Keçid linkləri

Təcili xəbərlər
2018, 22 Oktyabr, Bazar ertəsi, Bakı vaxtı 20:46

ABŞ AzadlıqRadiosu jurnalistinin həbsini pisləyir


Mykola Semena

Birləşmiş Ştatlar Azad Avropa/Azadlıq Radiolarının (RFE/RL) jurnalisti Mykola Semena-nın ötən həftə Rusiyanın işğal etdiyi Krımda məhkum edilməsini pisləyib.

Məhkəmə 66 yaşlı Semena-nı separatçılıq ittihamları üzrə təqsirli bilib, ona iki il yarımlıq şərti cəza kəsib, jurnalist fəaliyyətini də qadağan edib.

«Bu hökm cənab Semena-nın Rusiyanın Krımı işğal və ilhaq etməsini tənqid edən yazılarına əsasən çıxarılıb», – ABŞ Dövlət Departamentinin sözçüsü Heather Nauert sentyabrın 25-də deyib.

«Rusiyanın işğalçı hakimiyyətini hökmü ləğv etməyə, Semena-nın jurnalist fəaliyyətinin bərpasına icazə verməyə və Krımda narazıların boğulmasını dayandırmağa çağırırıq», – o söyləyib.

Nauert Krımın Ukraynanın ayrılmaz hissəsi olduğunu, Birləşmiş Ştatların Ukraynanın ərazi bütövlüyü və suverenliyini dəstəklədiyini bir daha dilə gətirib.

RFE/RL-in Krym.Realii (Krım Reallıqları) portalıyla əməkdaşlıq edən Semena 2016-cı il aprelin 19-da saxlanıb və ona «Rusiya Federasiyasının ərazi bütövlüyünə qarşı çıxmaq» ittihamı verilib.

Semena ittihamı siyasi motivli adlandırıb.

Günün bütün mövzuları

XS
SM
MD
LG