Müstəqil ekspertlər hesab edir ki, böyük maliyyə imkanlarına və inzibati resurslarına rəğmən, hakimiyyətin sosial mediaya qadağa qoyması o qədər də asan deyil. Onların fikrincə, hər bir basqı təbii bir müqavimət doğurur: "Təzyiq olan yerdə müqavimət qaçılmazdır. Dövlət harada basqı yaradırsa, orada yeni bir etiraz qığılcımı və potensialı ortaya çıxır. Hətta indiki şəraitdə Azərbaycanda sadəcə istədiyin kimi geyinmək belə, özlüyündə bir etiraz formasına çevrilib. Müqavimət yalnız o yerdə susur ki, orada siyasi münasibətləri mütləq tabelik və ya fiziki zorakılıq əvəz edir. Azərbaycan hakimiyyətinin bu cür mütləq tabeliyi qurmaq üçün nə iqtisadi, nə də sosial gücü çatmaz".