-
Zümrüd Yağmurun yeni kitabı çıxıb. “Ölkə adı:22”. Kitab haqda məlumatda deyilir ki, bu, anti-utopik romandır və "ada-həbsxanada çərəyan edən hadisələr fonunda bir toplumun siyasi rejimin etdiyi zülmə boyun əyməsi nəticəsində bütün dəyərlərin məhv olmasının yaratdığı faciələr acı səhnələrlə təsvir olunub."
İnsanların ən adi insani haqlardan məhrum edilməsi, hətta yemək qadağasına qarşılıq olaraq daha yaxşısını əldə etmək uğrunda əxlaqi dəyərləri qurban verməsi, bir cəmiyyətdə mənəvi deqradasiyası baş verdikdə insanların hansı faciələrə dücar olması kitabın əsas mövzularıdır.
Ən ali hiss olan sevgi ilə bir toplumun başına gələ biləcək ən böyük bəla olan diktatura qarşı-qarşıya gəlir və insanların boyun əyməsi ucbatından sevgi belə, zülmə məğlub olur.
