Keçid linkləri

2017, 21 Avqust, Bazar ertəsi, Bakı vaxtı 04:47

Putin ABŞ seçkisinə müdaxiləylə bağlı deyilənləri danır


V.Putin

Rusiya prezidenti Vladimir Putin ABŞ prezidenti Donald Trump-la bağlı əlində kompromat olması haqda deyilənləri təkzib edib. O, Moskvanın 2016-cı il ABŞ prezident seçkisinə müdaxilə etmədiyini də dilə gətirib.

Putin iyunun 4-də ABŞ-ın NBC telekanalının «Sunday Night with Megyn Kelly» proqramına müsahibə verib. O deyib ki, əlində Trump-a ziyan vuracaq informasiya olması barədə məlumatlar cəfəngiyatdır: «Bütün bu məlumatları haradan alırıq?».

Putin-in dedikləri proqramda ruscadan ingiliscəyə tərcümə olunub.

O söyləyib ki, Moskvanın, ABŞ-ın çoxsaylı kəşfiyyat agentliklərinin iddia etdiyi kimi, prezident seçkisinə müdaxiləsinə ehtiyac yoxdur.

«Bunu etməyə ehtiyac da yoxdur. Prezidentlər gəlirlər, gedirlər, hətta hakimiyyətdəki partiyalar belə dəyişirlər, ancaq əsas siyasi kurs dəyişmir», – Putin deyib.

Putin ABŞ prezidentiylə «xüsusi münasibəti» olmadığını bildirib.

Hazırda ABŞ kəşfiyyat orqanları Rusiya rəsmilərinin ötənilki prezident seçkisi kampaniyasına mümkün təsirini araşdırır.

Günün bütün mövzuları

XS
SM
MD
LG