Keçid linkləri

2024, 29 Mart, Cümə, Bakı vaxtı 11:38

Orxan Pamuk: ‘Türkiyə ‘terror rejimi’nə doğru gedir’


Orxan Pamuk
Orxan Pamuk

Nobel mükafatlı yazıçı Orxan Pamuk Türkiyədə tanınmış jurnalist Ahmet Altanın həbsini pisləyib və xəbərdarlıq edib ki, Türkiyə «terror rejimi»nə doğru gedir.

Yazıçı bunu İtaliyanın «La Republika» qəzetinə müsahibəsində deyib.

Orxan Pamuk Türkiyədə , hətta hökuməti azacıq tənqid edənlərin barmaqlıqlar arxasına atıldığını və artıq ölkədə fikir azadlığının mövcud olmadığını deyir: «Fikir azadlığı artıq mövcud deyil. Özümüzü sürətlə hüquqi dövlətdən təcrid edir və terror rejiminə doğru gedirik», deyə o bildirib.

Buna da bax:​ O.Pamuk: "Bəzən bilmirəm ağzımı necə yumulu saxlayım"

Orxan Pamukun müsahibəsi Ahmet Altan və onun qardaşı, tanınmış akademik və iqtisadçı Mehmet Altanın həbsindən bir gün sonra dərc olunub.

Yazıçı bunu İtaliyanın «La Republika» qəzetinə müsahibəsində deyib.

2006-cı ildə Nobel mükafatına layiq görülən Pamuk hələ 15 iyul qiyam cəhdindən də əvvəl prezident Recep Tayyip Erdoğanın tənqidçisi kimi tanınır.

O, həbs edilmiş bütün ziyalıları mümkün qədər tez azad etməyə və ədalətli məhkəmə keçirməyə çağırır.

Anadolu agentliyinin məlumatına görə, Altan qardaşları ötən şənbə günü qiyam cəhdiylə bağlı aparılan istintaq çərçivəsində saxlanıblar.

Ahmet Altan uzun illər «Hürriyet» və «Milliyet» qəzetlərinin şərhçisi olub, 2007-ci ildə isə müxalifətdə olan «Taraf» qəzetini təsis edib.

Buna da bax:​ Türkiyədə yeni saxlananlar var

Altan qardaşları ötən şənbə günü qiyam cəhdiylə bağlı aparılan istintaq çərçivəsində saxlanıblar.

2012-ci ildə qəzetin baş redaktorluğundan istefa verib və bir neçə roman yazıb.

Mehmet Altan isə iqtisadçı və Türkiyənin siyasətindən bəhs edən bir neçə kitabın müəllifidir.

«Hürriyet» qəzetinin yazdığına görə, Altan qardaşları iyulun 14-ü, qiyam ərəfəsində «Can Erzincan» televiziya kanalında dediklərinə görə aparılan istintaq çərçivəsində həbs olunublar.

Altan qardaşları iyulun 14-ü, qiyam ərəfəsində «Can Erzincan» televiziya kanalında dediklərinə görə həbs olunublar.

Türkiyə hakimiyyəti bu kanalı, 15 iyul qiyam cəhdinin təşkilində ittiham olunan Fətullah Gülenin tərəfini saxlamaqda günahlandırır və kanal həmin vaxtdan bağlıdır.

Digər veteran jurnalist və yazıçı Nazli İlicak da həbs olunanlar arasındadır.

Buna da bax: Fethullah Gülen, Erdoğan və «İmamın ordusu»

O da həmin proqramda Altan qardaşları ilə birlikdə olub.

Türkiyə KİV-ləri hələ ki, həmin proqramda deyilənləri şərh etməyib.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG