Keçid linkləri

Təcili xəbərlər
2021, 25 İyul, bazar, Bakı vaxtı 07:35

Dünya xəbərləri

Kabil Taliban məhbuslarının hamısının buraxıldığını deyir

Talibançılar azad olunur

Əfqanıstan hakimiyyəti qalan 400 Taliban məhbusunu azad etdikdən sonra sülh danışıqlarının tezliklə başlayacağını gözləyir. Digər ölkələrin etirazını nəzərə alaraq “az sayda” talibançı azad olunmayıb.

Kabil məhbus mübadiləsini bu həftə bərpa edib. Bu məsələ Qətərin paytaxtı Dohada danışıqların başlanması üçün əsas əngəl sayılırdı.

“Diplomatik səylər davam edir. Birbaşa danışıqların tezliklə başlanacağını gözləyirik”, – Milli Təhlükəsizlik Şurasının sözçüsü Cavid Faysal sentyabrın 3-də tvitində yazıb.

Müxtəlif məlumatlara görə, Avstraliya azı 7 talibançının buraxılmasına qarşı çıxıb. Onlar Əfqanıstanda xarici əsgərlərin öldürülməsinə görə həbs olunublar.

Bütün xəbərləri izləyin

Əfqanıstanın 31 vilayətində komendant saatı

Əfqanıstan ordusu, arxiv foto

Əfqanıstan hakimiyyəti gecə saatları ölkədə komendant saatı tətbiq etməyi qərara alıb.

Bu barədə Daxili İşlər nazirliyi iyuylun 24-də məlumat yayıb.

Son vaxtlar Taliban qüvvələri ölkənin bir sıra ərazilərini, sərhəd keçid məntəqələrini ələ keçiriblər.

Nazirliyin yaydığı məlumata görə, 34 vilayətdən 31-də tətbiq olunacaq komendant saatında məqsəd hökumətin nəzarətində olan ərazilərə Taliban qüvvələrinin sızmasının qarşısını almaqdır.

Daxili İşlər Nazirliyinin sözçüsü müavini Əhməd Zia jurnalistlərə açıqlamasında, komendant saatının yerli vaxtla saat 22: 00-dan 4: 00-dək qüvvədə olacağını deyib.

Döyüşlər ABŞ, Avropa Birliyi və NATO-nun iyulun 23-də Taliban hərəkatını Əfqanıstandakı hərbi hücumunu dayandırmağa və sülh danışıqlarına başlamağa çağırdığı bir vaxtda baş verib.

İran narahatdır

Səid Xətibzadə

İran Azərbaycan-Ermənistan sərhədindəki yeni gərginlikdən narahatlığını bildirir və bölgədə davamlı sülhün bərqərar olması üçün addımların atılmasına çağırır.

İRNA-nın məlumatına görə, belə bir narahatlığı İran Xarici İşlər Nazirliyinin mətbuat katibi Səid Xətibzadə səsləndirib.

Son hadisələrdə bir azərbaycanlı əsgərin öldüyünü və üç erməni hərbçisinin yaralandığına təəssüfləndiyini bildirən Xatibzadə iki qonşu ölkəni - Ermənistan və Azərbaycanı təmkinli olmağa və sərhəd mübahisələrini sülh yolu ilə həll etməyə çağırır.

İran Xarici İşlər Nazirliyinin sözçüsü, "İran Cənubi Qafqazda davamlı bir sülhün bərqərar olması üçün hər cür yardımı etməyə hazırdır" deyə o bildirib.

Son günlər Azərbaycan-Ermənistan sərhəddi boyunca gərginlik yaşandığı barədə tərəflər rəsmi məlumatlar yayır. Azərbaycan sərhəddin Kəlbəcər istiqamətində atəşkəsin pozulması nəticəsində bir hərbçisinin həlak olduğunu, Ermənistan isə 3 hərbçisinin yaralandığı barədə məlumat yayıb.

İyulun 24-də isə hər iki tərəfin müdafiə nazirliklərinin yaydığı məlumata görə, bölgədə sakitlikdir.

Türkiyədə yoluxmaların sayı getdicə artır

Türkiyə-Covid 19,maskalı insanlar

Reütersin iyulun 23-də verdiyi məlumata görə son iki həftə ərzində yoluxmaların sayı artaraq 9586 nəfərə çatıb.Bu mayın 19-dan bu yana ən yüksək həddir.

Rəsmi məlumatda 52 nəfərinsə Covid-19 virusundan öldüyü bildirilir.

Türkiyənin səhiyyə naziri Fahrettin Koca əhaliyə xəbərdarlıq edib ki, əgər peyvənd olunmasalar, pandemiya problemi gündəmdən çıxmayacaq.

Amma ümumilikdə aprel-may ayları ilə müqaisədə infeksiyanın xeyli azaldığı müşahidə olunur.Həmin vaxt Türkiyədə gündəlik yoluxmaların sayı 60 min nəfəri ötmüşdü.

İyulun 4-də Türkiyə yoluxmaların sayı, ciddi məhdudiyyətlərə görə azalaraq 4418 nəfərə düşmüşdü. Amma hakimiyyət bundan sonra məhdudiyyətlərin əksəriyyətini qaldırdı.

ABŞ-dan hədiyyə: 24 iyulda Gürcüstan 500 min doza Pfizer alacaq

COVİD-19 əleyhinə peyvənd

Şənbə günü, iyulun 24-də Gürcüstana koronavirus əleyhinə 500 min doza Pfizer/BioNTech peyvəndi alacaq. Bu barədə Gürcüstan hökumət administrasiyası məlumat yayıb.

Gürcüstana peyvənd hədiyyə olunması ilə bağlı qərarı ABŞ hökuməti qəbul edib. Bu barədə iyulun 17-də Gürcüstanın baş naziri İrakli Qaribaşvili məlumat verib.

Bundan əvvəl Gürcüstan hakimiyyəti, ölkəyə bir milyon doza peyvəndin mərhələli çatdırılması ilə bağlı birbaşa Pfizer ilə razılaşma əldə edildiyini elan etmişdi.

Bundan sonra, iyulun 14-də ölkəyə 28 min doza peyvənd gətirilib.

Tokioda Olimpiya oyunları başlayır

Tokio Olimpiya Oyunları

İyulun 23-də Yaponiyanın paytaxtı Tokioda Yay Olimpiya Oyunlarının açılış mərasimi olacaq.

Məlumata görə, Tokionun Milli Stadionunda baş tutatcaq açılış mərasimində koronavirus infeksiyasının davamlı artması səbəbindən iştirak məhdud olacaq.

Təşkilatçılar şounun təfərrüatlarını açıqlamayıblar, lakin 15 dünya lideri daxil olmaqla təxminən 950 nəfərin 68 min nəfərlik Olimpiya Stadionunu ziyarət edəcəyi bildirilir.

İyulun əvvəlində təşkilatçılar koronavirusa yoluxma hallarının artması səbəbiylə Tokioda yeni bir fövqəladə vəziyyət elan edildikdən sonra olimpiada yarışlarının tribunalarda tamaşaçısız keçiriləcəyini elan ediblər.

Tokioda keçiriləcək Yay Olimpiya Oyunları keçən il baş tutmalı idi, ancaq koronavirus pandemiyası səbəbindən təxirə salındı.

İyulun 22-də Tokioda 1.979 COVID-19 -a yoluxma halı qeydə alınıb ki, bu da yanvar ayının ortalarından bəri ən yüksək göstərici sayılır.

Bu infeksiya, bir neçə idmançı da daxil olmaqla olimpiadada iştirak etmək üçün akkreditə olunmuş təxminən 90 nəfərdə də aşkar edilib.

Putin və Paşinyan arasında telefon söhbəti olub

Vladimir Putin (sağda) və Nikol Paşinyan (Arxiv fotosu)

Tərəflər regiondakı vəziyyətlə bağlı məsələlərin geniş çevrəsini detallı şəkildə müzakirə ediblər.

Rusiya prezidenti Vladimir Putin və Ermənistan baş nazirinin vəzifəsini icra edən Nikol Paşinyan iyulun 22-də telefon söhbətində erməni hərbi əsirlərin Azərbaycandan qaytarılmasını müzakirə ediblər.

Bu xəbəri Ermənistan hökumətinin mətbuat xidmətinə istinadən TASS xəbər agentliyi yayıb.

Məlumatda deyilir:

"Tərəflər regiondakı vəziyyətlə bağlı məsələlərin geniş çevrəsini detallı şəkildə müzakirə ediblər. Söhbət zamanı habelə 9 noyabr 2020 və 11 yanvar 2021-ci il üçtərəfli bəyanatlarının həyata keçirilməsi müzakirə olunub. O cümlədən əsirlərin qaytarılması və regionda kommunikasiyaların açılması məsələləri müzakirə edilib”.

Bundan bir gün əvvəl Azərbaycan prezidenti İlham Əliyev Moskvada Vladimir Putinlə görüşmüşdü.

Dombasda vuruşmuş belarusluya Çexiyada 21 il cəza verilib

Ukrayna

Çexiya apellyasiya məhkəməsi belarusiyalı Aleksey Fadeevi Ukraynanın şərqindəki müharibədə iştirak etdiyinə görə 21 il həbs cəzasına məhkum edib.

Rusiyapərəst separatçıların tərəfində vuruşan 41 yaşlı Belarus vətəndaşı terrorizmdə təqsirli bilinir.

Bu barədə Novinky.cz xəbər verir. Fadeev uzun illərdir Çexiyada yaşayır. Məlumata görə, o, 2014-cü ilin oktyabrından 2016-cı ilin mayına qədər separatçı qrupları dəstəkləmək üçün dəfələrlə Donbasa gedib, separatçı birləşmələrdən birinin silahlı qüvvələrində xidmət edib.

Birinci instansiya məhkəməsi buna görə onu 4,5 il həbs cəzasına məhkum edib. Həmin vaxt məhkəmə Fadeevin döyüşlərdə iştirak etmədiyini və yalnız köməkçi iş gördüyü qənaətinə gəlib.

Lakin prokurorluq bu qərardan apellyasiya şikayəti verib. Müdafiəçisi müdafiə etdiyi şəxsin müharibədə döyüşmədiyini və ittihamların onun üzərindən götürülməsini israr edib. Guya müdafiə etdiyi şəxs cəbhə bölgəsindəki döyüşlərdə iştirak etməyib, sadəcə Ukraynaya mülki əhalini qorumaq üçün gedibmiş.

ABŞ Türkiyəyə qarşı əlavə sanksiyaları tətbiq edə bilər

AB, prezidenti Joe Biden və Türkiyə prezidenti Racep Tayyip Erdogan-NATO sammiti

“ABŞ prezidenti Joe Biden Rusiyadan S-400 hava hücumlarından müdafiə sistemləri aldığına görə, Türkiyəyə qarşı sanksiyaları saxlamaqda qərarlıdır.

Reütersin iyulun 21-də yaydığı məlumata görə, bunu ABŞ-ın adı çəkilməyən yüksək səlahiyyətli diplomatı deyib.

O, həmçinin qeyd edib ki, əgər Türkiyə gələcəkdə Rusuiyadan daha böyük silah sitemləri alacağı təqdirdə Vaşinqtin Ankaraya qarşı daha böyük sanksiyalar tətbiq edəcək.

Qeyd edək ki, Türkiyənin Rusiyadan silah alması və Suriya münaqişəsi də daxil olmaqla son illər Vaşinqtonla Ankara arasında bir sıra fikir ayrılıqları yaranıb.

Vaşinqton hesab edir ki, Rusiya istehsalı olan S-400 raketlərini NATO-nun hərbi sistemi ilə uzlaşdırmaq mümkün deyil.

Vaşinton buna görə Türkiyəyə “F-16” qırıcı təyyarələrin verilməsini də dondurub.

Qeyd edək ki, Türiyə ilə ABŞ NATO ittifaqında yaxın tərəfdaş ölkələrdir.

Qəzada həlak olan Türkmənistan hərbçilərinin sayı 30-a çatıb

Hərbi maşınlar, arxiv foto

Avtomobil qəzasında həlak olan Türkmənistan hərbçilərin sayı ən azı 30 nəfərə çatıb.

AzadlıqRadiosunun Türkmənistan xidmətinin məlumatına görə, hadisə iyulun 18-də olsa da rəsmi qurumlar hələ də qəza haqqında detallı məlumat vermir.

Məlumata görə, hadisə bir neçə hərbi yük maşını "Xalq abidəsi"indən geri dönərkən baş verib. Hərbçilər Qurban bayramı ilə bağlı tədbirdən geri dönürmüşlər.

Vurğulanır ki, xatirə kömpleksini ziyarətdən sonra təpədən aşağı enən hərbi maşınlardan birnin əyləc sistemində proiblem yaranıb və o aşağıda gedən digər maşınlarla toqquşub və sonra aşıb.

AzadlıqRadiosuna danışan digər bir mənbənin verdiyi məlumata görə, qəzadə həlak olanların sayı 30-u keçib. Aralarında 3 zabitin olduğu 20-dən çox hərbçi ağır yaralanıb və hazırda xəstəxanada müalicə olunmaqdadılar.

Şahidlərin sözlərinə görə, qəzanın baş verdiyi yerdə yollar hələ də bağlıdır və ərazidə müəyyən işlər aparılmaqdadır.

İzlənmə siyahısında Fransa prezidentinin də telefon nömrəsi tapılıb

Fransa prezidenti E. Makron, 8 may 2021

Araşdırmaçı jurnalıistlər cəsus proqramı vasitəsilə izləmə siyahısında Fransa prezidentinin də telefon nömrəsini tapıblar. Prezidentin sözçüsü deyib ki, jurnalistlərin aşkarladığı faktlar təsdiqlənərsə bu çox ciddi məsələdir.

Pegasus casus proqramı vasitəsi ilə izləmə hədəfi ola biləcək telefon nömrələrinin siyahısında jurnalistlər Fransa Prezidenti Emmanuel Makron da daxil olmaqla ən azı 14 dövlət və hökumət başçısının nömrələrini tapıblar.

Le Monde qəzetinin yazdığına görə, Makronun nömrəsi Mərakeş kəşfiyyat xidmətləri tərəfindən Pegasus ilə sındırmaq üçün mümkün hədəf olaraq tərtib edilən telefon nömrələrinin siyahısında yer alıb.

Siyahıda daha 10-dan çox fransalı nazirin adının da yer aldığı bildirilir. "Forbidden Stories " in rəhbəri Lonard Riçardın sözlərinə görə, siyahı xüsusi xidmət orqanlarının ona daxil olan insanlara olan marağını göstərir, lakin öz-özlüyündə bu hakerlik faktını təsdiqləmir.

Fransa Prezidentinin sözçüsü deyib ki, jurnalistlərin təqdim etdiyi faktlar təsdiqlənərsə, deməli "bunlar açıq-aşkar çox ciddidir".

Siyahıda Makrondan əlavə Cənubi Afrika Prezidenti Cyril Ramafosa, Mərakeş Kralı VI Məhəmməd, Avropa Şurasının sədri Şarl Mişel , Dünya Səhiyyə Təşkilatının rəhbəri Tedros Qebreyesus da var.

Bundan əvvəl Macarıstan və Azərbaycan jurnalistlərinin, həmçinin öldürülən səudiyyəli jurnalist Camal Kaşoqinin yaxınlarının təsdiqlənmiş izləmə faktı barədə məlumat verilib.

Pegasus, terrorizm və mütəşəkkil cinayətkarlıqla mübarizə üçün hazırlanmış bir proqramdır və yalnız dövlət qurumları tərəfindən istifadə edilə bilər. Bu proqram izlənilən insanların smartfon məlumatlarına daxil ola bilir.

Ermənistanın müdafiə naziri istefa verdi

Ermənistanın müdafiə naziri Vagharshak Harutyunian, 20 dekabr ,2020

Ermənistanın müdafiə nazirinin səlahiyyətlərini icra edən Vagarshag Arutyunyan istefa verib.

Bu barədəAzadlıqRadiosunun Ermənistan xidməti iyulun 20-də məlumat yayıb.

Hələlik istefanın səbəbi barədə ətraflı məlumat verilmir.

Arutyunyan müdafiə nazirliyinə ötən il-2020-ci il noyabrın 20-dən rəhbərlik edirdi.

Bunadək o, baş nazirin müşaviri idi.

Rusiyada narkotikdən ölümlər bir ildə 60 faiz artıb

Narkotik-illustrasiya

2020-ci ildə narkotik problemindən ölən rusiyalıların sayı əvvəlki ilə nisbətən 60 faiz artıb.

Bu barədə məlumat Rusiya Statistika Komitəsinin hesabatında yer alıb. Rosstat-ın hesabatında deyilir ki, 2020-ci ildə narkotikdən 7316 nəfər ölüb, bir il əvvəl isə ölüm sayı- 4569 nəfər olub.

Məlumata görə, 2016–2018-ci illərdə Rusiyada hər il 4.4-4.8 min insan narkotikdən həyatını itirib.

Ümumilikdə, 2020-ci ildə Rusiyada xəstəliklə əlaqəli olmayan müxtəlif səbəblərdən 140 minə yaxın adam ölüb ki, burda narkotikdən istifadəyə görə ölənlərin payı 5,2 faiz olub.

Rosstat, narkotik maddələrdən sui-istifadə nəticəsində zehni xəstəliklərdən vəfat edənləri də narkotik ölümləri kateqoriyasına aid edir.

Bu ilin iyun ayında BMT-nin Narkotik və Cinayətkarlıq İdarəsi pandemiya başlayandan bəri dünyada narkotik istifadəsinin artmasına dair bir hesabat yayıb.

Həmin hesabata görə, 2020-ci ildə bütün dünya üzrə narkotikadan istifadə edənlərin sayı 275 milyon olub. Bu da 2010-cu illə müqayisədə 22 faiz artım deməkdir.

Azaraq Azərbaycan tərəfə keçmiş erməni sakin geri qaytarılıb

Azərbaycan Ermənistan sərhədində yerləşən "Qaragöl"

Ermənistanın Sünik bölgəsində azaraq Azərbaycan tərəfə keçmiş ermənistan sakin geri qaytarılıb.

Azadlıq Radiosu Ermənistan xidmətinin məlumatına görə, yerli sakin öz kombaynı ilə azaraq, Azərbaycan tərəfə-Azərbaycan ordusunun nəzarətində olan əraziyə keçib.

Ermənistan Daxili İşlər nazirliyinin məlumatına görə, Rusiya və Ermənistan sərhədçilərinin vasitəçiliyi ilə kombayn və erməni sakin geri qaytarılıb.

Erdogan:Taliban qardaş torpaqlarının işğalına son qoymalıdır

Türkiyə prezidenti Racep Tayyip Erdogan

Türkiyə prezidenti Racep Tayyip Erdogan bildirib ki,Taliban öz qardaşlarının torpağını işğal etməməli, buna son qoymalıdır.

Reütersin iyulun 19-da verdiyi məlumata görə Erdogan Şimali Kiprə səfəri ərəfəsində jurnalistlərə deyib ki, Talibanın yanaşması, bir müsəlmanın digəri ilə davranışına ziddir.Bir müsəlman digəri ilə belə davranmamalıdır.

“Taliban qardaş torpaqlarının işğalını dayandırmalı və təcili bütün dünyaya göstərməlidir ki, Əfqanıstanda sülh hökm sürür” ,deyə o vurğulayıb.

Qeyd edək ki, Ankara bu yaxınlarda bəyan edib ki, NATO qüvvələri Əfqanıstanı tərk etdikdən sonra Türkiyə Kabil hava limanının mühavizəsini öz üzərinə götürə bilər.

Hazırda Ankara ilə Vaşinqton Türkiyənin bu təklifini-belə bir əməliyyata maliyyə, siyasi və maaddi-texniki dəstəyin mümkünlüyünü müzakirə edirlər.

ABŞ Dövlət Departamentinin sözçüsü Ned Prays bu günlərdə bildirib ki, söhbət Əfqanıstanda daha böyük təhlükəsizlik məsələsindən gedəndə, biz sözsüz Türkiyənin konstruktiv rolunu alqışlayırıq.

Amma Prays əlavə detallar barədə məlumat verməyib.

Qeyd edək ki, ABŞ-ın rəhbərlik etdiyi beynəlxalq koalisiya qüvvələri mayın 1-dən Əfqanıstanı tərk etməyə başladıqdan sonra yerli hökumət qüvvələri ilə Taliban yaraqlıları arasında döyüşlər başlayıb.

Son məlumata görə Taliban yaraqlıları son həftələrdə Əfqanıstanın 423 bölgəsinin təxminən üçdə birini ələ keçiriblər.

Rusiya, Tacikistan və Özbəkistan Əfqanıstanla sərhəddə hərbi təlim keçirəcəklər

Rusiya ordusu hərbi təlim keçirir

Rusiya, Tacikistan və Özbəkistan avqustun əvvəllərində Tacikistan-Əfqanıstan sərhədi yaxınlığında birgə hərbi təlimlər keçirəcək.

Rusiya Orta Asiya Hərbi Dairəsi-nin komandanı Aleksandr Lapin iyulun 19-da jurnalistlərə bildirib ki, təlimlər avqustun 5-10 arası Tacikistandakı Hərb-Meydan düzündə keçiriləcək. O qeyd edib ki, hərbi təlimlərdə müttəfiq ölkələrin ərazisinə soxulmuç qanunsuz silahlı birləşmələrin qarşısının alınması məşq ediləcək.

AzadlıqRadiosunun TASS-a istinadla verdiyi məlumata görə,bu təlimlərdə Rusiyanın Tacikistandakı hərbi bazasının heyəti-dağ-nəqliyyat ordusu, tank və artileriya bölmələri, həmçinin xüsusi təyinatlı qüvvələr iştirak edəcək.

Son həftələrdə Əfqanıstandan Tacikistana hökumət qoşunlarının əsgərləri və polislər də daxil olmaqla yüzlərlə qaçqın keçib.

Qonşu Türkmənistan da yaranmış vəziyyətə görə Əfqanıstanla sərhəd bölgəsinə hərbi texnika və canlı qüvvələr yeridir.

Son məlumata görə Taliban yaraqlıları son həftələrdə Əfqanıstanın 423 bölgəsinin təxminən üçdə birini ələ keçiriblər.

Qeyd edək ki, ABŞ-ın rəhbərlik etdiyi beynəlxalq koalisiya qüvvələri mayın 1-dən Əfqanıstanı tərk etməyə başladıqdan sonra yerli hökumət qüvvələri ilə Taliban yaraqlıları arasında döyüşlər başlayıb.

Almaniyada sel daşqınlarda həlak olanların sayı 130-u keçib

Şuld, Almaniya 15 iyul 2021

Almaniyanın qərbində fəlakətli sel nəticəsində ölənlərin sayı 133-ə yüksəlib.

Polisin açıqlamasına görə, Reynland-Pfalz əyalətində fəlakət nəticəsində 90-dan çox insan vəfat edib, təxminən 620 nəfər müxtəlif dərəcəli ağır xəsarətlər alıb.

"Deutsche Welle" xəbər verir ki, Şimali Reyn-Vestfaliyada 43 nəfər həlak olub. Səlahiyyətlilər qurbanlara dair məlumatların hələ sona çatmadığını, onlarla yerli sakinin hələ də itkin düşdüyü bildirilir.

İtkin düşənlərin axtarışı və bərpa işləri davam etdirilir. Təbi fəlakətin nəticələrinin aradan qaldırılması istiqamətində, polis, hərbi qüvvələr və könüllülər çalışmaqdadır.

Milyarder Fərhad Əhmədov keçmiş həyat yoldaşına 200 milyon dollar ödəyəcək

Milyarder Fərhad Əhmədov, arxiv foto

Əslən Azərbaycandan olan rusiyalı iş adamı, milyarder Fərhad Əhmədov, boşanma sonrası əmlak bölgüsü müqaviləsi çərçivəsində keçmiş həyat yoldaşına təxminən 207 milyon dollar ödəməyi qəbul edib.

Bu, sərvətinin təxminən yüzdə 15-i və İngiltərədəki məhkəmə tərəfindən 2017-ci ildə həyat yoldaşına verilən məbləğin yalnız üçdə biridir.

Bir neçə ildir keçmiş həyat yoldaşı Fərhad Əhmədovu məhkəməyə verib, Forbes jurnalinın 1,4 milyard dollar dəyərlkəndirdiyi əmlakının üçdən birini istəyirdi.

2016-cı ildə bir London məhkəməsi, milyarderin 453 milyon funt sterlinq (570 milyon dollar) ödəməsi ilə bağlı qərar çıxarıb. Financial Times qəzetinin qiymətləndirməsinə görə, bu boşanma zamanı verilən ən böyük məbləğlərdən biridir.

Əhmədov məhkəmənin qərarını yerinə yetirməkdən imtina edib. RBK-yə verdiyi müsahibədə milyarder məhkəmə qərarının onun üçün "tualet kağızından baha olmadığını" söyləib. Bundan sonra məhkəmə onun dünyadakı varidatına həbs qoyulmasını ilə bağlı qərar çıxarıb.

Bundan sonra, onun Dubay limanındakı 450 milyonluq "Luna" superyaxtasına həbs qoyulub.

Fobers jurnalinın məlumatına görə, Əhmədov bu məsələdə barışığa gəlsə də yaxtaa hüququnun bərpa olunması ilə bağlı razılığa gəlmək mümkün olmayıb.

Məhkəmədə udulan vəsaitin təxminən yarısı-103 milyon dollar onun keçmiş həyat yoldaşının vəkilinə çatıb.

Qırğızıstan Əfqan qırğızları qəbul etməyə hazır olduğunu bildirir və yardım istəyir

Əfqanıstanda yaşayan qırğızlar, arxiv foto

Qırğızıstan Talibanın hücumlarından Tacikistana sığınan Əfqanıstan qırğızlarının ölkəyə gətirilməsi ilə bağlı iş aparır.

Bununla bağlı Tacikistan hökuməti və BMT-nin Qaçqınlar üzrə Ali Komissarlığı ilə danışıqlar aparılır.

Rəsmi Qırğızıstan Talibanın hücumlarından qaçan Əfqanıstan qırğızlarını qəbul etməyə hazır olduğunu bildirir.

Qırğızıstan hökuməti məsələ ilə bağlı iyulun 17-də toplantı keçirib.

Müvafiq dövlət qurumlarına mümkün evakuasiya, köçürülmə sahəsinin hazırlanması, lazımi infrastrukturun yaradılması, etnik qırğızlara tibbi, sosial və hüquqi yardım göstərilməsi üçün bir sıra göstərişlər verilib.

Son bir neçə gündə təxminən 350 etnik qırğız Əfqanıstandan Tacikistana qaçıb. Tacikistan tərəfinin verdiyi məlumata görə, yolda iki körpə vəfat edib.

Son günlər Taliban hökumət qüvvələrinin nəzarətində olan onlarla bölgəni nəzarət altına aldığını bəyan edib.

Bu, ABŞ-ın rəhbərlik etdiyi beynəlxalq qüvvələrin Əfqanıstandan qoşunlarını çıxardığı bir vaxtda baş verir.

İranda sosial tələblərlə etirazlar davam edir

İranın Hamidyeh şəhərində etiraz aksiyası

İranda sosial tələblərlə etirazlar davam edir. Polislə toqquşmalar olub. Ölkənin neftlə zəngin cənub-qərbində susuzluq problemi yaşanır. Bu, son 50 ildə ən kəskin su problemidir.

Azadlıq Radiosu Fars xidmətinin məlumata görə, Xuzestan vilayətində çayların səviyyəsinin enməsi regionda içməli su qıtlığı yaradıb.

Su qıtlığı isə elektrik təchizatında problemlərə səbəb olub.

İyulun 15-də Əhvaz şəhərində azı 1 aksiyaçının saxlanaraq naməlum istiqamətə aparıldığını xəbər veriilr.

Qeyd edək ki, ötən ay İranın enerji sektorunda da maaşların artırılması tələnbilə tətillər keşirilmişdi.

Hakimiyyətsə bir qayda olaraq etiraz aksiyalarına görə xarici qüvvələri günahlandırır, onları etirazları qızışdırmağa cəhddə ittiham edir.

Braziliya prezidenti hərbi hospitala götürülüb

Brasilia- Prasident Jair Bolsonaro

Braziliya prezidenti Jair Bolsonaro San Paul-dakı hərbi hospitala götürülüb.

Reütersin məlumatına görə, o 2018-ci ildə özünün seçkiqabağı kampaniyalarından birində qarın nahiyəsindən bıçaqlanmış və o vaxtdan bu yana buna görə bir neçə dəfə bağarsağından əməliyyat olunub.

Ekspertlər hesab edirlər ki, 66 yaşlı prezidentin səhətinin pisləşməsi, məhz bununla bağlıdır.

Bolsonaro-da nadir xroniki öskürək əmələ gəlib və buna görə yenidən cərrahiyə əməliyatı gərək ola bilər.

Keçmiş ordu kapitanı qatı-sağçı prezident həm də 2020-ci ildə Covid-ə yoluxub.

Həkimlər və prezidentin özü hazırda səhətinin stabil olduğunu deyirlər.

Ötən gecə Tbilisidə yenidən etiraz aksiyası keçirilib

Gürcüstan-Tbilisidə etiraz aksiyası, 11 iyul 2021

İyulun 12-i gecə saatlarında Tbilisinin Rustavi prospektində etiraz aksiyası keçirilib. Aksiyaçılar az sonra hakim “Gürcü arzusu” partiyasının ofisinə yollanıblar.

AzadlıqRadiosunda olan məlumata görə, aksiya Daxili İşlər Nazirliyində keçirilən brifinqdən sora başlayıb. Nazirliyin əməkdaşları brifinqdə deyiblər ki, ekspertizanın nəticələri göstərib ki, “Pirveli” televiziya kanalının operatoru Lekso Lashkarava həddən artıq narkotik qəbul etdiyinə görə ölüb.

Qeyd edək ki, Lashkarava ötən həftə Tbilisidə “Geyparada” qarşı keçirilən aksiya zamanı döyüldükdən 6 gün sonra evində ölü tapılıb. OnuŞ aksiyanı işıqlandırarkən millətçi, radikal qüvvələr döymüşdü.

Lashkaravaın ölümü ölkədə böyük qalmaqala səbəb olub, ölkədə hökumətin istefası tələbi ilə kütləvi etiraz aksiyası keçirilib.Müxalifətdə olan bir qrup jurnalist və ictimai fəalsa bu tələblə iyulun 12-də yenidən parlamentin iclas zalına basqın edərək baş nazir və hökumətin istefasını tələb ediblər.

2020 Avropa Çempionatının ən yaxşı oyunçusu

İtaliya millisinin qələbə sevinci

Italiya millisinin qapıçısı Canluici Donnarumma futbol üzrə 2020-ci il Avropa Çempionatının ən yaxşı oyunçusu seçilib.

Bu barədə UEFA-nın rəsmi saytı məlumat verib.

Donnarumma iyulun 11-də İngiltərə ilə final görüşünün sonundakı penaltilər seriyasında komandasını 2 dəfə xilas edə bilib.

Nəticədə İtaliya millisi penaltilər seriyasında 3:2 hesabı ilə qalib gələrək Avropa çempionu olub.

Qeyd edk ki, oyunun əsas və artırılmış vaxtlarında hesab 1:1 olub.

İngiltərə millisi elə oyunun 2-ci dəqiqəsində rəqib qapısına yol tapa bilsə də İtaliya yığması ikinci hissədə hesabı bərabərləşdirib.

‘Priveli’ TV-nin ağır şəkildə döyülən opatoru evində ölü tapılıb

Lekso Laşkarava

Pirveli TV şirkətinin operatoru Lekso Lashkarava, Tbilisidə öz mənzilində ölü tapılıb.

Bu barədə kanalın saytındakı xəbərdə deyilir. 5 iyul Tbilisidəki aksiyaları işıqlandırarkən Laşkarava radikalların hücumuna məruz qalıb.

İddia olunur ki, LGBT cəmiyyətinin əleyhdarları onu Gürcüstan parlamentindən uzaq olmayan Sirtsxviliya təşkilatının ofisi qarşısında ağır şəkildə döyüblər.

Laşkarava üz sümüklərinin sınıqları ilə xəstəxanaya çatdırılıb, cərrahi əməliyyata ehtiyac olub. O bir neçə gün əvvəl klinikanı tərk edib və müalicəsini evdə davam etdirib.

Ölümün səbəbi müayinə ilə müəyyən ediləcək. Gürcüstan Daxili İşlər Nazirliyi, "Pirveli" TV-nin operatoru Lekso (Alexandre) Lashkaravanın ölümü ilə bağlı istintaq başlayıb.

Bildirilir ki, istintaq Cinayət Məcəlləsinin 115-ci - intihara aparma maddəsi ilə aparılır.

8 İyulda polis, Laşkarava və "Pirveli" TV-nin jurnalisti Miranda Baqaturiyaya hücum ittihamı ilə iki nəfəri həbs edib . Baqaturiyanın dediyinə görə, hücum edənlər ən azı 20 nəfər olub.

Gürcüstan Daxili İşlər Nazirliyinin məlumatına görə, aksiya zamanı 50-dən çox jurnalist xəsarət alıb.

5 iyul homofobik iğtişaşlar zamanı ümumilikdə 20 nəfər nəzarət altına alınıb.

"Qirçi-Daha çox Azadlıq" müxalifət partiyasının lideri Zurab Çaparidze hesan edir ki, operatorun ölümünə cavabdeyhliyi "Gürcüstan Arzusu" və Gürcüstan pravoslav kilsəsi daşıyır.

Türkmənistanda vətənpərvərlik təbliğatı aparılır...

Türmənistan-Əfqanıstan sərhəddi

Əfqanıstan -Türkmənistan sərhəddinə boyunca gərginlik davam etdiyi üçün hakimiyyət sərhəd bölgələrə ordu, hərbi texnika göndərməkdədir. AzadlıqRadiosunun Türkmən xidmətinin məlumatına görə, bununla yanaşı bölgəyə tibbi işçiləri də göndərilir, yerli sakinlər arasında vətənpərvərlik söhbətləri də aparılır.

«Bizim ölkədə müharibə yoxdur, başımızın üzərində mavi səmadı, hətta müharibə olsa belə qəhrəman türkmən xalqı vətəninin müdafiəsində dayanacaq"-deyə söhbətlərdə deyilir.

Vətənpərvərlik təbliğatı Əfqanıstanda "Taliban" hərəkatının hökumət qüvvələrinə hücumları və Orta Asiya ölkələri böyünca sərhəd əraziləri öz nəzarətinə alması fonunda aparılır.

Dövlətə məxsus Kütləvi İnformasiya Vasitələrində Əfqanıstandakı mövcud vəziyyət, o cümlədən sərhəd bölgəsindəki gərginliklə bağlı heç bir məlumat verilmir.

Türkmənistan sərhəd xidmətindəki etibarlı mənbələrdən AzadlıqRadiosuna verilən məlumatla görə, zorakılıqlardan qaçaraq sərhəddi keçən əfqanları Türkmənistan sərhədçiləri geri qaytarırılar.

ABŞ Haitiyə ordu göndərməkdən imtina edib

Haiti, 9 iyul 2021

ABŞ yerli hökumətin istəyi ilə Haitiyə əsgər göndərməkdən imtina edib.

Bu barədə Reuters, ABŞ prezident administrasiyasında adı açıqlanmayan bir yüksək vəzifəli şəxsə istinad edərək məlumat yayıb.

Cümə günü Haiti hökuməti prezident və parlament seçkiləri ərəfəsində Vaşinqtondan ölkədə nizam-intizamın bərpasında kömək istəyib.

İyulun 7-də ölkə paytaxtı Port-o-Prins şəhərində Haitinin prezidenti Jovenel Moiz qətlə yetirilib. Polisin məlumatına görə, daha 3 nəfərin də qətlində şübhəli bilinən 17 nəfər saxlanılıb. Prezidentin qətlindən sonra ölkədə iğtişaşlar başlayıb. Hökumət ölkədə 15 günlük fövqəladə vəziyyət elan edib.

Seçkilər naziri Matthias Pierre yaranmış vəziyyətlə bağlı iyulun 9-da ABŞ-dan hərbi yardım istəyib. Nazir CNN-ə verdiyi müsahibəsində Haitinin təxminən 500 nəfərlik məhdud bir kontingentə ehtiyacı olduğunu deyib. Hökumət eyni zamanda ölkəsinə ordu göndərilməsi üçün BMT-yə müraciət etdi. Təşkilatın sözçüsü Jose Luis Diaz Reuters-ə bildirib ki, qoşunların tətbiqi tələbi alınıb. Amma o deyib ki, bu məsələ Təhlükəsizlik Şurasında müzakirə olunmalıdır.

Seçkilər nazirinin dediyinə görə, sentyabrın 26-da ölkədə prezident və parlament seçkilərinin keçirilməsi planlaşdırılıbmış.

Davamı

XS
SM
MD
LG