Keçid linkləri

2024, 28 Mart, Cümə axşamı, Bakı vaxtı 23:13

Qafqaz Universitetində yalnız yerli müəllimlər qalıb


Qafqaz Universiteti
Qafqaz Universiteti

«Qafqaz Universitetində lazımi potensial, texniki baza var. Mən də rektor olaraq göstərilən etimadı doğrultmalıyam. Sözsüz ki, kadr və digər məsələlərdə ciddi dəyişikliklər, lazımi islahatlar olacaq».

APA-nın xəbərinə görə, bir müddət öncə Bakı Ali Neft Məktəbinin idarəçiliyinə keçdiyi bildirilən Qafqaz Universitetinin yeni rektoru Havar Məmmədov belə deyib. Rektor bildirib ki, sentyabrın 10-da kollektivlə görüş keçiriləcək və bir çox məsələlər müzakirə olunacaq.

Buna da bax:​ Qafqaz Universitetində yeni rektor

O, əlavə edib ki, Qafqaz Universiteti heç vaxt Bakı Ali Neft Məktəbinin idarəçiliyinə verilməyib. Universitetin bağlanması söhbəti də olmayıb və bu gün sərbəst, özəl ali məktəb kimi fəaliyyət göstərir.

«Avqustun 5-dən Qafqaz Universitetində fəaliyyət göstərən müəllimlərin hamısı işdən azad olunub və onlar ölkələrinə qayıdıblar. Gedənlərin arasında ali məktəbdə rəhbər vəzifələr tutanlar da olub. Onların sayı müəllim və texniki işçilər də daxil olmaqla, 45 nəfər idi», yeni rektor deyib.

Buna da bax:​ 50 müəllim Qafqaz Universitetindən xaric edildi

Yeni rektor: «Qafqaz Universitetinin bağlanması söhbəti olmayıb. Bakı Ali Neft Məktəbinin idarəçiliyinə verilməyib...»

O, vurğulayıb ki, hazırda ali məktəbdə yalnız azərbaycanlı müəllimlər fəaliyyət göstərir.

Bu il iyulun 20-də təsisçilərinin qərarı ilə Qafqaz Universitetinin Bakı Ali Neft Məktəbinin nəzarətinə verildiyi açıqlanmışdı. Məktəbin rəhbəri E.Qasımovun hər iki tədris müəssisəsinin rektoru funksiyasını yerinə yetirdiyi bildirilirdi.

«Qafqaz Universiteti Bakı Ali Neft Məktəbinin rektorluğunun idarəçiliyi altında fəaliyyətini davam etdirəcək. Qafqaz Universiteti Bakı Ali Neft Məktəbinin rektorluğunun idarəçiliyi altında daha da inkişaf edəcək», o zaman Elmar Qasımov belə demişdi.

Buna da bax:​ ‘FETÖ’çuların Azərbaycandakı tərəfdarlarının hamısı üzə çıxarılacaq’

Avqustun 31-də Türkiyədə səfərdə olan daxili işlər naziri Ramil Usubov keçirdiyi mətbuat konfransında Fətullah Gülen hərəkatı ilə mübarizə tədbirləri çərçivəsində Qafqaz Universitetinin qapadıldığını xüsusi qeyd etmişdi.

Hazırda ABŞ-da yaşayan ilahiyyatçı Fətullah Güleni Türkiyə hökuməti iyulun 15-də bu ölkədə baş verən dövlət çevrilişinə cəhdi himayə etməkdə günahlandırır.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG