Rusiyalı biznesmen və Crocus Group şirkətinin sahibi Araz Ağalarov Hillary Clinton barədə indiki ABŞ prezidenti Donald Trump-ın oğluna kompramat ötürülməsində əli olması barədə məlumatı qəti şəkildə rədd edir.
Ağalarov bunu iyulun 23-də Business FM-ə müsahibəsində deyib.
Biznesmendə belə bir informasiya olması isə kiçik Trump-ın piyar-mütəxəssis Robert Goldstoun-la yazışmasından bəlli olub.
Prezidentin oğlu da bu yazışmaları özünün Tvitter hesabında təsdiqləyib.
Goldustoun-un məlumatına görə, Hillary Clinton barədə kompramatı kiçik Trump-a onun tanışı olan müğənni və biznesmen, Araz Ağalarovun oğlu Emin Ağalarov təklif edib.
Araz Ağalarov isə oğluna Clintonla bağlı heç bir material vermədiyini deyir.
Amma o, oğlunun kiçik Trump-la tanış olduqlarını təsdiqləyib.
Buna da bax: Prezident oğlunu qınamır
Goldustoun məktubunda yazır ki, Clinton barədə kompramantı Araz Ağalarova Rusiyanın baş prokuroru səviyyəsində birisi verib.
Kiçik Trump-sa deyir ki, Emin Ağalarova zəng etmək istəyib, amma bunun əvəzində ona rusiyalı vəkil Natalya Veselnitskaya ilə görüşmək təklif olunub.
New York Times yazır ki, kiçik Trump-la Natalya Veselnitskaya ötən ilin iyununda görüşüblər.
Bu görüşdə prezidentinkürəkəni və müşaviri Cared Kuşner və Trump-ın seçki qərərgahının rəhbəriPol Manafort da iştirak edib.
Kiçik Trump-ın sözlərinə görə, görüş faydalı olmayıb.
Natalya Veselnitskaya isə Kremillə bağlılığını rədd edir və ondaheç vaxt Clinton barədə kompramat olmadığını deyir.