Elmar Məmmədyarov: 'ABŞ çətin tərəfdaşdır, tənqid edir'

“Azərbaycanın Avropa Birliyi ilə münasibətlərə öz baxışı var. Bu, strateji tərəfdaşlıq münasibətləridir”.

Moskvada səfərdə olan xarici işlər naziri Elmar Məmmədyarov martın 7-si Rusiya Diplomatik Akademiyasında çıxışı zamanı belə deyib.

“Biz Avropa Birliyi ilə strateji tərəfdaşlıq münasibətlərinin səviyyəsinin müəyyən edilməsinə başlamışıq ”, - deyən nazir Azərbaycan - ABŞ münasibətlərinə də toxunub.

Buna da bax:​ E.Məmmədyarov D.Rogozin-lə görüşüb

E. Məmmədyarov bildirib ki, Vaşinqton müzakirələrdə çətin tərəfdaşdır.

“Onlar hər zaman səni eşitmirlər. Bununla belə münasibətlərimiz olduqca möhkəmdir. Biz Əfqanıstanla bağlı da birgə fəaliyyət göstəririk. ABŞ-la tərəfdaşlıq münasibətlərimiz olduqca uğurlu inkişaf edir. Lakin insan hüquqları sahəsində Rusiya kimi bizi də tənqid edirlər. Bu oyunun qaydası belədir”, nazir deyib.

Buna da bax:​ Wall Street Journal: "Vaşinqtonun Rusiyaya qarşı siyasəti qəfil sərtləşib"

Azərbaycan xarici işlər naziri E. Məmmədyarov martın 6-sı Rusiyaya gedib. O, həmin gün rusiyalı həmkarı S.Lavrov-la görüşmüşdü.

Bu gün, martın 7-si isə baş nazirin müavini, Azərbaycan ilə Rusiya arasında iqtisadi əməkdaşlıq üzrə Hökumətlərarası Komissiyasının həmsədri Dmitry Rogozin-lə bir araya gəlmişdi.