəcək. Miloş Zeman uzun müddət Avropa İttifaqı ölkələrinin ən rusiyapərəst rəhbərlərindən biri hesab olunub. Lakin fevralın 24-dən sonra o Moskvaya münasibətdə mövqeyini kəskin şəkildə sərtləşdirib.

Petr Pavel karyeralı hərbçidir, Çexiya və keçmiş Sovet bloku ölkələrinin tarixində (2015-2018-ci illərdə) NATO Hərbi Komitəsinin ilk rəhbəri olub.

Beş il Çexiya Ordusunun Baş Qərargah rəisi olan Pavel Rusiyanın Ukraynaya hücumuna qarşı sərt mövqe tutur.

Ölkəsinin qərbyönlü oriyentasiyasını müdafiə edir, eyni zamanda vətənpərvərlik hisslərinə səsləyir. Onu əsasən sağ, mühafizəkar və liberal baxışların tərəfdarları dəstəkləyir.

Andrey Babiş keçmiş baş nazir, hazırda ən böyük müxalifət partiyası olan ANO-nun lideri və keçmiş milyarder sahibkar, "Agrofert" holdinqinin rəhbəridir.

Onun seçicilərinin əsasını pensiyaçılar və aztəminatlı insanlar təşkil edir.

Səsvermənin birinci turunda rəqiblər təxminən bərabər sayda səs toplasalar da seçicilərin yarısından çoxunu qazana bilməmişdilər.

Parlamentli respublika olan Çexiyada dövlət başçısının səlahiyyətləri çox da böyük deyil.

Petr Pavel 1993-cü ildə Çexoslovakiyanın bölünməsindən sonra Çexiyanın dördüncü prezidenti olacaq. Onun sələfləri keçmiş dissident və dramaturq Vatslav Havel (1993-2003), iqtisadiyyat professoru və keçmiş baş nazir Vatslav Klaus (2003-2013) və digər keçmiş baş nazir Miloş Zeman (2013-2023) idi.

2013-cü ilə qədər ölkədə prezidenti parlament seçib, həmin dövrdən bəri birbaşa seçkilər tətbiq olunur.

İranın hərbi obyektlərinə dron hücumları olub

İsfahan şəhərindəki hərbi zavodda partlayış

İran Müdafiə Nazirliyi itki olmadığını, hərbi zavoda ciddi ziyan dəymədiyini bildirir

Şənbədən bazara keçən gecə İranın İsfahan şəhərindəki hərbi zavod pilotsuz uçuş aparatlarının (PUA) hücumuna məruz qalıb.

İran Müdafiə Nazirliyinin məlumatına görə, PUA-lar hava hücumundan müdafiə sistemləri ilə vurulub, itki yoxdur və zavoda da ciddi ziyan dəyməyib.

İran hakimiyyəti pilotsuz təyyarələrin hansı ölkəyə aid olması ilə bağlı hələki bir məlumat vermir.

İran mediası ölkənin paytaxtı Tehranda, Təbriz və Dezful şəhərlərində - strateji obyektlərdə və neft emalı zavodlarında partlayışlar və yanğınlar olması barədə məlumatlar verir.

İyul ayında İran İsfahanda hərbi kompleksi partlatmaq niyyətində olduğu iddia edilən bir qrup kürd diversantın həbs olunduğunu elan edib. Onlar İsrailə işləməkdə ittiham olunublar.

Laçın dəhlizindən danışan Donfrid Tehranın bölgədə fəallığına diqqət çəkib

Karen Donfrid, arxiv foto

Laçın dəhlizi ətrafındakı vəziyyət Ermənistan və Azərbaycan arasında sülh prosesinin irəliləməsinə əngəl törədir.

Bunu ABŞ dövlət katibinin Avropa və Avrasiya məsələləri üzrə müavini Karen Donfrid “Amerikanın səsi”nin erməni xidmətinə müsahibəsində deyib.

Dəhlizin yenidən açılması üçün Vaşinqtonun fəal işlədiyini bildirən Donfrid dövlət katibi Entoni Blinkenin Azərbaycan və Ermənistan liderləri arasında son telefon danışıqlarını xatırlayıb.

“Dövlət katibi dəhlizin dərhal yenidən açılmasına çağırıb və maneəsiz ticarət və şəxsi nəqliyyatın vacibliyini vurğulayıb. Biz Dağlıq Qarabağda yerli erməni əhalisinin vəziyyətindən çox narahatıq. Biz bu vəziyyəti diqqətdə saxlamağa və təzyiq göstərməyə davam edəcəyik”, - Donfrid bildirib.

Regiondakı vəziyyətdən danışan ABŞ dövlət katibinin müavini “Moskva və Tehranın fəallığını” toxunub.

"Amerikanın səsi" erməni xidmətinin yazdığına görə, Karen Donfrid deyib ki, Dağlıq Qarabağda yerləşdirilən qondarma rus sülhməramlıları konstruktiv rol oynamır və İran Cənubi Qafqazda siyasi, təhlükəsizlik və iqtisadi rolunu fəal şəkildə genişləndirməyə çalışır.

Dofridin sözlərinə görə, müxtəlif çətin məsələlərin, o cümlədən sərhədlərin demarkasiyası, sülh sazişi, ölkələr arasında nəqliyyat dəhlizinin bərpası məsələsi də daxil olmaqla Azərbaycan-Ermənistan danışıqlar prosesi dövlət katibinin gündəliyində duran məsələlərdən biridir.

“Biz sülhə nail olmaq üçün qəbul edilməli olan çətin qərarların İrəvanda və Bakıda qəbul edilməli olduğunu anlayaraq hər cür kömək etməyə hazırıq”, - ABŞ dövlət katibinin Avropa və Avrasiya məsələləri üzrə müavini deyib.

Xatırlatma

Ötən ilin dekabrın 12-dən Şuşa şəhəri yaxınlığında Laçın-Xankəndi yoluna toplaşıb özlərini eko-fəallar kimi təqdim edən Azərbaycan vətəndaşları növbəli aksiya keçirirlər.

Etirazçıların sözlərinə görə onlar yolu bağlamayıblar, humanitar və təcili tibbi yardım maşınlarının keçməsinə imkan yaradırlar.

Onlar Qarabağdakı qızıl və mis yataqlarında monitorinq keçirilməsini tələb edirdilər.

Ermənistan tərəfi isə Azərbaycanı bu aksiyanın arxasında durmaqda, Qarabağ ermənilərini blokadaya almaqda və "humanitar böhran" yaratmaqda ittiham edir.

2020-ci ildə 44 günlük İkinci Qarabağ Müharibəsi nəticəsində Azərbaycan Qarabağın bir hissəsinə və ətraf 7 rayona nəzarəti bərpa etmişdi.

Həmin il Azərbaycan, Ermənistan və Rusiya rəhbərliyinin imzladığı birgə bəyanatla döyüşlər dayandırılandan sonra Laçın dəhlizində və Qarabağdakı təmas xəttində Rusiya sülhməramlıları yerləşdirilib.

1988-ci ildə başlayan Qarabağ münaqişəsi Azərbaycan və Ermənistan arasında döyüşlərə səbəb olmuşdu.

1994-cü ildə gerçəkləşən atəşkəs razılaşmasına qədər Azərbaycanın Dağlıq Qarabağ bölgəsi və ona bitişik 7 rayonu işğal edilmişdi.

Ermənistan qadınların könüllü hərbi xidmət institutunu yaradır

Ukrayna, arxiv foto

Paşinyan ötən illərlə müqayisədə orduya ayrılan vəsaitin də 2023-də iki dəfə artırıldığını vurğulayıb

Ermənistan hökuməti qadınların orduda iştirakını hədəfləyən tamamilə yeni könüllü hərbi xidmət institutunun yaradılmasını planlaşdırır.

Bu fikirləri yanvarın 28-də ölkə ordusunun yaranma günü ilə bağlı etdiyi müraciətində Ermənistanın baş naziri Nikol Paşinyan qeyd edib.

O, ordunun profesionallığı üçün hökumətin genişmiqyaslı addımlar atdığını vurğulayıb.

Orduda başlanan islahatlara toxuna baş nazir bundan başqa indiyə qədər ehtiyatda olan hərbçilərlə bağlı üçaylıq yığımların da 25 günə endirilməsi ilə bağlı proseslərin getdiyini bildirib.

O ordunun müasir silahlarla təchiz olunması ilə bağlı addımların da atıldığını qeyd edib.

"Ordumuzu müasir silah və texnika ilə təchiz etmək üçün tədbirlər görürük, imkan daxilində yerli istehsalçıları həvəsləndirməyə çalışırıq."-Paşinyan bildirib.

Ermənistan peşəkar ordu yaradır, əsgərlərə ayda 1000 dollar və ev vəd edir
Gözlə

No media source currently available

0:00 0:03:55 0:00

Paşinyan fikirlərinə 2023-cü il üçün müdafiə büdcəsinin 2018-ci illə müqayisədə 2 dəfədən çox artırıldığını da əlavə edib.

Ordu islahatlarının elə də rəvan getmədiyi deyən Paşynyana görə, qeyri-sabit təhlükəsizlik mühiti özü ilə bəzən kobud qanun pozuntularına səbəb olan yeni hallar da gətirir.

Rusiya neft məhsullarına qiymət həddi bu gündən qüvvəyə minir

Neft mancanağı, arxiv foto

G7 ölkələri, Avropa İttifaqı və Avstraliya Rusiya neft məhsulları üçün qiymət həddi ilə bağlı razılığa gəliblər. Qiymət həddi fevralın 5-də qüvvəyə minəcək.

Birinci qiymət həddi xam neftin bir barrelinə 100 dollar (dizel yanacağı, benzin), ikinci qiymət həddi endirimlə satılan neft məhsullarına (mazut) 45 dollar müəyyən edilib.

Rusiya neft məhsullarına yuxarı qiymət həddinin tətbiq olunması Ukraynada müharibə aparan Moskvanın gəlirlərinin azaldılmasına hesablanıb.

***

Yeddilik ölkələri (G7 )Avropa İttifaqına Rusiya neft məhsullarının bir barrelinə son qiymət hədinin 110 dollar müəyyən edilməsi ilə bağlı təklif veriblər.

(G7-yə daxil olan ölkələr ABŞ, Böyük Britaniya, Almaniya, İtaliya, Kanada, Fransa, Yaponiya)

G7 rəsmi nümayəndəsinə istinadla Bloomberq yekun qiymət həddinin 100 dollar götürüləcəyini yazır.

Rusiyanın Ukraynaya hərbi təcavüzünə cavab olaraq tətbiq edilən sanksiyalar çərçivəsində 2023-cü il fevralın 5-dən Rusiya neft məhsulları üçün dünyada iki qiymət həddi fəaliyyətə başlayacaq.

Bunlardan biri, xam neftlə müqayisədə yüksək qiymətə satılan neft məhsulları (dizel yanacağı, benzin), digəri isə adətən endirimlə satılan məhsullar (mazut) üçündür.

Avropa Komissiyası birincini bir barel üçün 100 dollar, ikincini isə 45 dollar səviyyəsində təyin etməyi planlaşdırır.

Qiymət həddi o deməkdir ki, G7 ölkələri və Avropa İttifaqı Rusiya neft məhsulları ilə bağlı sığorta və maliyyə xidmətlərini yalnız təyin olunan hədd qiymətinə və ya ondan aşağı qiymətə alındıqda təmin edəcək.

2022-ci ilin dekabrında dəniz yolu ilə ixrac edilən Rusiya nefti üçün qiymət həddi 60 dollar/barel səviyyəsində qüvvəyə minib.

Buna cavab olaraq Rusiya prezidenti Vladimir Putin Rusiya neftinin və neft məhsullarının qiymət həddinə razılaşan ölkələrə satışını qadağan edib.

Neft məhsullarına tətbiq edilən qiymət həddi Ukraynaya hərbi təcavüz edən Rusiyanın müharibəni davam etdirməyə lazım olan resurslarının azldılmasına hesablanıb.

Qiymət həddinin müəyyən olunması həm də tədarükün kəsilməsinin və dünya qiymətlərinin sürətlə artmasının qarşısını almağa yönəlib.

Yerusəlimdə yenidən adamlara atəş açılıb, azı iki nəfər yaralanıb

Atışma baş verən yerin yaxınlığı

Atəş açan 13 yaşlı yeniyetmə saxlanılıb, bir gün əvvəl 7 nəfərin ölümünə səbəb olan 21 yaşlı silahlı isə polislə atışmada öldürülüb

Yanvarın 28-i Yerusəlimdə açılan atəş nəticəsində iki nəfər yaralanıb. Onlardan birinin vəziyyəti ağır, digərinin isə orta ağır qiymətləndirilir.

Təcili yardım xidmətinin könüllüləri olan zərəçəkənlər 59 və 23 yaşlı ata-oğuldur.

Atışma İr-David ərazisində baş verib. Bu, Məbəd dağının cənubundakı dar dağ silsiləsində yerləşən Yerusəlimin ən qədim məhəlləsidir. Hücumçu "Aderet" yəhudi evinin girişinin yaxınlığında atəş açıb.

Son məlumatlara görə, atəş açan 13 yaşlı yeniyetmə saxlanılıb. Polis hadisəni terror aktı adlandırıb.

Yanvarın 27-də də Xolokostu anma günü Yerusəlimdə naməlum şəxs sinaqoqa gələnlərə atəş açıb. Atışma nəticəsində azı 7 nəfərin həlak olduğu, biri 15 yaşlı yeniyetmə olmaqla üç nəfərin də yaralandığı bildirilir.

Yerusəlimdə əsasən fələstinlilərin yaşadığı məhəllənin 21 yaşlı sakini olan hücumçu polislə atışmada öldürülüb.

Ehtimallara görə, o, Həmas qruplaşmasına yaxın olub. Polis onun tək hərəkət etdiyini deyib.

Polis komissarı Yakov Şabtayın dediyinə görə, hücumçu əvvəlcə "yolunda olan hər kəsə atəş açmağa başlayıb. O, maşınına minərək yaxın məsafədən tapança ilə öldürməyə başlayıb". Şabtai hadisəni "son illərin ən dəhşətli terror aktlarından biri" adlandırıb.

İsrail yaşayış məntəqələrinin atəşə tutulmasına cavab olaraq yanvarın 27-nə keçən gecə İsrail ordusu Qəzza zolağına raket zərbələri endirib.

Ehtimal olunur ki, bu həmin raket zərbələrinə bölgənin ərəb əhalisinin qisası ola bilər.

İsrail ordusu, sərhəd polisi və ümumi təhlükəsizlik qüvvələrinin İordan çayının qərb sahilindəki Cenin şəhərindəki qaçqın düşərgəsində apardığı reydlərdən sonra tərəflər bir-birinə raket zərbələri endiriblər.

İsrail tərəfi bildirir ki, reyd İsrailə qarşı hücumlar planlaşdıran “İslami Cihad” radikal qruplaşmasının üzvlərinə qarşı olub.

Fələstin Administrasiyasının məlumatına görə, həmin vaxt atəş nəticəsində azı bir nəfər mülki şəxs olmaqla 11 nəfər ölüb.

Münaqişənin kəskinləşməsi ABŞ dövlət katibi Entoni Blinkenin Yaxın Şərqə turnesinin başlanması fonunda baş verir. Dövlət Departamentinin rəhbəri Misir, İsrail və İordan çayının qərb sahilinə səfər etməyi planlaşdırır.

ABŞ-da polisinlərin bir gənci ölümcül döyməsinin videosu yayılıb

Tayr Nikols

ABŞ-da polislərin bir gəncin ölümünə səbəb olan hərəkətlərini əks etdirən videonun yayılmasından sonra minlərlə amerikalı zorakılığa etiraz olaraq küçələrə çıxıb.

Məlumata görə, Tennessi ştatının Memfis şəhərində polislər ehtiyatsız avtomobil idarəetmə ittihamı ilə saxladıqları 29 yaşlı Tayr Nikolsu ölənə qədər döyüblər.

Qətldə ittiham olunan beş polisin artıq işdən uzaqlaşdırıldığı bildirilir.

Məlumatda vurğulanır ki, polislər 29 yaşlı qaradərili Nikolsu yanvarın əvvəlində “ehtiyatsız idarəetmə”ya görə saxlayıblar. Amma sonra polis departamentinin rəisi "ehtiyatsız idarəetmə"nin olmadığını bildirib.

Memfis polisi Nikolsun ölümü ilə bağlı ümumilikdə dörd video yayıb. Həmin videolarda polislərin Nikolsun bədəninə o cümlədən başına dəyənək, yumruq və təpiklə necə vurduğu görünür.

Asfalta uzanmış Nikolas həmin vaxt anasını çağırır. Videoda əlləri qandallı olan gəncin təhlükə yaratmadığı halda başına polislərin iki dəfə təpiklə vurduğu görünür. Polislərdən heç biri Nikolasa yardım üçün cəhd etmir.

O da qeyd olunur ki, Nikols ağır xəsərətlər yetirilməsindən yarım saat sonra xəstəxanaya çatdırılıb və üç gün sonra vəfat edib. Ailə vəkilinin verdiyi məlumata görə, Nikolas qanaxmadan ölüb.

Nikolsun qətli ilə bağlı videoların yayılmasından sonra minlərlə amerikalı polis zorakılığına etiraz etmək üçün küçələrə axışıb. Növbəti genişmiqyaslı aksiyaların Memfis, Vaşinqton, Nyu-York da daxil olmaqla ABŞ-ın digər böyük şəhərində keçirilməsi planlaşdırılır.

Ötən il jurnalist ölümləri 50% artıb

Belaruslu jurnalist Ales Minau Ukraynada

2022-ci ildə dünyada jurnalist qətlləri bir il öncəylə müqayisədə 50% artıb. Buna əsasən Ukrayna, Meksika və Haitidə jurnalist qətlləri təkan verib.

Nyu Yorkda yerləşən Jurnalistləri Müdafiə Komitəsi (CPJ) yanvarın 24-də yaydığı hesabatda qeyd edir ki, 2022-ci ildə dünyada azı 67 xəbər mediası işçisi öldürülüb. Bu isə 2018-ci ildən bəri ən yüksək rəqəmdir.

Adıçəkilən üç ölkədə jurnalistlər deyirlər ki, getdikcə artan təhlükə onları aşırı stress altında işləməyə vadar edir.

Ötən il təkcə Haitidə 7 jurnalist öldürülüb ki, bu da 12 milyon adamın yaşadığı kiçik ada ölkəsi üçün böyük saydır. Onların bəzilərini zorakı küçə bandaları, azı ikisini isə polis güllələyib.

CPJ-nin məlumatına görə, 67 qətlin 35-i cəmi üç ölkədə – Ukrayna, Meksika və Haitidə baş verib. Meksikada 13 media işçisi öldürülüb. Digər media qrupları bu sayın 15 olduğunu deyirlər.

Rusiyanın hərbi hücumuna məruz qalmış Ukraynada isə ötən il 15 media işçisi qətlə yetirilib. Qurum Ukraynada müharibəni işıqlandıran jurnalistlərin “nəhəng risklə üzləşdiyini” qeyd edir.

CPJ 46 jurnalistin “birbaşa işləri ilə əlaqədar” öldürüldüyünü təsdiqləyib, 26 qətlin motivinin isə araşdırıldığını bildirib.

Qərb şirkətlərinin əslində neçə faizi Rusiyadan gedib

Arxiv fotosu

Qərb şirkətlərinin 9 faizindən də Rusiya Ukraynaya hücuma başlayandan bu ölkədən gedib. Bunu İsveçrədəki St Gallen Universitetinin və Beynəlxalq Menecment İnkişafı İnstitutunun araşdırması üzə çıxarıb.

Simon EventNikol Pisani deyir ki, onların araşdırması “Avropa İttifaqı və G7-nin (Böyük Yeddilik) Rusiyadan çox məhdud şəkildə çəkildiyini” ortaya qoyub. Bu isə “nəhəng sayda Qərb firmalarının bazarı tərk etməsi haqda deyilənlərin əksini göstərir”, – onlar vurğulayıblar.

2022-ci ilin fevralında Aİ və G7-dən 1404 şirkətin Rusiyada ümumilikdə 2 min 405 filialı olub. Ötən noyabradək onların cəmi 8.5 faizi Rusiyaya investisiyanı dayandırdığını açıqlayıb. Ötən ilin dördüncü rübündə Rusiyadan kapitalın çıxarılması göstəricilərində “cüzi dəyişiklik” qeydə alınıb, tədqiqatçılar belə deyirlər.

Moskva ötən il fevralın sonunda Ukraynaya qarşı tammiqyaslı müharibəyə başlayandan sonra bir sıra tanınmış brendlər Rusiyada fəaliyyəti dayandırdıqlarını bildiriblər.

Polşa Ukraynaya tank tədarükü üçün 'kiçik koalisiya' yarada bilər

Polşa, "Leopard 2" tankları ilə təlimlər, 24 mart 2014

Polşanın baş naziri Mateuş Moravetski yanvarın 22-də bəyan edib ki, əgər Almaniya hökuməti “Leopard-2” tanklarının Ukraynaya göndərilməsinə qərar verməsə, Varşava öz arsenallarından Kiyevi “müasir texnika” və “müasir tanklar”la təmin edəcək ölkələrdən “kiçik koalisiya” yaradacaq.

Polşanın PAP xəbər agentliyinə müsahibəsində baş nazir Almaniyanın tank tədarükü məsələsində mövqeyini tənqid edib.

"Almaniyanın mövqeyi qəbuledilməzdir. Müharibənin başlanmasından demək olar ki, bir il keçir. Günahsız insanlar hər gün ölür", - Morawiecki deyib.

Berlin hələ ki, özündə və digər ölkələrdə olan "Leopard" tanklarının Ukraynaya verilməsi ilə bağlı qərar qəbul etməyib.

Bir gün əvvəl Estoniya, Latviya və Litvanın xarici işlər nazirləri Almaniya hakimiyyətini Ukraynanı dərhal “Leopard” tankları ilə təmin etməyə çağırıblar.

“Bu, Rusiyanın təcavüzünü dayandırmaq, Ukraynaya kömək etmək və Avropada sülhü tez bir zamanda bərpa etmək üçün lazımdır”, - onlar tvitter hesabında yazıblar.

Bu günlərdə Kiyevin müttəfiqləri Ukrayna Silahlı Qüvvələrinə Qərb tanklarının tədarükü ilə bağlı Almaniyanın Ramşteyn aviabazasında görüşüb müzakirə aparsalar da razılıq əldə olunmayıb.

Almaniyanın müdafiə naziri Boris Pistorius cümə günü bildirib ki, Berlin "Leopard"larla bağlı hələ qərar qəbul etməyib.

Bazar günü Avropa İttifaqının xarici işlər naziri Josep Borrell, əsasən Almaniyanın mövqeyinə görə Ukraynaya tankların tədarükü ilə bağlı siyasi qərarın hələ verilmədiyini təsdiqləyib.

"El Diario"-ya verdiyi müsahibədə Borrell şəxsən tank tədarükünün tərəfdarı olduğunu bildirib.

Daha əvvəl Ukraynaya az sayda öz tanklarının təhvil verildiyini açıqlayan Britaniya Xarici İşlər Nazirliyinin rəhbəri Ceyms Kleverli bildirib ki, Ukrayna Silahlı Qüvvələri "Leopard"ları əldə edərsə London buna şad olacaq.

Qərb dövlətlərinin Ukraynaya silah tədarükünün artması ilə əlaqədar son günlər Rusiyanın yüksək rütbəli nümayəndələri kütləvi qırğın silahlarından istifadə ilə bağlı təhdidlər edirlər.

Los-Anceles yaxınlığında naməlum şəxs atəş açaraq ən azı 9 nəfəri öldürüb

Kaliforniya, hadisə yeri

Hadisəni törədənin kimliyi, tutulun-tutulmadığı və əbəbləri barədə hələki hər hansı məlumat yoxdur

ABŞ-ın Kaliforniya ştatının Monterey Park şəhərində şənbədən bazara keçən gecə silahlı şəxs atəş açıb.

Polisin verdiyi məlumata görə, hadisə nəticəsində 9 nəfər həlak olub. Atəş açanın kimliyi və həbs edilib-edilmədiyi hələlik məlum deyil.

Hadisə Çin təqviminə görə Yeni ilin gəlişinin qeyd edildiyi vaxta təsadüf edib, bu zaman parkda və küçələrdə çox adam olub.

Monterey Park Los-Ancelesin ətrafıdır. Qeyd olunur ki, şəhər əhalisinin yarıdan çoxu Çin və Cənub-Şərqi Asiyadan gələnlərdir.

Bir neçə gün davam edən Çin Yeni ili şənliyinin ənənəvi hissəsi atəşfəşanlıqdır. Hadisə şahidlərinin sözlərinə görə,buna görə də atəş səslərini fişənglərin səsindən dərhal ayıra bilməyiblər.

Rusiya Dumasının rəhbəri Qərb ölkələrini hədələyib

Vyaçeslav Volodin, arxiv foto

Rusiya Dövlət Dumasının sədri Vyaçeslav Volodin Ukraynaya hərbi yardım edən Qərb ölkələrini hədələyib.

Bazar günü teleqram kanalındakı paylaşımında o yazıb ki, Kiyevə hücum silahlarının çatdırılması qlobal fəlakətə gətirib çıxaracaq.

"Əgər Vaşinqton və NATO ölkələri təhdid etdikləri kimi mülki şəhərlərə zərbələr endirmək və ərazilərimizi ələ keçirməyə cəhd etmək üçün istifadə olunacaq silahları tədarük etsələr, bu, daha güclü silahlardan istifadə etməklə cavab tədbirlərinə səbəb olacaq"-Rusiya Dövlət Dumasının sədri yazıb.

Vaşinqton və Brüsseli öz qərarları ilə dünyanı dəhşətli müharibəyə sürüklədiyini vurğulayan Volodin bildirir ki, bu ölkələr bəşəriyyət qarşısında məsuliyyətlərini dərk etməlidirlər.

Buna oxşar fikirləri əvvəllər Rusiyanın digər rəsmiləri də səsləndiriblər. Həmin çıxışlarda qeyd olunub ki, Ukrayna ordusunun mümkün hücumları Rusiyanın ərazi bütövlüyünü və mövcudluğunu təhlükə altına sala bilər.

Ərazi bütövlüyünə təhlükədən danışan Rusiya rəsmiləri Kremlin mövqeyinə uyğun olaraq, Ukraynanın dörd vilayətinin və Krımın ilhaq edilmiş ərazilərini Rusiya ərazisi hesab edirlər.

Rusiyanın nüvə doktrinasında belə bir təhlükə nüvə silahından istifadənin səbəblərindən biridir.

Rusiya liderləri əvvəllər mümkün təhlükələrdən danışsalar da ilk dəfədir ki, kütləvi qırğın silahlarının mümkün istifadəsini bu qədər açıq şəkildə Ukraynaya silah tədarükü ilə əlaqələndirirlər.

ABŞ və müttəfiqləri Ukraynaya qarşı nüvə silahından istifadənin yolverilməzliyi ilə bağlı Rusiyaya dəfələrlə xəbərdarlıq ediblər.

Təhlilçilərin fikirincə, Rusiya nümayəndələrinin son bəyanatlarından belə nəticə çıxır ki, Moskva bundan təkcə Ukraynaya qarşı deyil, həm də Qərb ölkələrinin özlərinə qarşı istifadə imkanlarını nəzərdən keçirir.

Hələlik son bəyanatlara Qərbdən heç bir reaksiya verilməyib.

Rusiya ötən ilin fevralıda Ukraynaya hücum edib və bu təcavüz hələ də davam edir.

ISW: Moskvada HHM sistemlərinin qurulması əhalini uzunmüddətli müharibəyə hazırlamağa hesablana bilər

Rusiya Müdafiə Nazirliyinin binası üzərində "Pantsir" sistemi

Amerika Müharibənin Öyrənilməsi İnstitutu (ISW) Moskvada müxtəlif məkanlarda və hətta binaların üzərində hava hücumundan müdafiə sistemlərinin yerləşdirilməsini Ukraynadan hücum təhlükəsi ilə bağlı olmadığını düşünür.

İnstitut hesab edir ki, çox güman ki, bu, şou oyunudur, onun köməyi ilə Kreml vətəndaşları uzun sürən müharibəyə hazırlayır.

ISW ekspertləri hesab edirlər ki, Moskva hansısa zərbə endiriləcəyinə inanmır, sadəcə bu silahlar Ukrayna müharibəsinin yaratdığı təhlükəni əhaliyə çatdırmağa hesablanmış yüksək profilli görüntülər yaymaq üçün qurulub.

Hesabatda o da vurğulanır ki, Moskva bununla "Böyük Vətən Müharibəsi" ilə paralellər aparmaqla Ukraynanı Rusiya üçün real təhlükə yaradan ölkə kimi təqdim etmək niyyətini nümayiş etdirə bilər .

ISW-yə görə, ola bilsin ki, bu yolla Kreml əhali arasında müharibə tərəfdarlarının sayını artırmaq və onları gələcək səfərbərliyə hazırlamaq istəyir.

"Bloomberg" agentliyi yazır ki, bu Moskvanın Ukrayna pilotsuz aparatlarının hücumundan qorxduğunu da göstərə bilər.

Beləki agentliyə danışanlar bu qərarın Ryazan və Saratov yaxınlığındakı hərbi aerodromlara pilotsuz təyyarələrin hücumundan sonra verildiyini bildiriblər.

Rusiya hərbçilərinin Moskvanın mərkəzində, Putinin Novo-Oqaryovodakı iqamətgahının yaxınlığındakı binaların damlarında zenit-raket komplekslərinin quruaşdırıldığını göstərən foto və videolar bir neçə gün əvvəl Rusiyadakı sosial şəbəkələrdə paylaşılıb.

Həmin məlumatlarda bildirilir ki, "Pantsir S-1" Rusiya Müdafiə Nazirliyinin əsas binasının vertolyot meydançasında quraşdırılıb. Bundan əvvəl Moskvanın kənarında yeni S-400 hava hücumundan müdafiə sistemləri görünüb.

Hələki Rusiya rəsmiləri məsələyə şərh vermirlər. Dövlət Dumasının Müdafiə Komitəsi isə görüntülərin saxta olduğunu bildirib.

Davamı

XS
SM
MD
LG