Keçid linkləri

2024, 28 Mart, Cümə axşamı, Bakı vaxtı 16:36

Radio Azattyk və tərəfdaşları mükafat alıb


Bişkekdə antikorrupsiya etirazı. Sözügedən araşdırmaya hakimiyyətin reaksiya verməməsinə etiraz edirlər, 25 noyabr, 2019-cu il
Bişkekdə antikorrupsiya etirazı. Sözügedən araşdırmaya hakimiyyətin reaksiya verməməsinə etiraz edirlər, 25 noyabr, 2019-cu il

AzadAvropa/AzadlıqRadiosunun Qırğızıstan xidməti – Radio Azattyk, Mütəşəkkil Cinayətkarlığı və Korrupsiyanı Xəbərləmə Layihəsi (OCCRP) və Kloop qırğız xəbər saytı 2019-cu il Tom Renner Mükafatına layiq görülüb. Mükafat ABŞ-dakı Araşdırmaçı Jurnalistlər və Redaktorlar (IRE) təşkilatı tərəfindən Qırğızıstandan kütləvi nağd pul axınını ifşa edən yazılara görə verilib.

IRE aprelin 6-da bildirib ki, “Orta Asiyanın Ürəyində Talan və Himayədarlıq” adlı silsilə yazılar “adamların qətl törədilmədən ifşasını istədiklərini göstəriir və əlbəttə ki, bu jurnalistlərə təhlükədir”.

Birgə media araşdırmasında Çinin şimal-qərbindəki Sintzyan regionundan 37 yaşlı uyğur biznesmen, çirkli pul yuduğunu etiraf edən Aierken Saimaiti-nin Qırğızıstandan yüzmilyonlarla dolları necə çıxarmasından söz açılırdı. Bu pulun böyük hissəsi Çində doğulmuş uyğur, Qazaxıstan pasportu daşıyan Khabibula Abdukadyr-ın rəhbərlik etdiyi biznes şəbəkəsi vasitəsilə çıxarılıb.

Söhbət 700 milyon dollardan çox vəsaitdən gedirdi.

Əsas fiqur öldürülsə də...

Saimaiti noyabrın 10-da İstanbulda öldürülüb, amma ölümündən qabaq jurnalistlərə verdiyi sənədlərdə Qırğızıstanda dövlət vəsaitinin kütləvi və sistematik şəkildə necə talan olunduğu ifşa edilib.

Araşdırmada Abdukadyr-ın rəhbərlik etdiyi nəhəng gizli karqo imperiyasının ölkənin gömrük xidmətinə böyük məbləğlərdə rüşvət verməsi də ifşa olunurdu. Keçmiş vergi məmuru Raimbek Matraimov-un adı çəkilsə də, özü iddiaları rədd edirdi.

“Bu, AzadAvropa/AzadlıqRadiosunun missiyasına, işlədiyimiz ərazilərdə dövlət hesabatlılığı və hüququn aliliyini işıqlandırmağa sadiqliyimizə müstəsna nümunədir. Bu araşdırmaya görə jurnalistlərimiz təhdid və hücumlara məruz qalsalar da, geri çəkilmədilər”, – Radionun Prezidenti Jamie Fly deyib.

Araşdırma bir videonu da üzə çıxarıb. Prezident Sooronbai Jeenbekov 2017-ci ilin noyabrında and içəndə Abdukadyr ikinci cərgədə, prezidentin qardaşı, Qırğızıstanın Ukraynadakı səfiri Jusupbek Sharipov-un yanında əyləşib.

Jurnalistlər Saimaiti-nin bu məsələ haqda çox şey bildiyini üzə çıxarmışdılar.

“Bu mövzuda yazmaq təhlükəli işdir, buna görə ‘çox sağ ol’ demirlər, amma AzadAvropa/AzadlıqRadiosunun və Kloop-un jurnalistləri ölən mənbənin son sözlərini çatdıra bildilər”, – OCCRP-nin həmtəsisçisi və naşiri Drew Sullivan deyib.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG