►"Bizdən dünyanın yanacaqdoldurma məntəqəsi çıxmadı"
Rusiya Dövlət Dumasının Oleq Paxolkov adlı deputatı təklif edib ki, xaricə neft satışı dayandırılsın.
Onun iqtisadi inkişaf naziri Aleksey Ulyukayevə müraciətində neftdən asılılıqdan imtina etməklə Rusiyanın daxili iqtisadiyyatının inkişaf strategiyasının işlənib hazırlanması təklif olunur.
Deputat bu prosesi beş il ərzində 20 faizlik mərhələlərlə, sonda xaricə neft satışının tam dayandırılmaqla həyata keçirməyi təklif edib.
Paxolkov Rusiyanın prinsipial olaraq yeni qaydada yaşamalı olduğunu deyib:
"Biz oturub neftin nə vaxtsa bahalaşacağını gözləyənə qədər iqtisadiyyat da, dövlət də çökür. Bizdən dünyanın yanacaqdoldurma məntəqəsi çıxmadı," deyə o, Ulyukayevə müraciətində yazır.
Deputat Paxolkov özünün səs-küylü təklifləri ilə tanınır. 2014-cü ildə Rusiya yığmasının Braziliyada keçirilən futbol üzrə dünya çempionatını məğlub tərk etməsindən sonra deputat komandanın o vaxtkı məşqçisi Fabio Capellonu qazandığı pulların "heç olmasa yarısını" geri qaytarmağa çağırmışdı.
_____________________________________________________________
Bunlara da bax:
-
«Valideynləri qızların xəstəliyini gizlədir»
-
Sahibkarın özünü yandırmasının qarşısı alındı [video]
-
Lirə düşür, Mərkəzi Bankın «sancısı» artır
_____________________________________________________________