Keçid linkləri

2024, 19 Mart, çərşənbə axşamı, Bakı vaxtı 13:10

Zoologiya İnstitutu ANS-ə görə prokurorluğa müraciət edib


ANS şirkəti yerləşən Zoologiya institutunun binası
ANS şirkəti yerləşən Zoologiya institutunun binası

“ANS-lə durum gərgin və arzuolunmazdır. Qarşı tərəf faktları düzgün ifadə etmir”.

Bunu “Turan” Agentliyinə Zoologiya İnstitutunun direktoru Elman Yusifov bildirib.

O, deyib ki, ANS Zoologiya İnstitutunun yerləşdiyi binada 3000 kvadrat metr qeyri-yaşayış sahəsini tutub.

Buna da bax:​ ANS-in şikayəti yenə təmin olunmadı

Elman Yusifov
Elman Yusifov

“ANS-in Dövlət Əmlak Komitəsi ilə bağladığı icarə müqaviləsi 2016-cı il oktyabrın 1-dən qüvvədən düşüb. Bu sahənin 1000 kvadratmetrinin qapıları istintaq orqanı tərəfindən möhürlənib və polis nəzarətindədir. Qalan 2000 kvadrat metr ərazidən isə ANS əmlakını çıxarmır. Əvvəllər ANS rəhbərliyi telefona cavab verirdi və əmlaklarını çıxaracaqlarını bildirirdi. Son vaxtlar telefonlarına ümumiyyətlə cavab vermirlər. Belə olan halda biz əmlakın binadan çıxarılmasına kömək etmələri üçün Baş Prokurorluğa müraciət etdik. ANS Baş Prokurorluğa bildirir ki, guya biz onları binaya buraxmırıq. Bu, həqiqətə uyğun deyil”, – deyə o söyləyib.

O, ümid etdiyini bildirib ki, ANS əmlakını götürüb, icarə və kommunal xərclərini ödəyəcək.

Buna da bax:​ ANS serial məsələsində də Teleradio Şurasına uduzdu

ANS təmsilçilərindən Zoologiya İnstitutunun direktorunun dediklərinə, hələlik, münasibət almaq mümkün olmayıb. Ancaq bundan əvvəl onlar bəyanat verərək zəngin arxiv materiallarına təhlükə yarandığını açıqlamışdılar. Ölkə rəhbərliyinə müraciət edən şirkət təmsilçiləri ölkənin birinci özəl kanalına dayaq durmağı xahiş edirdilər.

XATIRLATMA

Milli Televiziya və Radio Şurası (MTRŞ) Türkiyədə ötən il iyulunun 15-də dövlət çevrilişinə cəhddən sonra ANS-in efirində həmin hadisələrdə adı hallanan Fethullah Gülen-in müdafiəsinə yönəlik, terrora çağırış xarakterli materialların yayımlandığını iddia etmişdi. Həmin ayın 18-i saat 18:30-dan etibarən bu kanalın yayımını dayandırmışdı.

Buna da bax:​ Mirşahin: ''Donuzdan bir tük də qənimətdir' prinsipi ilə yanaşırlarsa...'

Şura daha sonra ANS-ə 2013-cü ildə verilmiş lisenziyanın ləğvindən ötrü məhkəməyə müraciət etmişdi. Məhkəmə də iddianı təmin edib. Üstəlik, Ali Məhkəmə də bu qərarı qüvvədə saxlayıb.

ANS rəhbərliyi həmin qərardan Avropa İnsan Hüquqları Məhkəməsinə şikayət edib.

Teleradio Şurası «ANS-ÇM» radiosunun da lisenziyasını ləğv edib.

Buna da bax:​ ANS: ‘Cənab Prezident, narahatıq ki, sizə narahatlıq gətirmişik!’

ANS rəhbərliyi hesab edir ki, telekanalda terrorçuluğun təbliği barədə iddiaların heç bir əsası yoxdur.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG