“Rusiya çoxdandır ki, Qafqaz sakinlərini Rusiyanın başqa regionlarına göçürmək planı üzərində işləyir”.
Kavkazr.com saytının məlumatına görə, bunu hələ 1995-ci ildə “Vzqlyad” proqramına Çeçenistanın keçmiş prezidenti Cövhər Dudaev deyib.
Oğlu Degi Dudaevin bu günlərdə YouTube-da yerləşdirdiyi həmin videoda keçmiş Çeçenistan prezidenti Kremlin bu və digər planlarından danışır.
“Çeçenistan yalnız faktordur. Bundan sonra Qafqaz, Pribaltika və Orta Asiya gəlir. Belə planlaşdırılıb: Acariya, Abxaziya, Cənubi Osetiya, Dağlıq Qarabağ, Dağıstan və Azərbaycandan ayrılmış Ləzginistan-onların hamısı Rusiya ordusunun iştirakı ilə tam Rusiyanın yurisdiksiyasında olmalıdır”, Dudaev deyir.
Onun sözlərinə görə, bu Rusiya silahlı qüvvələri baş qərərgahının hazırladığı xəritədə göstərilir.
Dudaev müsahibəsində Krımın Rusiya tərəfindən ilhaqı və Rusiya ilə Ukrayna arasında hərbi qarşıdurmadan da danışır.
“Bundan sonra isə Krım gəlir .Çeçenistanda kampaniya bitən kimi bu ordu Krıma keçməlidir. İçkeriya işdahı bir az azaldıb, amma dayandırmayıb, Krımda hələ qırğın olacaq” Dudaev bildirib.
Qeyd
1991-ci ildə keçmiş SSRİ dağılandan sonra Çeçenistan öz müstəqilliyini elan etdi və çeçen xalqı 1991-ci ildə keçirilən seçkidə general Cövhər Dudayevi özünə prezident seçdi.
Dudaev Çeçenistanı 1996-cı ilədək idarə edib, Rusiya ordusuna qarşı silahlı mübarizəyə komandanlıq edib.
1996-cı il aprelin 21-də raket zərbəsi nəticəsində həlak olub.