Keçid linkləri

Təcili xəbərlər
2018, 23 Oktyabr, çərşənbə axşamı, Bakı vaxtı 13:05

Pentaqon Əfqanıstan üzrə yeni komandirin adını açıqlayacaq


General John Nicholson

Xüsusi əməliyyatlar üzrə ixtisaslaşmış hərbçi Birləşmiş Ştatlar və koalisiya qüvvələrinin Əfqanıstandakı yeni komandiri seçilib. Bu haqda media mayın 23-də ABŞ rəsmilərinə istinadla yazıb.

Ordu general leytenantı Scott Miller-in bu vəzifədə ordu generalı John Nicholson-u əvəzləyəcəyi gözlənir. Nicholson 2016-cı ilin martından həmin postdadır.

AP, Reuters və Wall Street Journal yazırlar ki, Miller-in təyinatı üçün ABŞ senatı onu təsdiqləməlidir.

Miller hazırda Birgə Xüsusi Əməliyyatlar Komandanlığının başındadır. Bu komandanlıq dünyada bir sıra həssas missiyalar həyata keçirib.

O, 2013-14-c illərdə Əfqanıstanda xüsusi əməliyyatlar kontingentinə də rəhbərlik edib.

Pentaqon hələlik, məlumatları şərh etməyib.

ABŞ hökumətinin mayın 21-də yaydığı hesabatda deyilirdi ki, Əfqanıstanda çox az irəliləyiş əldə olunub.

Əfqanıstanda 17 ildir gedən müharibədə 2400-dən çox ABŞ əsgəri və minlərlə əfqan həlak olub.

Günün bütün mövzuları

XS
SM
MD
LG