Keçid linkləri

Təcili xəbərlər
2021, 13 İyun, bazar, Bakı vaxtı 19:48

‘8 Noyabr’ stansiyası istifadəyə verilib


Yeni açılan "8 Noyabr" metro stansiyası, Bakı, 29 may 2021

Bu gün, mayın 29-da Bakı Metropoliteninin “8 Noyabr” stansiyası istifadəyə verilib.
AZƏRTAC-ın xəbərinə görə, Azərbaycan Prezidenti İlham Əliyev stansiyada yaradılan şəraitlə tanış olub.

Yeni istifadəyə verilən stansiya ötən il noyabrın 8-də Azərbaycanın mədəniyyət paytaxtı sayılan Şuşa şəhərinin işğaldan azad edilməsi münasibəti ilə “8 Noyabr” adlandırılıb.

"8 Noyabr" metro stansiyasının giri-çıxışı, Bakı, 29 may 2021
"8 Noyabr" metro stansiyasının giri-çıxışı, Bakı, 29 may 2021

“Bakı Metropoliteni” Qapalı Səhmdar Cəmiyyətinin sədri Zaur Hüseynov dövlət başçısına stansiya barədə məlumat verib.

Bildirib ki, ümumi uzunluğu 363,34 metr olan Bakı Metropoliteninin 26-cı, “Bənövşəyi” xəttin 3-cü stansiyası Nəsimi rayonunda yerləşir:

«Stansiya ərazinin yeraltı nəqliyyat vasitəsilə şəhərin mərkəzi və paytaxtın digər rayonları ilə birləşdirilməsində xüsusi rol oynayır.

Üçsəviyyəli quruluşa malik stansiyanın giriş və müvafiq keçid-nəzarət sahəsi üst mərtəbəyə aiddir. Texniki xarakterli ikinci səviyyədə elektrik təchizatı, havalandırma, işarəvermə, rabitə və digər xidməti sahələrə aid avadanlıqlar yerləşir. Buradan sərnişinlər eskalatorlar və pilləkənlə vestibülə, oradan da platformaya enirlər. »

Habelə qeyd edilib ki, Bakı şəhərinin sürətlə inkişaf etməsi və meqapolisə çevrilməsi reallığında yeni xətlərin yeddi vaqonluq qatarların hərəkəti üçün nəzərdə tutulması isə yeniliklərin davamıdır:

«Bu özünəməxsusluqlarla metronun “Avtovağzal” stansiyasından başlanan və layihə uzunluğu 18,5 kilometr olaraq Xocasən qəsəbəsindən Qaraçuxur qəsəbəsinədək uzanacaq xəttin daha bir sahəsi - “Memar Əcəmi”–“8 Noyabr” istiqaməti şəhərin yeraltı nəqliyyat şəbəkəsinə qoşulur. ”

(Metronun "8 Noyabr" stansiyası birinci Qarabağ müharibəsində həlak olan Ceyhun Səlimov-un adını daşıyan prospektdə yerləşir.Red.)

Bakı metrosunun yeni açılmış "8 Noyabr" stansiyası
Bakı metrosunun yeni açılmış "8 Noyabr" stansiyası

Beləliklə verilən məlumata görə, yeni açılan stansiya Bakının Nəsimi rayonu ilə digər rayonları birləşdirəcək:

“8 noyabr” stansiyasından hərəkət edən sərnişinlər “Memar Əcəmi” stansiyasında bir yoldan digər yola keçməklə hərəkətlərini müəyyənləşdirə biləcəklər”.

İlham Əliyev "8 Noyabr" stansiyasında
İlham Əliyev "8 Noyabr" stansiyasında

Xatırlatma

Ermənistanın Azərbaycana ərazi iddiaları ilə 1988-ci ildə Qarabağ münaqişəsi başlanmışdı. 1994-cü ildə gerçəkləşən atəşkəs razılaşmasına qədər Azərbaycanın Dağlıq Qarabağ bölgəsi və ona bitişik 7 rayonu işğal edilmişdi. Ötən il isə 44 günlük savaş və sonrakı razilaşma nəticəsində Azərbaycan işğal altında olan ərazisinin çox hissəsini azad edib.

"8 Noyabr" stansiyasının giriş-çıxışı
"8 Noyabr" stansiyasının giriş-çıxışı

Şərhlər

XS
SM
MD
LG