Keçid linkləri

Təcili xəbərlər
2018, 22 May, çərşənbə axşamı, Bakı vaxtı 02:14

Genosiddə suçlanır, Trump-la sammitə qatılacaq


Omar al-Bashir

Genosid törətdiyi bildirilən Sudan prezidenti Omar al-Bashir mayın 20-də Səudiyyə Ərəbistanında sammitə qatılacaq. Həmin tədbirdə ABŞ prezidenti Donald Trump da iştirak edəcək.

Sudanın xarici işlər naziri Ibrahim Ghandour mayın 17-də Cenevrədə jurnalistlərə deyib ki, Omar al-Bashir mayın 19-da Səudiyyəyə gedəcək.

«ABŞ-la münasibətlərimizin normallaşmasını gözləyirik», – o, sözlərinə əlavə edib.

Amma Xartumdakı ABŞ səfirliyindən bildiriblər ki, Trump-la Bashir arasında görüş gözlənilmir, «Birləşmiş Ştatlar Beynəlxalq Cinayət Məhkəməsinin axtardığı şəxsə dəvət göndərilməsinə, onun səyahətinin dəstəklənməsinə qarşıdır».

2008-ci ildə Haaqa məhkəməsi onu genosid, hərbi cinayətlərdə ittiham edərək, barəsində axtarış elan edib, ancaq Omar al-Bashir həbsdən yayınıb. İttihamlar Darfur bölgəsində on minlərlə insanın həlak olduğu münaqişəylə bağlıdır. Amma Bashir ittihamları rədd edir.

D.Trump yanvarda vəzifəyə keçəndən ilk xarici səfərinə çıxır. O, Ər-Riyadda, Yerusəlimdə, Romada və Brüsseldə olacaq. Onu dövlət katibi Rex Tillerson müşayiət edəcək.

Günün bütün mövzuları

XS
SM
MD
LG