Keçid linkləri

2017, 20 Noyabr, Bazar ertəsi, Bakı vaxtı 13:30

Trump-la Putin görüşdü: Tərifli sözlər...


Noyabrın 11-də Rusiya prezidenti Vladimir Putinlə ABŞ prezidenti Donald Trump arasında qısa söhbət olub.

Onlar Vetnamda Asiya-Sakit Okeanı İqtisadi Əməkdaşlıq toplantısı zamanı görüşüblər.

Putin deyir ki, görüş çox səmərəli keçib, amma təəssüf ki, münasibətlərin geniş spektrini müzakirə etmək imkanı olmayıb.

“Bilirsiz ki, mən Donald Trump-ın vərdişləri haqda az şey bilirəm. Bir-birimizi yaxından tanımırıq. Onu deyə bilərəm ki, Amerika prezidenti çox mədəni, dostyana davranır. Geniş müzakirələrə vaxtımız olmadı, halbuki müzakirə olunası çox şey var. Təhlükəsizlik sahəsində. Xüsusən də indi sıfır səviyyəsində olan iqtisadi əməkdaşlıq sahəsində”.

Buna da bax: Trump-ın keçmiş kampaniya rəhbəri özünü təqsirli bilmir

Putin deyir ki, mütləq Amerika prezidenti ilə vaxt tapıb geniş tərkibdə görüşəcəklər. O, Donald Trumpın müzakirələrə açıq, rahat bir adam olduğunu deyib.

Putin Trump-ın seçki kampaniyasının meneceri olmuş və Rusiya ilə gizli əlaqələrdə suçlanan Pol Manafort haqda həbs qərarı çıxarılmasına da münasibət bildirib.

Rusiya prezidenti deyir ki, Manaforta qarşı ittihamlar onun biznesmen kimi keçmiş Ukrayna prezidenti Viktor Yanukoviçlə əlaqələri üzərində qurulub. Onun fikrincə, bu, onu Rusiya ilə əlaqələrdə suçlamaq üçün yetərli deyil. Rusiya prezidentinin fikrincə, sadəcə rəqibləri hər bir şeydən Donald Trumpa qarşı istifadə etməyə çalışırlar.

İndi ABŞ-da Rusiyanın ABŞ-da keçirilmiş ötənilki seçkilərə mümkün müdaxiləsi araşdırılır. Trump Rusiyanın onun president seçilməsinə kömək etməsi haqda deyilənləri rədd edir.

Putin Rusiya dövlətinin maliyyələşdirdiyi 'Russia Today' beynəlxalq telekanalının ABŞ-da sıxışdırıldığını iddia edib.

Onun fikrincə, Rusiya mediasının ABŞ-dakı seçkilərə müdaxiləsini təsdiqləyən heç bir sübut yoxdur.

ABŞ-da RT-dən "xarici agent" kimi qeydiyyatdan keçmək tələb olunur.

Putin hesab edir ki, bu, söz azadlığına basqıdır.

Sənin fikrin

Şərhləri göstər

Günün bütün mövzuları

XS
SM
MD
LG