Keçid linkləri

Təcili xəbərlər
2021, 24 Sentyabr, Cümə, Bakı vaxtı 23:04

Milli Məclis media qanununu sərtləşdirdi


Dekabrın 16-da Milli Məclisin növbəti iclası keçirilib. Gündəliyə 30 məsələ daxil idi.

Həmçinin, «Dövlət əmlakının özəlləşdirilməsi haqqında», «İnformasiya vermək haqqında», «Yol hərəkəti haqqında», «Kütləvi informasiya vasitələri haqqında», «Dərman vasitələri haqqında» qanunlara, İnzibati Xətalar, Su və Miqrasiya məcəllələrinə dəyişikliklər müzakirə olunub.

Kütləvi informasiya vasitələrinin istehsalına və yayımına xitam verilməsi qaydası dəyişdirilib. «Kütləvi informasiya vasitələri haqqında» qanuna təklif olunan dəyişikliklərə əsasən, media orqanı il ərzində məhkəmənin qərarı ilə 2 dəfə məsuliyyətə cəlb edildikdə onun istehsalına və yayımına xitam verilməsi barədə məhkəmə qarşısında iddia qaldırılacaq. Hazırkı qanunda iddianın qaldırılması üçün tələb olunan məsuliyyətə cəlb edilmə hallarının sayı 3-ə bərabərdir. Dəyişiklik barədə qanun layihəsini Milli Məclisə prezident təqdim edib.

AzadlıqRadiosu müzakirəni izləyərək canlı bloqu daim yeniləyir. Ən yeni xəbərlər bloqun əvvəlində yerləşdirilir. Mətndən aşağıda göy rəngli «davamı» düyməsini basmaqla bloqu vərəqləmək, əvvəlki postlarla da tanış olmaq mümkündür.

14:22 16.12.2014

«Həmsədrlərin işğal olunmuş ərazilərə Ermənistandan getməsinə son qoyulmalıdır»

Bəxtiyar Əliyev
Bəxtiyar Əliyev

Parlamentin 16 dekabr iclasında çıxış edən deputat Bəxtiyar Əliyev bildirib ki, Minsk qrupunun həmsədrlərindən olan ABŞ Dağlıq Qarabağı işğal altında saxlayan separatçı rejimə hər il maliyyə yardımı ayırır:

«Avropa Şurası Parlament Assambleyasının 2005-ci ilin yanvarında qəbul etdiyi qətnamədə açıq-aydın formada qeyd olunub ki, Dağlıq Qarabağ separatçı rejimin nəzarəti altındadır. Bu gün isə ABŞ həmin separatçı rejimi maliyyələşdirir. Məhz belə hallar sülh danışıqlarını dalana dirəyib. Azərbaycan və Ermənistan arasında vasitəçilik edən ATƏT-in Minsk qrupu həmsədrləri daimi qeyd edirlər ki, tərəflər arasında qarşılıqlı etimad yaradılmalıdır».

Deputatın dediyinə görə, Minsk qrupu həmsədrləri özləri isə nədənsə heç bir iş görmür, əksinə, vəziyyəti daha da qəlizləşdirirlər, işğal altındakı ərazilərə Ermənistandan səfər edirlər:

«Bu vəziyyəti aradan qaldırmaq lazımdır. 1990-cı illərin sonlarında ABŞ-dan olan həmsədrin təşəbbüsü ilə işğal olunmuş ərazilərə səfər Ağdam rayonu ərazisindən olmuşdu. Yəni, Azərbaycanın işğal altında olmayan ərazisindən işğal altındakı ərazilərə getdilər və geri qayıtdılar. Bu, qarşılıqlı etimadın yaradılması və sülhün əldə olunması üçün ən effektiv metoddur. Biz nəyə görə ATƏT-in Minsk qrupu həmsədrlərindən bunu tələb etmirik? Niyə onlara demirik ki, Azərbaycanın işğal olunmuş ərazisinə Ermənistandan deyil, Azərbaycan ərazisindən gedin?».

13:29 16.12.2014

Milli Məclis Azərbaycanla Rusiya arasında sərmayələrin təşviqi və qarşılıqlı qorunması haqqında sazişi qəbul edib

Milli Məclis
Milli Məclis

Milli Məclis Azərbaycan hökuməti ilə Rusiya hökuməti arasında sərmayələrin təşviqi və qarşılıqlı qorunması haqqında sazişi qəbul edib. Sazişdə deyilir ki, tərəflər öz ərazisində sərmayələrin həyata keçirilməsi üçün əlverişli şərait yaradır. İki ölkə arasındakı sərmayələr milliləşdirilə, məcburi müsadirə hallarına məruz qala bilməz. Amma sazişdə istisna hallar var ki, bu zaman bazar qiymətlərinə uyğun və dollar ekvivalenti ilə kompensasiya ödənilməsi nəzərdə tutulur.

Hərbi qulluqçuların icbari sığortası ilə bağlı edilən dəyişikliyə görə, sığortaçı müvafiq icra hakimiyyəti orqanları ilə sığorta müqaviləsi bağlamaqdan imtina edə bilməz. Digər dəyişikliyə görə, sığortaçı sığorta ödənişini gecikdirdikdə, hər gecikdirilmiş gün üçün sığorta ödənişi məbləğinin 0,1 faizi həcmində dəbbə pulu ödəyir.

Davamı

XS
SM
MD
LG