Keçid linkləri

Təcili xəbərlər
2020, 24 Oktyabr, şənbə, Bakı vaxtı 22:52

Khalilzad Əfqanıstan sülh danışıqlarına nikbin baxır


Zalmay Khalilzad

ABŞ-ın Əfqanıstan üzrə xüsusi elçisi deyir ki, Taliban qruplaşması ilə əfqan hökumətinin sülh danışıqlarına başlayacağına nikbin yanaşır. O əlavə edib ki, hər şey yaxşı gedərsə ABŞ hərbçiləri bu ölkədən vaxtından qabaq çıxarıla bilərlər.

Zalmay Khalilzad iyunun 1-də deyib ki, Əfqanıstan hökuməti məhbusları azad etdikcə xeyli irəliləyiş baş verir. Bu addımın əfqandaxili danışıqlara aparacağı gözlənir.

“Yaxşı məqamdayıq”, – deyən Khalilzad əlavə edib ki, Ramazanda elan olunmuş atəşkəsdən sonra ölkədə zorakılığın səviyyəsi aşağıdır.

“Nəhayət ki əfqandaxili danışıqların başlanmasına doğru getdiyimizdən nikbinik”, – Khalilzad deyib. Ancaq o, konkret tarix açıqlamayıb, məhbusların buraxılması üzrə “hələ çox iş görülməli olduğunu” vurğulayıb.

Fevralda imzalanmış ABŞ-Taliban razılaşmasına görə silahlı qruplaşmanın təhlükəsizlik öhdəlikləri qarşılığında ABŞ hərbçilərinin Əfqanıstanda çıxarılması nəzərdə tutulur. Sənəddə 5 min talibançının buraxılması, qruplaşmanın isə min əsiri azad etməsi nəzərdə tutulur.

Aprelin əvvəlindən ötən həftəyədək Əfqanıstan hakimiyyəti 1100 talibançını, Taliban isə 245 əsiri azad edib.

XS
SM
MD
LG