Keçid linkləri

2024, 19 Mart, çərşənbə axşamı, Bakı vaxtı 10:51

Benzindən sonra qiymətlərdə artım var... [video]


Benzindən sonra... yeni bahalaşma dalğası gəlir?
Gözlə

No media source currently available

0:00 0:09:53 0:00

Benzindən sonra... yeni bahalaşma dalğası gəlir? [A-Live]

Bakıda alıcılar ətin, bəzi tərəvəz məhsullarının, yağın, şirniyyatın qiymətinin artdığını deyirlər. Yerli media sərnişindaşıma nəqliyyatında da artım olduğunu yazır.

İqtisadçı Qubad İbadoğlu düşünür ki, bu, yeni bahalaşma dalğasının başlanğıcıdır, onun proqnozuna görə oktyabr ayında qiymətlər daha da artacaq.

Buna da bax:​ Vahid Məhərrəmlı: “Bahalanma gözlənilir”

63 yaşlı Nazim Rzayev deyir ki, bu qədər qiymət artımından sonra dolanışığı daha da çətinləşib. O, əlavə edir ki, ölkədə istehsal olunan məhsulların niyə bahalaşdığını anlamır:

“Ət, qarpız, pomidor, xiyar və digər məhsullar bahalaşıb. Halbuki, bu məhsullar ölkədə istehsal olunur. Bunların qiyməti nədən bahalanır? Hər adam ət ala bilmir, amma hər kəs istəyərdi ki, ət yesin”.

Alıcılar deyir ki, ətin qiyməti hardasa 3-4 manat artaraq, 13-15 manat olub, əvvəllər 15-20 manata olan konfetlər isə 25-30 manata olub. Alıcılar deyirlər ki, bəzi yağların qiyməti də hardasa 4 manat bahalaşaraq, 11-13 manata qalxıb. Alıcılar bahalaşmanın son bir neçə ayda müşahidə olduğunu qeyd edirlər.

Buna da bax: Tarif Şurası: “Benzinin bahalanmasının yük və sərnişindaşımaya aidiyyatı yoxdur”

Dövlət Statistika Komitəsi qiymət dəyişiklikləri ilə bağlı rəsmi məlumatları avqust ayının ortalarında açıqlayacağını bildirir.

Qubad İbadoğlu
Qubad İbadoğlu

Bahalaşma haqda məlumatlara şərh almaq üçün Antiinhisar Siyasəti və İstehlakçıların Hüquqlarının Müdafiəsi Dövlət Xidmətinin mətbuat xidməti ilə əlaqə saxlamaq cəhdlərimiz alınmadı.

İqtisadçı alim Qubad İbadoğlu düşünür ki, bu bahalaşma bir sıra səbəblərlə bağlıdır:

“Bu hələ başlanğıcdır. Bundan sonrakı aylarda da ölkədə ümumi qiymət artımı müşahidə olacaq, inflyasiya səviyyəsi artacaq. Bahalaşmanı şərtləndirən əsasən qeyri-humanitar amillərdir. Mövsümi, xərc, məsrəf amilləridir. Eyni zamanda idxal mallarının bazarda payının yüksəlməsidir. Bundan başqa inhisar, azad bazar rəqabətinin olmaması da qiymət artımına təsir edir. İllərdir ki, rəqabət məcəlləsi qəbul olunmur”.

Buna da bax:​ Ərzaq 30 faiz bahalaşıb

Qubad İbadoğlu hesab edir ki, həm hüquqi, həm tənzimləyici sektorda, həm iqtisadi sahədə islahatlar aparılmayınca ölkədə bahalaşma davam edəcək. Bakı sakinləri də aldıqları maaşın nəyə çatıb, nəyə çatmadığından danışırlar?

Sakinlər ərzaq məhsullarından başqa həm də sərnişin və yükdaşıma qiymətlərinin artdığını deyirlər. Qiymət artımı, özəlliklə, şəhərlərarası marşrutda müşahidə olunur: 6 manata olan gediş haqqının 10 manata qalxdığı deyilir.

Bakı camaatının maaşı nəyə çatır, nəyə çatmır? [Sorğu]
Gözlə

No media source currently available

0:00 0:00:57 0:00

Bakı Beynəlxalq Avtovağzalından bu məlumatı nə təsdiq, nə də inkar etdilər.

Buna da bax: Maaş və pensiyaların artmasını nə vaxta gözləmək olar?

İqtisadçı Qubad İbadoğlu isə deyir ki, benzinin qiyməti artandan sonra yük və sərnişin daşınmasında qiymət artımı gözlənilən idi.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG