Keçid linkləri

2024, 11 May, şənbə, Bakı vaxtı 04:32

Naryshkin: «Rusiya Qarabağ münaqişəsinin kənardan hazır reseptlərlə həllinə qarşıdır»


Sergei Naryshkin
Sergei Naryshkin
-
«Rusiya həmişə Cənubi Qafqazda əmin-amanlıq və stabilliyin bərqərar olmasına tərəfdar olub».

APA bildirir ki, bu fikirləri Rusiya Dövlət Dumasının sədri Sergei Naryshkin Bakı Slavyan Universitetində çıxışı zamanı deyib.

Onun fikrincə, bu kontekstdə Dağlıq Qarabağ münaqişəsinin nizamlanması mühüm əhəmiyyət kəsb edir:

«Rusiyanın bu məsələdə mövqeyi dəyişməz qalır. Biz bu problemin kənardan hazır reseptlər əsasında həllinə qarşıyıq. Qəti şəkildə əminik ki, bu problem hər iki tərəfin maraqları təmin olunacağı təqdirdə həll edilə bilər. Belə həll yolu tapılsa, Rusiya bu razılaşmanın qarantı rolunda çıxış etməyə hazırdır. Lakin münaqişənin nizamlanmasına görə məsuliyyət yenə də Azərbaycan və Ermənistan xalqlarının üzərinə düşür».

S.Naryshkin Rusiyanın sabiq prezidenti Dmitry Medvedev'in təşəbbüsü ilə Azərbaycan və Ermənistan prezidentləri arasında 10 görüş keçirildiyini xatırladıb:

«Bu görüşləri tam nəticəsiz adlandırmaq olmaz. Keçirilən görüşlər tərəflərin mövqelərini müəyyənləşdirməyə və Dağlıq Qarabağ münaqişəsinin həll istiqamətlərini müəyyənləşdirməyə imkan verdi».

Dövlət Dumasının sədri son zamanlar cəbhə xəttində baş verən insidentlərdən narahatlığını ifadə edib:

«Biz həmişə öz mövqeyimizi qəti şəkildə ortaya qoymuşuq – güc tətbiq etməmək və güc tətbiqi ilə hədələməmək münaqişənin nizamlanması üçün əsas şərtlərdən biridir. Mən optimistəm və ümid edirəm ki bu münaqişə sülh yolu ilə həllini tapa bilər».

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG