Rusiyalı biznesmen Oleg Deripaska “Rusal” və “En+” şirkətlərinin direktorlar şürasından çıxır.
Onun yerini “En+” şirkətinin müstəqil direktoru tutacaq.
Bu barədə şirkətin rəsmi saytında bildirilir.
Belə bir addım, ABŞ Maliyyə nazirliyinin şirkətə qarşı tətbiq etdiyi sanksiyaları aradan qaldırması üçün atılır.
Deripaska bundan əvvəl, “En+”şirkətdəki payını 50 faizdən də aşağı salmaq və direktorlar şürasının sədrliyindən getmək razılığına gəlib.
ABŞ-ın maliyyə nazirliyi 2018-ci il aprelin 6-da 38 rusiyalı biznesmen və Rusiya şirkətlərinə qarşı yeni sanksiyalar tətbiq edib.
Bu sanksiyalar, Deripaska və onun rəhbərlik etdiyi sözügedən şirkətlərə də şamil edilib.
Buna da bax: Birləşmiş Ştatlardan Rusal-a təklif.
Qeyd edək ki, Birləşmiş Ştatlar 2014-cü ildə Krımın işğalı, Ukraynanın şərqindəki separatçı münaqişə və Moskvanın ABŞ-da keçirilən son prezident seçkilərinə müdaxiləsinə görə Rusiyaya qarşı bir sıra sanksiyalar tətbiq edib.
Qərb Rusiyanı Ukraynanın şərqindəki rusiyapərəst separatçıları dəstəkləməkdə, Krımın işğalında, həmçinin Vaşintpn Moskvanı ABŞ-da keçirilən prezident seçkilərinə müdaxilədə günahlandırır.
Moskva ittihamları rədd edir.
