İranda 'Mossad'la əlaqədə təqsirləndirilən şəxs edam edilib
İran hakimiyyəti İsrailin "Mossad" kəşfiyyat xidmətinə casusluq etməkdə və genişmiqyaslı əməkdaşlıqda təqsirli bildiyi bir nəfərin edam olunduğunu açıqlayıb.
Məhkəmə orqanlarının aprelin 22-də verdiyi məlumata görə, Mehdi Fəridin "Yer üzündə fəsad törətmə" maddəsi üzrə ölüm hökmü hüquqi baxışdan sonra qüvvədə saxlanılıb.
Rəsmilər onun nə vaxt həbs edildiyini və mühakimə olunduğunu açıqlamayıblar.
Ədliyyə sisteminə məxsus "Mizan" xəbər agentliyi Fəridin "Mossad"a həssas məlumatlar ötürdüyünü bildirib. İnsan haqları təşkilatları Fəridin İranın Atom Enerjisi Təşkilatının keçmiş əməkdaşı olduğunu müəyyənləşdirib.
O da açıqlanıb ki, indiyədək Qum vilayətində əlaqəli işlər üzrə "düşmənlə əməkdaşlıq"da suçlanan digər şəxslər barəsində 19 məhkəmə hökmü çıxarılıb, bura həbs cəzaları və cərimələr daxildir.
Fevralın 28-də ABŞ və İsrailin İranla müharibəsi başlayandan İslam Respublikası edam hökmlərinin icrasını intensivləşdirib. İranda, demək olar, hər gün edamların gerçəkləşdirildiyi barədə çoxsaylı məlumatlar yayılmaqdadır.
Hörmüzdə ikinci gəmi atəşə tutulub
Böyük Britaniyanın UKMTO monitorinq xidməti bildirib ki, aprelin 22-də səhər saatlarında Hörmüz boğazında, İrandan təxminən səkkiz dəniz mili qərbdə bir yük gəmisi atəşə tutulduğunu xəbər verib.
Qurumun X platformasında yazdığına görə, gəmi "suda dayanıb", ekipaj salamatdır, heç bir zərər qeydə alınmayıb.
Bundan bir neçə saat öncə Omanın şimal-şərqində İranın İslam İnqilabı Keşikçiləri Korpusunun (SEPAH) bir konteyner gəmisini atəşə tutduğu, gəminin idarəetmə körpüsünə ciddi ziyan dəydiyi bildirilirdi.
Fevralın 28-də ABŞ və İsrailin İranla müharibəsi başlayandan Hörmüzdə nəqliyyat ciddi şəkildə pozulub, gəmilərə təkrar hücumlar baş verib. Qlobal neft ticarətinin təxminən beşdə biri bu boğazdan keçir.
Hörmüzdə ikinci gəmi atəşə tutulub
Böyük Britaniyanın UKMTO monitorinq xidməti bildirib ki, aprelin 22-də səhər saatlarında Hörmüz boğazında, İrandan təxminən səkkiz dəniz mili qərbdə bir yük gəmisi atəşə tutulduğunu xəbər verib.
Qurumun X platformasında yazdığına görə, gəmi "suda dayanıb", ekipaj salamatdır, heç bir zərər qeydə alınmayıb.
Bundan bir neçə saat öncə Omanın şimal-şərqində İranın İslam İnqilabı Keşikçiləri Korpusunun (SEPAH) bir konteyner gəmisini atəşə tutduğu, gəminin idarəetmə körpüsünə ciddi ziyan dəydiyi bildirilirdi.
Fevralın 28-də ABŞ və İsrailin İranla müharibəsi başlayandan Hörmüzdə nəqliyyat ciddi şəkildə pozulub, gəmilərə təkrar hücumlar baş verib. Qlobal neft ticarətinin təxminən beşdə biri bu boğazdan keçir.
İranda 53 gündür internet bloklanır
İranda rəqəmsal blokada 53-cü günə keçib, istifadəçilər 1248 saatdır qlobal şəbəkələrdən ayrı düşüblər. Bunu dünyada internet bağlantısını izləyən "NetBlocks" qrupu bildirir.
Məlumatda deyilir ki, hakimiyyət seçilmiş istifadəçilər və bizneslər üçün mərhələli (tiered) çıxışı genişləndirir.
İnternet blokadasının insan və iqtisadi xərcləri isə artmaqdadır.
İranın rabitə naziri Səttar Haşemi xəbərdarlıq edib ki, qeyri-sabit internet təxminən 10 milyon iranlının dolanışığına təhlükə yaradır. Bu şəxslərin əksəriyyəti aşağı- və ortagəlirli qrupları təmsil edir, işləri etibarlı internet bağlantısından asılıdır.
Nazirin sözlərinə görə, uzunmüddətli kəsinti "dərin sosial və iqtisadi nəticələr doğurur". Bu açıqlama ölkədəki blokadaya daxili təzyiqlərin artdığını göstərir.