Pyotr Kotin: ...orda yer qazanlar şüa xəstəliyi ilə üzləşəcəklər
“Enerqoatom” şirkətinin rəhbəri Pyotr Kotin Çernobıl zonasındakı qırmızı meşə adlanan ərazilərdən birinə baş çəkib və Çernobıl AES-in ətrafında ən yüksək radioaktiv çirklənmənin olduğu yerlərdə rus hərbçilərinin qazdığı xəndəklərin şəkillərini nümayiş etdirib.
Onun dediyinə görə, 30 günə yaxındır ki, bu yerlərdə məskunlaşan və orada yer qazanlar şüa xəstəliyi ilə üzləşəcəklər. O, dozimetrlə ölçülən yerlərdə torpaq səthindən radioaktiv şüalanmanın normadan 160 dəfə çox olduğunu göstərib. O həmçinin bildirib ki, Rusiya hərbçilərinin xəndək qazdığı yerlərdə 1986-cı ildə partlamış reaktorun nüvə yanacağı və qrafit hörgü parçaları var və əsgərlər o yerləri qazmaqla tullantıları bir qədər də üzə çıxarıblar.
Severodonetskdə məktəb və yaşayış binasının atəşə tutulduğu barədə xəbərlər var
Aprelin 10-u səhər saatlarında Ukraynanın Severodonetskdə məktəb və iki yaşayış binası atəşə tutulub. Bu barədə Luqansk vilayəti administrasiyasının rəhbəri Sergey Qaydai məlumat verib. Onun sözlərinə görə, binanın bir girişində birinci mərtəbədən beşinci mərtəbəyə kimi mənzillər yanıb. Yanğının söndürüldüyü, ilkin məumatlara görə insan təlafatının olmadığı bildirilir.
Ukraynanın Xarkov şəhərində göydən yaşayış binasının qarşısına paraşütlə düşən raketin fotosu çəkilib. UNİAN xəbər agentliyi yazır ki, bu barədə bir müddət əvvəl şəhərin meri xəbərdarlqı edibmiş.
Təxminən Ukraynanın yarasında eyni vaxtda həyacan siqnalları verilib
Eyni vaxtda Ukraynanın Xarkov, Kiyev, Volın, Xmelnitski, Rivne vilayətləri və s. bölgələrdə hava hücumu xəbərdarlığı elan edilib.