Keçid linkləri

2017, 14 Dekabr, Cümə axşamı, Bakı vaxtı 02:17

Trump deyir, zarafat edib...


Rusiya prezidenti Vladimir Putin və ABŞ prezidenti Donald, Almaniya, 7 iyul, 2017

ABŞ prezidenti Donald Trump bir neçə gün əvvəl Rusiya prezidenti Vladimir Putinə təşəkkür etməsini "zarafat" adlandırıb.

Trump Putinin Moskvadakı ABŞ diplomatlarının sayını kəskin şəkildə azaltmaq planlarına təşəkkürlə reaksiya verərəkən bütün media bunu tamamilə ciddi bəyanat kimi qəbul etmişdi.

Buna görə prezidentin ünvanına sərt tənqidlər səslənmişdi.

Həm demokratlar, həm də Trump-ın öz partiyasının üzvləri - respublikaçılar arasında bunu "qeyri-vətənpərvər" hərəkət kimi qiymətləndirənlər olmuşdu.

Buna da bax: Ağalarov-Trump dostluğunun tarixçəsi

Trump demişdi ki, “Mən ona təşəkkür etmək istəyirəm, çünki biz maaş xərclərini azaltmaq istəyirik. Mən ona çox minnətdaram ki, o çox sayda adamın işdən çıxmasına kömək edib, çünki bizim indi maaş üçün büdcəmiz kiçikdir. Onların ora qayıtmasına heç bir real ehtiyac yoxdur…Biz çoxlu pula qənaət edəcəyik”.

Putin göstəriş verib ki, ABŞ-ın Rusiyadakı səfirlik və konsulluq işçilərinin sayı 1200 nəfərdən 450 nəfərə endirilsin.

Bu, ABŞ Konqresinin Rusiyaya qarşı yeni sanksiyalar qoymasına cavabdır.

Konqres Rusiyanı ABŞ-dakı ötənilki prezident seçkilərinə müdaxilə etməkdə suçlayıb və buna görə Kremlə qarşı sanksiyaların sərtləşdirilməsinə səs verib.

Trump qanunu tənqid etsə də, imzalayıb.

Buna da bax: Trump-ın oğlu qalmaqalın mərkəzində

Donald Trump-ın təşəkkürü həm də ona görə birmənalı qarşılanmamışdı ki, o, bir müddət əvvəl ABŞ Dövlət Departamentinin xərclərinin təxminən 30 faiz azaldılması haqqında təklif vermişdi.

Üstəlik də seçki məsələsində Kremllə gizli işbirliyi ilə bağlı iddialar elə Trump-ın öz komandasına qarşı yönəlib.

Hazırda Federal Təhqiqat Bürosu bu məsələni aydınlaşdırmaq üçün araşdırma aparır.

Seçki dövründə Trump-ın qərargahının mühüm fiqurlarından olmuş Paul Manafortun evində bu günlərdə axtarış da aparılıb.

ABŞ prezidenti bildirir ki, o heç zaman Putinin adamları ilə seçki mövzusunu müzakirə etməyib və onun seçki kampaniyası şəffaf olub.

Buna da bax: Trump Pxenyana deyib ki, “silah doludur və ayaqdadır”

Günün bütün mövzuları

XS
SM
MD
LG