Keçid linkləri

Təcili xəbərlər
2019, 13 Noyabr, çərşənbə, Bakı vaxtı 19:53

Rahmon kütləvi amnistiya təklif edir


Emomali Rahmon-un portreti

Tacikistan Prezidenti Emomali Rahmon parlamentə 20 minədək adamı əhatələyəcək kütləvi amnistiya qanunu təklif edib. Ölkə konstitusiyasının 25-ci ildönümü münasibətilə veriləcək amnistiyaya əcnəbilərin də düşəcəyi bildirilir.

Prezidentin təklif etdiyi layihə oktyabrın 16-da onun vebsaytında yerləşdirilib. Layihədə 3 min məhbusun təcridxanalardan buraxılması, həbsə məhkum edilməmiş 5 mindən çox fərdin də əfvi nəzərdə tutulub.

Bundan başqa, 2 mindən artıq şübhəliyə qarşı istintaq dayandırılacaq, 10 minədək məhbusun həbs cəzası qısaldılacaq.

Ağır cinayətlərdə təqsirli bilinmiş, 12 ildən artıq həbs cəzası çəkmiş qadınlar, yaşı 70-dən yuxarı kişi məhbusların çoxu, bütün əcnəbi məhbuslar da buraxılacaq.

Tacikistan müstəqillik əldə edəndən ölkədə 15 kütləvi amnistiya verilib. Ancaq amnistiya heç vaxt siyasi motivlərlə məhkum olunmuşlara aid edilmir.

Günün bütün mövzuları

XS
SM
MD
LG