Ukrayna yolayırıcında: hərb və ya sülh

Ukrayna ordusu separatçıları təxribatda günahlandırır

"Əgər separatçılar da eyni addımı atarlarsa, Ukrayna ordusu Donbasdan ağır hərbi texnikanı çıxarmağa hazırdır". Ukrayna ordusunun sözçüsü Andrey Lysenko belə deyib. Lysenko onu da bildirib ki, Donbasda vəziyyət “ümumi götürəndə” sabitləşməkdədir.

Ukraynanın baş qərargahından verilən məlumata görə, kütləvi hərbi əməliyyatların yenidən başlanması və əraziyə Ukrayna ordusunun yeridilməsinə hələ ki zəmin yaranmayıb. O da qeyd olunub ki, bu gecə separatçılar tərəfindən açılan atəş “provakasiya” xarakteri daşıyır, hərbçilər arasında itki yoxdur.

Fevralın 15-də daha çox atışma Debaltsevo şəhərində qeydə alınıb. Özünü xalq respublikası elan etmiş Donetskin müdafiə naziri Eduard Basurin elan edib ki, barışığa baxmayaraq, separatçılar “Debaltsevonu atəşə tuta bilərlər, çünki bura onların ərazisidir”. Basurinin dediyinə görə, digər şəhərlərdə atəşkəsə əməl olunmaqdadır.

Ukrayna cəbhədən çıxarılan silahlara yer hazırlayıb

​_{Ukrayna antiterror əməliyyatı təmsilçisi Andrei Lysenko deyir ki, Ukrayna tərəfi cəbhə bölgəsindən çıxarılacaq ağır silahlar üçün xüsusi meydançalar hazırlayıb və vurğulayıb ki, eyni işi görməyə boyun olan qarşı tərəfdə belə hazırlıq müşahidə olunmur. Fevralın 17-dən gec olmayaraq tərəflər ağır artilleriyanın qarşıdurma xəttindən uzaqlaşdırmalı, bu işi 2 həftəyə başa çatdırmalıdırlar.} U

Ukrayna silahlı qüvvələrinə cavab atəşi icazəsi

_{Ukrayna silahlı qüvvələrinin baş qərargah rəisi Viktor Muzhenko Donbassdakı ordu hissələrinə cavab atəşi açmağa icazə verib. Yaraqlıların hücuma keçmək və ya yaşayış binalarını atəşə tutduğu təqdirdə cavab verilməsinə yaşıl işıq yandırılır.}