Keçid linkləri

2017, 22 Oktyabr, bazar, Bakı vaxtı 18:03

Türkmənistan Asiya Oyunlarına hazırlaşır


Türkmənistan, Aşqabad

Türkmənistan sentyabrda Qapalı Məkanda Asiya Oyunlarına gəlməyi planlaşdıran əcnəbilərə xatırladıb ki, ölkədə onları daim yerli bələdçilər müşayiət etməlidir və özlərinə indidən bələdçi tutmalıdırlar.

Türkmən rəsmiləri Döyüş Növləri və Qapalı Məkanlarda keçirilən Asiya Oyunlarına (AIMAG) on minlərlə xarici ziyarətçinin gələcəyini gözləyirlər. Adətən qapalı olan bu ölkə sentyabrda qapılarını xarici vətəndaşların üzünə açacaq.

Buna da bax:​ Türkmənistanın da öz 'ağ fillər'i var

BÜTÜN XƏRCLƏRİ TURİSTLƏR ÖDƏYİR

Ancaq Aşqabad xəbərdarlıq edir ki, xarici vətəndaşlar özlərinə yerli bələdçilər tutmalı və onlardan çox uzaqda qalmamalıdırlar.

“Türkmənistanda səyahət edərkən turistləri daim tur bələdçiləri müşayiət etməlidirlər", – deyə AIMAG-ın rəsmi internet səhifəsində qeyd edilir. Əlavə olunur ki, “Bütün xərclər turist tərəfindən ödənilir".

Bu qapalı Orta Asiya ölkəsinə gələn əcnəbi turistlərə özlərinə bələdçi tutmaq tələbi yeni deyil. Bu praktika həmişə olub. Ancaq görünür, ilk dəfədir ki, Türkmənistanın rəsmi saytı bu tələbi açıq bəyan edir.

Buna da bax:​ Prezident Olimpiya Kəndinə pul yığa bilməyən baş prokuroru işdən qovdu (VİDEO)

Türkmənistan. Aşqabad. Turistlər
Türkmənistan. Aşqabad. Turistlər

Türkmənistanı ziyarət etmək istəyənlər onsuz da çox mürəkkəb viza prosesindən keçməli olurlar. Türkmənistan dünyanın ən qapalı ölkələrindən biridir və çox zaman Şimali Koreya ilə müqayisə edilir.

150 MİNƏDƏK TAMAŞAÇI GÖZLƏNİR

Türkmənistanın turizm naziri bildirib ki, ölkə "bütün dünyadan 150 minədək tamaşaçının gələcəyini gözləyir".

AIMAG təşkilatçıları oyunlarda iştirak üçün ölkəyə 62 ölkədən təqribən 5 min 500 idmançının gələcəyini gözləyirlər. İdmançıları müşayiət edənlərin, o cümlədən hakimlər və rəsmi nümayəndə heyətlərinin 1200 nəfər olacağı bildirilir.

Buna da bax: Türkmənistan Asiya Oyunları keçirir, amma talismanı...

İdmançılar, hakimlər və rəsmi şəxslərin də Aşqabadı gəzərkən özlərinə yerli bələdçi tutmalı olub-olmaması, hələlik, aydın deyil.

Türkmən tur bələdçiləri bir növ rəsmi nəzarətçi kimi fəaliyyət göstərir. Onların vəzifəsi turistlərin yalnız hökumətin icazə verdiyi yerlərə getməsinə, yoxsul ərazilərdən və baxımsız küçələrdən uzaq durmasına nəzarət etməkdir.

“TURİSTLƏRİ HƏR YERDƏ İZLƏYİRLƏR”

Aşqabadda yaşayan tur bələdçisi və tərcüməçi bu yaxınlarda AzadlıqRadiosu-nun türkmən xidmətinə bildirib ki, hökumət tez-tez bələdçilərdən müştərilərinin hərəkətləri və getdikləri yerlər haqda bilgi tələb edir.

Buna da bax:​ Aşqabad polisi pinti geyinənləri paytaxta buraxmır

“Biz, tur bələdçiləri ziyarətçiləri bütün gün ərzində müşayiət etməli və gündə azı üç dəfə xüsusi xidmətləri turistlərin fəaliyyəti haqda bilgiləndirməliyik”, – adının çəkilməsini istəməyən bələdçi deyib.

Türkmənistan, Aşqabad
Türkmənistan, Aşqabad

Xarici ziyarətçilərə diqqətlə nəzarət edən təkcə tur bələdçiləri deyil. Həmin bələdçinin sözlərinə görə, “Milli Təhlükəsizlik Nazirliyinin əməkdaşları ayrıca maşınlarda turistləri hər yerdə izləyirlər, dükanlarda onların yanında gedirlər".

Həmin şəxs deyib ki, Türkmənistanda tur bələdçilərinə "miskin" maaş verilir və onlar ziyarətçilərin verdikləri pullardan çox asılıdırlar.

AIMAG-ın rəsmi saytı bu xidmətlərdən istifadə qiymətlərini açıqlamır.

Buna da bax: 'Dedilər ki, Oyunların keçirildiyi yerlərdə gözə görünməyim'

YOXSULLUQ SƏVİYYƏSİ 10 FAİZDİR

Dünya Bankının məlumatına görə, 2015-ci ildə ölkədə adambaşına ÜDM 7400 dollar civarında olub. BMT ölkədə işsizlik səviyyəsinin 10 faiz olduğunu bildirir. Ancaq bəzi dəyərləndirmələrdə bundan çox yuxarı nisbət göstərilir.

Türkmənistan müxalifətinin saytında bu yaxınlarda iddia olunurdu ki, dövlət oyunların xərcini ödəməkdən ötrü apreldən sentyabradək neft və qaz sektorunda çalışan işçilərin məvaciblərinin 15-20 faizini kəsəcək.

Türkmənistan son zamanlar beynəlxalq idman yarışlarına nəhəng vəsait xərcləyib. Bu məbləğ Olimpiya Oyunlarına xərclənən vəsaitlə müqayisə olunur. Buna gərəkən infrastrukturun qurulması üçün çox sayda ev uçurulub.

Günün bütün mövzuları

XS
SM
MD
LG