-
Braziliyalılar orta hesabla ildə iki kitab oxuyurlar. Bunu Braziliyada keçirilən anket sorğuları deyir.
Kitab oxuyanların sayını artırmaq üçün Braziliyanın böyük "L&OM Editores" nəşriyyatı Sao Paolo şəhər rəhbərliyinin sifarişilə metro bileti - kitabçalar buraxıb. Bu kitabçalar həm ədəbiyyatdır, həm də metro kartı.
İlk mərhələdə on adda kitab metro kartı ölçüsündə buraxılıb. Bu on kitabın hər birinin on min nüsxəsi çıxarılıb. Onlara barkod qoyulub, bir kitab on pulsuz metro girişinə imkan verir.
Bu o deməkdir ki, metroya girən hər adamın əlində artıq bir kitab var və onu oxuya bilər.
İlk kitab-metro kartlarında aşağıdakı əsərləri oxumaq olar:
Pablo Nerudanın “Yüz sevgi soneti”, F.Scott Fitzgerald’ın “Böyük Getsbi” romanı, Charles M. Schulz’un “Budur dostluq”, Jim Davis’in “Bağışla”, Sun Tzu’nun "Müharibə sənəti”, Arthur Conan Doyle’un “Şerlok Holmes”i, W. Shakespeare’in “Hamlet”i, Agatha Christie’nin “Qətl xiyabanı”, Mauricio de Sousa’nın və Mario Quintana’nın əsərləri.
Bu innovasiyanı başqa Braziliya şəhərlərinə də tətbiq etməyə hazırlaşırlar.