Rusiya prezidenti Vladimir Putinin andiçmə mərasimindən sonra da Moskvada müxalifətin etiraz aksiyaları davam edir. Mərasimdən sonra sosial şəbəkələrdə gecəni meydanda keçirməyə çağırışlar olub. Budan sonra bir neçə yüz müxalifət fəalı termoslarda çaylarını götürüb şəhərin mərkəzinə axışıb. Gecə vaxtı onları bir dəfə polis meydandan çıxarsa da səhərə yaxın onlar yenidən meydana toplaşıblar.