Azərbaycanın Futzal millisi Kolumbiyada keçirilən dünya çempionatında ilk qələbəsini qazanıb.
Sentyabrın 13-də ilk oyununa çıxan komanda Afrika çempionu Mərakeşlə qarşılaşıb və görüş 5:0 hesabı ilə Azərbaycan millisinin xeyrinə qurtarıb.
Qolları 15, 18 və 33-cü dəqiqələrdə Vassoura, 29-cu dəqiqədə Qallo, 31-ci dəqiqədə isə Bolinya vurub.
Qeyd edək ki, hazırda Azərbaycan millisini braziliyalı Milton Luis Ziller Junior çalışdırır və baş məşqçi kimi bu onun millidə ilk oyunudur.
Azərbaycan yığması F qrupunda İran, İspaniya və Mərakeşlə mübarizə aparır.
13 sentyabr
F qrupu
03:00. Mərakeş - Azərbaycan - 0:5
Qollar: Vassoura 14.25; 17.01; 32.59 Qallo, 28.30. Bolinya, 30.49
Baş hakim: Jose Katemo (Anqola)
İkinci hakim: Eduardo Fernandes (Portuqaliya),
Üçüncü hakim: Kamil Çetin (Türkiyə)
