Azərbaycan Mərkəzi Bankı (AMB) manatın fevralın 24-nə olan rəsmi məzənnəsini açıqlayıb.
Rəsmi məzənnəyə görə, fevralın 24-də bir dollar 1,7475 manata bərabər olacaq.
Buna da bax: 'Manatın devalvasiyasının FED-ə dəxli yoxdur'
Fevralın 23-də Mərkəzi Bank Dövlət Neft Fondunun da iştirakı ilə valyuta hərracı keçirmişdi.
Hərracda manatın orta çəkili məzənnəsi 1.7498 səviyyəsində formalaşmışdı.
Maraqlıdır ki, Mərkəzi Bank rəsmi məzənnəni hərracdakı məzənnədən aşağı müəyyən edib. Bu ilk dəfə baş verir.
Buna da bax: Türkiyə ilə Azərbaycan ticarətin milli valyutalarla aparılmasını müzakirə edir
Son həftələr manat dollara nisbətən dəyər qazanırdı. 1 dollar 1 manat 92 qəpikdən 1 manat 72 qəpiyə düşmüşdü. İqtisadçılar bunu müvəqqəti sayırdılar. Son üç hərracda yenidən dollar bahalaşır.