Rusiyaya məxsus gəminin mühərrikində texniki nasazlıq yaranıb

-
Fövqəladə Hallar Nazirliyinin (F.H.N) saytında yayılan məlumata görə, noyabrın 28-də səhər tezdən Xəzər dənizi Çilov adası yaxınlığında (Abşeron yarımadasında, 8 kilometr cənub) Rusiyaya məxsus quru yük gəmisinin mühərrikində texniki nasazlıq yaranıb.

F.H.N-nin Xəzər Hövzə Qəza-xilasetmə Xidmətinin “Qoryaçi” qəza-xilasetmə gəmisi dərhal hadisə yerinə cəlb olunub.

Əməliyyatın nəticələri barədə əlavə məlumat veriləcək.