Keçid linkləri

Təcili xəbərlər
2018, 28 May, Bazar ertəsi, Bakı vaxtı 12:00

Reuters: Rusiya Şimali Koreyaya kömək edir


Şimali Koreya, arxiv fotosu

Şimali Koreya Rusiya limanları vasitəsiylə Yaponiya və Cənubi Koreyaya kömür ixrac edib və bununla da BMT sanksiyalarını pozub. Məlumatı Reuters yayıb.

Agentlik yanvarın 25-də Qərbi Avropanın üç kəşfiyyat mənbəyinə istinad edib.

BMT-nin Təhlükəsizlik Şurası avqustda Şimali Koreyadan kömür ixracını yasaqlayıb. Bu addım Pxenyanın mövcud sanksiyaları pozaraq ballistik raket sınaqlarına cavab olaraq atılıb.

Ancaq Reuters mənbələrə istinadla bildirir ki, Şimali Koreya o vaxtdan bəri azı üç dəfə Rusiyanın Naxodka və Xolmsk limanlarına kömür göndərib. Ordansa kömürün Cənubi Koreya və Yaponiyaya gedən gəmilərə yükləndiyini qeyd edilir.

ABŞ-da bir təhlükəsizlik mənbəyi agentliyə Şimali Koreyanın Rusiya ərazisindən kömür ticarətinin indi də davam etdiyini təsdiqləyib.

Rusiyanın BMT-dəki missiyası noyabrda Təhlükəsizlik Şurasını əmin edirdi ki, Moskva sanksiyalara əməl edir.

Rusiyalı deputatlarsa Reuters-in yazdığını tənqid edib, bunu Moskvaya qarşı “konspirasiya nəzəriyyəsi”, “informasiya müharibəsi” adlandırıblar.

Günün bütün mövzuları

XS
SM
MD
LG